Actualitats
41 senators franceses de totes los partits apèlan al “respècte de las libertats e dels dreches fondamentals en Catalonha”
Fan una peticion per que França e los païses de l’Union Europèa intervengan per restablir las condicions del dialòg e trobar de solucions politicas a un problèma politic
Aquesta dimenjada passada, 41 senators franceses an rendut public un manifèst qu’apèla al “respècte de las libertats e dels dreches fondamentals en Catalonha”. Lo tèxt es signat per de senators del partit de Macron, de socialistas, de comunistas, de republicans, d’ecologistas, de Generacion·s e del Partit Radical, e denóncia la repression que patisson los representants politics legitims, encarcerats o en exili, e demanda l’intervencion de l’estat francés dins lo procès politic independentista. L’iniciativa es promoguda pels senators François Calvet, Michel Canevet, Ronan Dantec, André Gattolin, Pierre Ouzoulias e Simon Sutour.
Los signataris meton endavant que, coma europèus e coma franceses, se senton inquiets pels grèus eveniments que se produson en Catalonha a causa del jutjament a la Cort Suprèma espanhòla contra d’èx-membres de la Generalitat de Catalonha, l’èx-presidenta del Parlament de Catalonha e de quadres de las associacions catalanas.
Los senators denóncian que la situacion es un vertadièr atac contra los dreches e las libertats democraticas. Planhon que la gravetat d’aquel afar siá mesestimada dins l’estat francés. Per aquela rason fan una peticion per que França e los Païses de l’Union Europèa intervengan per restablir las condicions del dialòg e trobar de solucions politicas a un problèma politic.
Colèra d’Espanha
L’ambaissador d’Espanha en França, Fernando Carderera, reagiguèt en indicant que lo tèxt “demostrava una mesconeissença absoluda de la situacion espanhòla de part d’un grop minoritari de senators franceses”. Una analisi que tanben la parteja Manuel Valls, ara candidat espanholista a la comuna de Barcelona, que diguèt que los senators signataris “[representavan] pas que lo 12% de la cambra” e que “manifèstan una granda igorància de çò que se passa en Catalonha”.
França evita l'incident diplomatic
E mai lo tèxt dels senators franceses l’escriguèsse un senator macronista especializat dins los afars europèus, lo govèrn francés a reagit rapidament a sosténer Espanha. Lo Quai d'Orsay a fach tornar a l'òrdre los senators, del temps que la ministra en carga dels afars estrangièrs, Nathalie Loiseau a dich que cap de parlamentari se deu pas “immiscir” car “aquò es un subjècte que depend de la responsabilitat d’Espanha”. E mai a soslinhat que "las autoritats franceses remembran lor estacament a una Espanha fòrta e unida e lor plen sosten a las autoritats espanhòlas".
Borrell critica lo tèxt e merceja Loiseau per sa responsa rapida de Loiseau
Quant a el, lo ministre espanhòl dels afars estrangièrs, Josep Borrell, a criticat lo gèst dels senators franceses en disent que lo tèxt es “inadmissible” e que revèla “un nivèl alarmant de desinformacion” d’aqueles senators sus la “realitat espanhòla”.
Abans tot, Borrell a mercejat, en nom del govèrn espanhòl, de sa responsa “rapida e energica” lo govèrn francés, que defend l’unitat d’Espanha.
Los signataris meton endavant que, coma europèus e coma franceses, se senton inquiets pels grèus eveniments que se produson en Catalonha a causa del jutjament a la Cort Suprèma espanhòla contra d’èx-membres de la Generalitat de Catalonha, l’èx-presidenta del Parlament de Catalonha e de quadres de las associacions catalanas.
Los senators denóncian que la situacion es un vertadièr atac contra los dreches e las libertats democraticas. Planhon que la gravetat d’aquel afar siá mesestimada dins l’estat francés. Per aquela rason fan una peticion per que França e los Païses de l’Union Europèa intervengan per restablir las condicions del dialòg e trobar de solucions politicas a un problèma politic.
