Actualitats
Rwanda commemòra los 25 ans del genocidi amb 100 jorns de dòl nacional
Es lo genocidi mai rapid de l’istòria e lo de mai granda portada pertocant lo nombre de mòrts per jorn: al total, entre 500 000 e 1 000 000, mai que mai de tutsis
Comencèt ièr en Rwanda un periòde de dòl nacional de 100 jorns per commemorar lo 25n anniversari del genocidi contra la comunautat tutsi del país e contra los sectors hutus mai moderats. Es lo genocidi mai rapid de l’istòria e lo de mai granda portada pertocant lo nombre de mòrts per jorn: al total, entre 500 000 e 1 000 000, mai que mai de tutsis.
Lo 6 d’abril de 1994, l’atemptat contra l’avion del president rwandés Juvénal Habyarimana marquèt lo començament del genocidi. Davant l’impassibilitat internacionala, dins un periòde de cent jorns, gaireben un milion de personas foguèron assassinadas e de desenats de milièrs de femnas violadas.
Alavetz, França èra presenta dins l’èx-colònia bèlga, particularament a travèrs de destacaments militars. Lo govèrn francés cooperava totjorn tecnicament a la formacion dels dirigents rwandeses, en seguida d’un acòrdi signat en 1975.
Mentre aquestes dirigents, gaireben totes d’hutus, decidissián de tuar los tutsis, las autoritats francesas adoptèron una politica de “non-interposicion”, malgrat las pressions de mai d’un país occidental que mostravan lor chepic en vesent la portada del masèl.
En 2004, l’ÒNU, a l’ocasion del lançament d’un plan d’accion de prevencion dels genocidis, comencèt de commemorar lo Jorn Internacional de Reflexion sul Genocidi, lo 7 d’abril.
Génocidé: lo testimoniatge de Révérien Rurangwa
Prepausam en seguida lo filme Génocidé, d’Stéphane Valentin. Lo filme mòstra lo testimoniatge de Révérien Rurangwa que lo 20 d’abril de 1994, a 15 ans, foguèt mutilat salvatjament amb un cotèl amb 42 autres membres de sa familha. Lo jove subrevisquèt miraclosament a aquel masèl, en perdent un uèlh, un braç e la mitat de son nas.
Lo 6 d’abril de 1994, l’atemptat contra l’avion del president rwandés Juvénal Habyarimana marquèt lo començament del genocidi. Davant l’impassibilitat internacionala, dins un periòde de cent jorns, gaireben un milion de personas foguèron assassinadas e de desenats de milièrs de femnas violadas.
Alavetz, França èra presenta dins l’èx-colònia bèlga, particularament a travèrs de destacaments militars. Lo govèrn francés cooperava totjorn tecnicament a la formacion dels dirigents rwandeses, en seguida d’un acòrdi signat en 1975.
Mentre aquestes dirigents, gaireben totes d’hutus, decidissián de tuar los tutsis, las autoritats francesas adoptèron una politica de “non-interposicion”, malgrat las pressions de mai d’un país occidental que mostravan lor chepic en vesent la portada del masèl.
En 2004, l’ÒNU, a l’ocasion del lançament d’un plan d’accion de prevencion dels genocidis, comencèt de commemorar lo Jorn Internacional de Reflexion sul Genocidi, lo 7 d’abril.
Génocidé: lo testimoniatge de Révérien Rurangwa
Prepausam en seguida lo filme Génocidé, d’Stéphane Valentin. Lo filme mòstra lo testimoniatge de Révérien Rurangwa que lo 20 d’abril de 1994, a 15 ans, foguèt mutilat salvatjament amb un cotèl amb 42 autres membres de sa familha. Lo jove subrevisquèt miraclosament a aquel masèl, en perdent un uèlh, un braç e la mitat de son nas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
En França, i a genocidi e genocidi. D'unes se'n parla sens relambi e d'autres son tabós. La question se pausa sus aquestes: perqué se'n parla pas?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari