Bandièra01 1180x150: Comuna de Tolosa

Actualitats

Niça: una femna de 73 ans seriosament nafrada al cap per la polícia

La 19a setmana de protèstas dels Gilets Jaunes es arribada dins un quadre de repression màger

La 19a setmana de protèstas del movement dels Gilets Jaunes es arribada jos l’enebicion de manifestar dins cèrts endreches del país e amb la menaça de l’armada. Dins aquel encastre de repression generalizada los rets socials meton endavant l’agression patida per Geneviève Legay, una femna niçarda de 73 ans, militanta d’Attac, seriosament nafrada al cap per la polícia.
 
La manifestacion de dissabte passat èra enebida pel govèrn francés dins un fum d’endreches, dont una granda partida del centre vila de Niça. Pasmens, coma per pertot, qualques desenas de manifestants protestèron sus la Plaça Garibaldi. E aquí la polícia carguèt contra los manifestants en nafrant seriosament la militanta altermondialista que portava un drapèl de l’arcolan. Los pompièrs l’evacuèron conscienta, segon çò que rapòrtan de jornalistas de l’AFP qu’èran sus plaça. Sa filha èra amb ela. Geneviève Legay patís plusors fracturas al crani e d’ematòmas sosdurals, e es plaçada jos perfusion de morfina a causa dels violents mals de cap.
 
 
La familha farà sa denóncia
 
La familha de la militanta altermondialista niçarda depausarà uei una denóncia per “violéncias volontàrias en reünion emb arma per personas depositàrias de l’autoritat publica e sus persona vulnerabla”. L’avocat a precisat a l’AFP que la denóncia “amira lo prefècte en qualitat de complice per òrdres”.
 
 
Una activista plan coneguda
 
Geneviève Legay es una figura pro coneguda dins l’entorn associatiu de Niça. Es membre del collectiu pel drech de las femnas, del collectiu contra lo racisme, pòrtavotz d’Attac Niça, membre de Politica Ensems, d’Artisans del Mond, militanta ecologista....
 
 
Una jornada de repression màger
 
Dissabte passat, los Gilets Jaunes tornèron prene las carrièras de tot l’estat francés. Aqueste còp jos l’enebicion de manifestar dins certans endreches del país e jos la menaça de l’armada, coma aviá anonciat la ministra de la Defensa, Florence Parly.
 
La mobilizacion, que se bat dempuèi quatre meses contra las politicas neoliberalas del president Emmanuel Macron, a patit aquesta dimenjada una repression desmesurada.
 



 

 

 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
11.

E una declaracion mespresenta, una de mai, sus la manca de saviesa e la mameta. Se sap plan qu'el, lo Macronet, que sa mamà l'excusa totstemps quand fa de trastadas (l'esqui es una idèa d'ela, çò ditz), es mai sabi qu'Aristòtel e Platon reünits.
S'avètz ausit los dos escòuts (Emelien e un autre enarca formatat) sus la ràdio de referéncia ièr matin, avètz aguda la pròva qu'es pas qu'una còla d'impertinents sens escrupuls qu'an panat lo poder. Presentan coma nòvas -"progressitas", çò dison-, de recèptas del temps de ma grand la bòrnhia (totes los que romègan son d'inadaptats que comprenon pas lo "progrés"). S'autodefinisson coma los sols "progressistas", "europeistas (per quina Euròpa?), e "clarvesents" sus la realpolitic, la sola politica possibla e pretendon que son pas thatcherians!!!
An lo fetge de dire que lo president.com es qualqu'un que ditz çò que pensa, quand se sap qu'i a tota una còla de comunicants que preparan las frasòtas per desestabilizar l'opinion.
Foguèron tres quarts d'oras de messorgas sens vergonha.
Per far cort: es tornat lo temps "des copains et des coquins" de i a mièg sègle.

  • 12
  • 0
francesc palma
10.

Los gendarmas assassins de vielhas e vielhs. Colha de monelhots !

  • 3
  • 0
Toloricon Ramonvila
9.

#8 Discors clavat.

  • 2
  • 8
Papioli
8.

#6 Esperam lo resultat juridic que vendra pas perque sem pus dins una societat de dreit mas dins una dictatura que fai la lei sens desbat public, en catar de las informacions essencialas e en muselar una pressa qu'es au servici de los que los paian.
Coma dins tot movament populari, i a de tot dins los manifestants . sem pas obligeat d'esser tots d'accòrd emben las revendicacions daus gilets jaunes mas la democracia en pren un còp e laissam far.
Los gilets jaunes an lo dreit de paraula mas tot lo monde a lo dreit de paraulas. Perqué i a una inercia qu'empescha los politics de far lòr trabalh, los jornalistes d'informar e a la populacion de participar aus afars dau pais? Trobaram totjorn daus manifestants que son prestas a tot cassar mas i trobam tanben de las gens que volan lo desbat democratic , la patz, e comprener ente los dirigeants nos menan. Dins la poliça i a tanben daus que volan en decodre emben los gilets jaunes e d'autres que protestan a lòr faiçon contre la violença policiera. La violença amena la violença e sert los que governan. la manifestacion pacifica sert lo cambiament qu'es necessari.
I a pas de gilets jaunes, de gilets verts o rojas o autras. Sem tots daus gilets e avem interest a s'assemblar, se comprener, se parlar e pas entrar dins una rivalitat, una guerra segond la color de nòstres gilets que sert los qu'an besonh de divisar per mielhs renhar..

  • 8
  • 0
Gerard Joan Barceló Pèiralata
7.

#4 Avètz d'a fons rason, grandmercé de vòstra lectura atentiva. De costuma, es un iberocatalanisme que corregissi sistematicament mas, puèi que parli tanben catalan e coneissi lo castelhan, de còps pòt capitar qu'oblide de o far. O corregirai doncas!

  • 6
  • 0

Escriu un comentari sus aqueste article