CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimars, 17 de setembre

Actualitats

Diluns, 18 de març de 2019, 03h00

Gasconha > Lanas e Labrit > Baish Ador

La Comunautat d’Aglomeracion País Basco que va finançar ua politica lingüistica entà l'occitan

Si sonque lo 5% de la populacion deu parçan e parlan la lenga e 7% lo comprenen la chifra, la mei preciosa qu’ei que lo 78% que’s disen estacats au gascon e favorables au son manteniment e au son desvolopament


Comentaris 8 comentaris    
Marrit Flac Bon Plan bon Fabulós (10 vòtes)
carregant En cargar


Lo projècte de politica lingüistica en favor de la lenga e de la cultura occitanas qu’estó votat dissabte passat peu conselh de la Comunautat d’Aglomeracion País Basco (CAPB). Ua envolòpa de 50 000 èuros qu’estó acordada. Ua purmèra.


La Comunautat d’Aglomeracion País Basco que va finançar ua politica lingüistica entà l'occitan
© Fanny Lartigot

Peio Dibon, cargat de mission dedicat a la lenga nosta a la CAPB qu’èra au micro de Fanny Lartigot de Ràdio País Lanas-Baish Ador
© Fanny Lartigot





Etiquetas
bascoat, bascoat nòrd, capb, gascon, occitan, politica lingüistica, ràio país

B’ei inedit! Peu prumèr còp en efèit, la CAPB que va finançar ua politica lingüistica entà l'occitan. Aquera escaduda qu’ei lo resultat d’un tribalh miat l’an passat peu CAPB en aliança dab partenaris publics com la region Navèra Aquitània, lo Conselh Departamentau deus Pirenèus Atlantics, l’ÒPLO e l’Institut Occitan: ua enquèsta sociolingüistica d’endom, qui balhè resultats interessants.
 
Si sonque lo 5% de la populacion deu parçan e parlan gascon e 7% lo comprenen (enquèsta miada sus 15 comunas), la chifra la mei preciosa qu’ei la seguenta: un 78% que’s disen estacats au gascon e favorables au son manteniment e au son desvolopament. Un resultat qui convençò lo CAPB d’ aviar ua politica lingüistica adaptada.
 
Tres objectius màgers que son au còr d’aqueth tribalh: la transmission, la difusion e lo desvolopament.
 
 
50 000 èuros...tà començar
 
Lo CAPB qu’a donc alogat 50 000 èuros.  Solide, que pòt semblar chic de causas. Que’ns podem avisar qu’ei quasi 20 còps mensh que çò d’atribuit tà la lenga basca...Mes totun, que demora ua prumèra de compte har: ua vertadèra politica lingüistica miada a la Comunautat d’Aglomeracion País Basco per la lenga nosta. Lo sol enonciat qu’ei pro entà’s díser que tot n’ei pas perdut, que las causas avançan. Chic a chic.
 
“Arren ne’s harà per fòrça, Que calerà l’adesion de la populacion”, çò precisè lo president de la CAPB Jean-René Etchegaray . Mes dab quasi 80% deu monde estacats au gascon e au son desvolopament, qui pòt dobtar enqüèra d’ua manca d’adesion?
 
Lo gascon que sembla mei que jamèi legitim sus aqueras tèrras deu Baish Ador.
 
En junh passat dejà, la Comunautat d’Aglomeracion País Basco que reconeishó oficiaument l'occitan e lo basco com lengas oficiaus deu son territòri a costat deu francés. La navèra politica qui s’espelish uei lo dia que n’ei lo perlongament naturau.
 
Escòlas, centres de formacions professionaus, centres de lesers, ninoèras, EHPAD, estructuras culturaus, tots que van estar sollicitats entà en·hicar lo gascon dens las lors activitats e projèctes.
 
En esperant los prumèrs resultats, que’ns podem beròi regaudir d’aquera avançada de prumèra per la diversitat linguistica e culturau, e la reconeishença de la nosta cultura.
 
Peio Dibon, cargat de mission dedicat a la lenga nosta a la CAPB qu’èra au micro de Fanny Lartigot de Ràdio País Lanas-Baish Ador. Qu’èra dens Lo Gran Descluc de Ràdio País deu 15 de març (debut a 53’20).
 
 
 
 
Ràdio País
 
 

 


Aqueste article es possible gràcias a un acòrdi de cooperacion entre Jornalet e Ràdio País.
 
