Actualitats
Iran: Amnestia Internacionala exigís la liberacion immediata de Nasrin Sotudeh
L’avocata l’an condemnada a 38 ans de preson e a 148 foetadas per aver defendut las femnas qu’an refusat d’obesir a de leis masclistas qu’elas considèran degradantas
Amnestia Internacionala (AI) a lançat una campanha per denonciar la situacion de avocata iraniana Nasrin Sotudeh, evitar que siá torturada e exigir que siá liberada. L’avocata l’an condemnada a 38 ans de preson e a 148 foetadas per aver defendut las femnas qu’an refusat d’obesir a de leis masclistas qu’elas considèran degradantas, en particular quand refusan de se cobrir lo cap amb un vel.
En Iran, las femnas e las filhas pòdon pas anar per carrièras sens se cobrir lo cap amb un cairat e portar de vestits longs que cobriscan braces e cambas. Nasrin Sotudeh luchèt contra aquò e defendèt las femnas que refusavan aquelas constrenchas. Las autoritats iranianas jutjan que la jurista a atemptat contra la seguretat nacionala e insultat lo Cap Suprèm. Segon AI, es la senténcia pus dura dempuèi longtemps per la defensa dels dreches umans.
Dins sa campanha, AI es a amassar de signaturas que mandaràn al Cap Suprèm iranian. “Podèm pas permetre qu’aquela granda dòna recépia una sola foetada ni que passe un jorn de mai en preson”, çò ditz l’organizacion umanitària qu’exigís del Cap Suprèm d’Iran “la liberacion immediata e incondicionala de Nasrin Sotudeh e que la senténcia siá anullada còp sec”.
En Iran, las femnas e las filhas pòdon pas anar per carrièras sens se cobrir lo cap amb un cairat e portar de vestits longs que cobriscan braces e cambas. Nasrin Sotudeh luchèt contra aquò e defendèt las femnas que refusavan aquelas constrenchas. Las autoritats iranianas jutjan que la jurista a atemptat contra la seguretat nacionala e insultat lo Cap Suprèm. Segon AI, es la senténcia pus dura dempuèi longtemps per la defensa dels dreches umans.
Dins sa campanha, AI es a amassar de signaturas que mandaràn al Cap Suprèm iranian. “Podèm pas permetre qu’aquela granda dòna recépia una sola foetada ni que passe un jorn de mai en preson”, çò ditz l’organizacion umanitària qu’exigís del Cap Suprèm d’Iran “la liberacion immediata e incondicionala de Nasrin Sotudeh e que la senténcia siá anullada còp sec”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Val mai que l'Iran la liberi e se crei pas problemas. La situacion internacionala ara non està pas per complicar-se la vida
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari