Lo presonièr curd Zülküf Gezen, embarrat dins la preson turca de Tekirdağ, moriguèt dins la nuèch de dimenge a diluns a causa de la cauma de la fam que seguisson qualques centenats de presonièrs per protestar contra l’isolament que lo patís Abdullah Öcalan, çò rapòrta Naiz, que mençona l’agéncia d’informacions ANF.
 
La deputada Gülistan Kılıç Koçyiğit, del Partit de la Democracia Populara (HDP) —lo sol partit pròcurd del parlament de Turquia— a demandat als abitants de la vila d’Amed (en turc Diyarbakır) d’assistir nombroses a las funeralhas de Zülküf Gezen, e a reclamat que las demandas dels presonièrs en cauma de la fam se compliscan sul pic.
 
 
Degun sap pas res d’Öcalan
 
“Cossí se pòrta Abdullah Öcalan? Es viu?”, çò se demandan fòrça gents après lo còp d’estat mancat en Turquia que favorizèt l’endurziment de las politicas repressivas d’Erdoğan. Mas degun sap pas res d’el dempuèi abril de 2015, pauc abans de la rompedura del procès de patz entre lo govèrn turc e lo Partit dels Trabalhadors de Curdistan (PKK). El èra lo principal interlocutor, del costat curd del conflicte. Totun, las autoritats l’isolèron del Mond. La trèva s’especèt e la pression sus Curdistan es, dempuèi alavetz, mai violenta que jamai.
 
Lo 27 de julhet de 2011, l’estat turc enebiguèt que sos avocats lo vesitèsson. Entre julhet e decembre d’aquel an, los avocats faguèron 710 demandas per lo poder veire, mas totas foguèron refusadas.
 
Öcalan, conegut popularament amb l’escaisnom d’Apo (l’oncle), es lo cap que simboliza la lucha del pòble curd.
 
 

Hoy ha fallecido Zülkuf Gezen, el primer activista de los miles que se encuentran en huelga de hambre en Turquía contra el aislamiento de Abdullah Ocalan. Zülküf estaba en prisión hace 12 años en Tekirdag, Turquía. Sehid namirin! Los mártires no mueren! #ZülküfGezenÖlümsüzdürpic.twitter.com/dDPraxVU5x

— Kurdistán desde Chile (@kurdistan_cl) 17 de març de 2019