 
 
 


abonar los amics de Jornalet
 



publicitat
BANER1-2-3: DGPL DICTADES



Comentaris

19 de març 23.38h

VOS AIMI Occitania Euskadi
Catalunya.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

18 de març 21.11h

#6 "La Comunautat d'aglomeracion del Pais Basco (CAPB) es dirigida per d'Abertzaleen (Nacionalistas bascos) e fan vertadièrament quicòm pel basco e l'occitan"

aquò's faussa informacion ; lo president de la CAPB es Jean René Etchegaray, sòci de l'UDI. s'i tròban abertzales, bissè (aquò vòu díder "patriòt"), mès pensi pas m'enganar en afirmant que n'i a pas nat nacionalista dens la majoritat a la CAPB.

quitament lo conse d'Uztaritze (que vedem sus la fòto a costat deu president Et... Legir mai


Valoriza aqueste comentari:   votar positiu 7   votar negatiu 1
Respondre comentari replica Comentari inadeqüat   Formulari d'abús de comentari

18 de març 19.32h

Per l'anecdòta en Òlt e Garona lo Conselh Despartamental dirigit per çò que demòra del Partit Socialista local financia cada an La Quinzena Occitana que se debana en març o abriu.
Beneficiam "generosament" d'entre 15 e 20.000 €

La Comunautat d'aglomeracion del Pais Basco (CAPB) es dirigida per d'Abertzaleen (Nacionalistas bascos) e fan vertadièrament quicòm pel basco e l'occitan

Occitans de totes parçans se volètz que la lenga crebe contunhatz de votar pels partits francistas
(R... Legir mai


Valoriza aqueste comentari:   votar positiu 10   votar negatiu 6
Respondre comentari replica Comentari inadeqüat   Formulari d'abús de comentari

18 de març 13.18h

#4 Non, briga! jo, que'm regaudeishi d'ua avançada bèra, ès tu qui'm vienes corregir!
E n'ès pas excludit tanpauc! que't pòdes regaudir de çò qui's passa acerà, mes que van espelir la practica deu gascon, pas deu provençau, non? ''Gascon'' n'ei pas lèd mot.
Que cau deixar de costat totas aqueras guèrras, e deixar lo monde nomar la lenga com vòlen, mercés. Qu'ac sabem que parlam de la medixa causa de tot biaish. Tots endavant!


Valoriza aqueste comentari:   votar positiu 24   votar negatiu 10
Respondre comentari replica Comentari inadeqüat   Formulari d'abús de comentari

18 de març 12.35h

#3 Non, es pas parier. As un discors de reduccion, m'excluses coma provençau. m'empachas d'èstre solidari amb mei fraires gascons dins la granda comunautat occitana. La peleja la crèas tu.


Valoriza aqueste comentari:   votar positiu 12   votar negatiu 19
Respondre comentari replica Comentari inadeqüat   Formulari d'abús de comentari

18 de març 11.36h

#2 qu'ei parièr...ne vam aviar las pelejas un còp mei ! acerà que disen tots 'gascon' entà nomar la lenga, qu'ei atau. Que'ns podem totun regaudir d'ua tau avançada shens chicanejar suu nom de la lenga!
Tots endavant!


Valoriza aqueste comentari:   votar positiu 21   votar negatiu 15
Respondre comentari replica Comentari inadeqüat   Formulari d'abús de comentari

18 de març 09.52h

#1 Non, es una avançada per tota la lenga occitana.


Valoriza aqueste comentari:   votar positiu 14   votar negatiu 7
Respondre comentari replica Comentari inadeqüat   Formulari d'abús de comentari

18 de març 09.04h

òsca! ua grana avançada per la lenga gascona! :)


Valoriza aqueste comentari:   votar positiu 15   votar negatiu 7
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 17
  • sol Aush 18
  • sol Bordèu 18
  • sol Briançon 14
  • sol Caors 15
  • sol Carcassona 18
  • sol Clarmont-Ferrand 15
  • sol Confolent 16
  • sol Gap 12
  • sol La Canau 18
  • sol La Gàrdia 18
  • sol Limòtges 18
  • sol Lo Borg Sant Dalmatz 16
  • sol Lo Puèi de Velai 13
  • sol Marselha 17
  • sol Montpelhièr 17
  • sol Naut Aran 16
  • sol Niça 18
  • sol Nimes 17
  • sol Pau 18
  • sol Peireguers 17
  • sol Rodés 18
  • sol Tolon 18
  • sol Tolosa 18
  • sol Valença 17

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Arle ©Laurenç Revèst

    Arle (Camarga)

  • © Miquèu Barís

    Los calandrons d'Auloron qu'an visitat Baiona

  • Cristòl Daurore

    Ceremonia pel 83n anniversari de Francés Fontan a Fraisse (Val Varacha)

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • A Gavotina marítima: Recabruna Cab Martin, a vila vielha e o castèl dau sécolo X

  • Lo pont. © Laurenç Revèst

    Remembres de Vaquí, emission en la Vau Clusa, novembre de 2005

  • © Franc Bardòu

    Coserans al còr

  • Sant Joan de Toran. Carrèr. © Xavi Gutiérrez Riu

    Val de Toran (Aran)

  • © Josep Carpintero

    Presentacion dera ANC Val d'Aran en Vielha, 28/12/2013

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • Coserans: Sent Líser, Casavèth, Sent Guironç, Saurat...

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • © Franc Bardòu

    Asuèlhs Bigordans

  • Estivada 2013. © Guillem Sevilla

    Estivada 2013

  • © Conselh Generau d'Aran

    Lo Torn de França 2016 en Aran

  • © Xavi Gutiérrez Riu

    Tarba

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Laurenç Revèst

    Via de Buelh a Pèunas a Valberg fins a Sant Laugier

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Laurenç Revèst

    Castelar

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)