Colèra d’Espanha
L’ambaissador d’Espanha en França, Fernando Carderera, reagiguèt en indicant que lo tèxt “demostrava una mesconeissença absoluda de la situacion espanhòla de part d’un grop minoritari de senators franceses”. Una analisi que tanben la parteja Manuel Valls, ara candidat espanholista a la comuna de Barcelona, que diguèt que los senators signataris “[representavan] pas que lo 12% de la cambra” e que “manifèstan una granda igorància de çò que se passa en Catalonha”.
França evita l'incident diplomatic
E mai lo tèxt dels senators franceses l’escriguèsse un senator macronista especializat dins los afars europèus, lo govèrn francés a reagit rapidament a sosténer Espanha. Lo Quai d'Orsay a fach tornar a l'òrdre los senators, del temps que la ministra en carga dels afars estrangièrs, Nathalie Loiseau a dich que cap de parlamentari se deu pas “immiscir” car “aquò es un subjècte que depend de la responsabilitat d’Espanha”. E mai a soslinhat que "las autoritats franceses remembran lor estacament a una Espanha fòrta e unida e lor plen sosten a las autoritats espanhòlas".
Borrell critica lo tèxt e merceja Loiseau per sa responsa rapida de Loiseau
Quant a el, lo ministre espanhòl dels afars estrangièrs, Josep Borrell, a criticat lo gèst dels senators franceses en disent que lo tèxt es “inadmissible” e que revèla “un nivèl alarmant de desinformacion” d’aqueles senators sus la “realitat espanhòla”.
Abans tot, Borrell a mercejat, en nom del govèrn espanhòl, de sa responsa “rapida e energica” lo govèrn francés, que defend l’unitat d’Espanha.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5
Era un pauc d'umor, mas podem aprogondir las causas : per existir cal èsser reconeigut, mas sufís pas o cal far saber, o cal diser !
#6 N'ia de totas las colors, emai qualque macronista.
Cal pas rifanhar sus l'accion d'aqueles senators. Dins lo silenci escandalós del govèrnament francés, que baileja la patria de la traïson als dreches de l'òma e del ciutadan, es ja quicòm. Lo Valls s’es pas enganat, el qu’a trucat coma un caluc a totes sos contactes per bramar contra eles.
Un exemple. En Calvet es de La Guingueta d’Hix (Bourg Madame) e parla correntament lo catalan. Sa comuna, El Soler, aculhís una escòla catalana e lo sol collègi Bressola de Catalonha Nòrd. A causit d’obrar de l’interior, es a dire de pas espaurugar son electorat per contunhar d’èsser elegit e de butar a la ròda tant que pòt, çò qu’es pas aisit dins la França jacobina.
Ieu, soi pas de drecha, mas cresi a sa sinceritat. Los catalans conscients sabon que son enemic politic, lo defuntat Bourquin, se contentava de simbòls vuèges (impausèt l'ortografia Canigó al luòc de « Canigou ») mas se vesiá pas res venir dins l'ensenhament, quitament quand foguèt president de region. E i a pas de bressola a Millars, que ne foguèt cònsol (e deputat) pendent d'annadas. Calvet fa mens de bruch mas avança sul sicut.
Es interessant saber quants de comunistes, quants de socialdemocratas, quants d'en Macronet.....varen votat per les libertats de Catalunya ?
#3 Non existisson los Occitans ? Alavetz, qué dire dels Franceses ? Existisson encara mens…
Que bourri plâ sabė quoans d'aquéts senatous e's chepiquen de la decentralisacioû e de las lenques regiounaus qui soun loegn d'abé lou nibèu qu'an en Espagne. Senoû qu'éy coum segnà peticioûs da la banquise e la pats p'ou moun'. Que merque beroy mes noû serbech ad arré
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari