Bandièra01 1180x150: País Invisible

Actualitats

crotz-tolosaCreated with Sketch.ProvençaProvençaPaís d'Ais

Ais de Provença: an manifestat contra la supression de l’occitan de l’educacion publica

Segon los ensenhaires provençals, la reforma Blanquer a ja agut de repercussions “mortifèras”

Environ 300 personas  manifestèron ièr a Ais de Provença contra la supression de l’occitan de l’educacion publica. Après la reüssida de las protèstas que se visquèron en Lengadòc e Bigòrra, ara es Provença que planh l’acabada de l’ensenhament de l’occitan e que manifèsta en seguida d’una crida que l’an facha l’APLR, Ben lèu, Calandreta, lo CRÈO de Tolosa, FÈLCO-AELÒC, Lo Felibritge, lo Forum d’Òc, Lou Prouvençau à l’Escolo, l’IEO e l’Unioun Prouvençalo. Lo rectorat recebèt una delegacion d'ensenhaires.
 
Los ensenhaires vòlon que se done tota sa plaça a l'ensenhament de l'occitan e exigisson que siá tractat coma una lenga viventa del temps que demandan a l'acadèmia d'encoratjar lo bilingüisme de las escòlas al licèu. "Nosautres, ensenhaires de provençau-lenga d'òc, siam portaires de mila ans de cultura, mila ans portats per d'autors de centenas d'obratges", çò disiá sus plaça Didier Maurell a France Bleu. Maurell ensenha l’occitan a Ais de Provença e a Vitròlas.

 
Segon los ensenhaires provençals, la reforma Blanquer a ja agut de repercussions “mortifèras”. Tant l’acadèmia coma lo rectorat e de caps d’establiments an suprimit d’oras e de pòstes. E mai s’atacan a l’educacion primària. En mai d’aquò, “l’acadèmia ven de decidir de suprimir un dei pòstes de la Mission Lenga Regionala que dins lo departament ajuda leis escòlas qu’ensenhan ai pichons l’occitan dins sa varietat provençala”, çò declaran los professors mobilizats.
 
 






abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Reinat TOSCANO LO VAU
4.

Lo Ministre, òc. Mai devèm parierament (promierament?) parlar dei caps d'establiments que se sièrvon de la refòrma per liquidar l'ensenhament dei lengas regionalas. Totei lei mejans son bons, fins à l'impossibilitat de prendre en còmpte leis inscripcions deis escolans dins lei sistemas informatics!
Mai aquò tòca pas solament lei lengas regionalas: l'italian, per exemple, es tractat dau meme biais. Dins un liceu que coneissi ben (dirai pas son nom, que non ai lo drech de dire publicament que se tracta dau liceu Raynouard de Brinhòlas), avèm ja perdut l'occitan per lei rasons tecnicas evocadas mai aut, perdèm l'italian LV3, l'especiialitat italian, l'especialitat espanhòu, la literatura en italian e la literatura en espanhòu.

  • 6
  • 0
francesc palma
3.

L'Estat mai centralista del mod, continua amb sa sangria contra los pobles de lengo non francimanda, son procés d'assassinar las lengas e culturas que los paures chovinets,personas aliçonadas per los governs e l'escola francesa, ignorants de mena, e consignas nazis aniquiladoras de las ueit culturas no francesas de l'Estat. Visca Ais de Provença e sa luita plena d'amor per son cultura !

  • 3
  • 0
Emmanuèl Isopet
2.

Es risolièr l'imatge d'illustracion! Dins una manifestacion (publica donc), una persona que ten una bandièra (per far vèire quicòm donc), en primièra posicion de la manif (dabans los orators e las grasilhas del rectorat), enrodada de fotografes (ne vesèm tres, al mens) es estada/a demandat a èsser pas identificabla sus Jornalet. Es un cas d'escòla de nòstra societat. Me demandi se la vau pas utilizar dins una de mos corses. (o alara aquela persona a un problèma amb Jornalet?)

  • 2
  • 0
Emmanuèl Isopet
1.

Osca collègas per aquesta brava mobilizacion!

  • 6
  • 0

Escriu un comentari sus aqueste article