Actualitats
De milícias pròchas de l’Armada Nacionala Libiana menaçan d’exterminar los berbèrs
Lo Conselh de Seguretat de las Nacions Unidas a demandat a l’Armada Nacionala Libiana de cessar tota mena d’activitat militara
La dicha Armada Nacionala Libiana (ANL) del marescal Khalifa Haftar, contraròtla ara l’èst del país e avança devèrs la vila de Trípol, qu’es contrarotlada pel dich Govèrn d’Union Nacionala (GUN) reconegut per la comunautat internacionala. Dins un messatge vidèo, Haftar a cridat los abitants de Trípol a “depausar las armas e a alçar lo drapèl blanc”. De son latz, lo primièr ministre del GNA, Faiez Al Saraj, a donat l’òrdre de metre las tropas en estat operacional per protegir los civils, çò rapòrta Tamazgha.
Exterminar los berbèrs
Mentretant, lo sheikh madkhalista Ahmed Buduira, alias “Abu Aisa Al Marjaui”, pròche del marescal Haftar, menacèt lo 31 de març passat d’exterminar los berbèrs libians. Segon el, “la liberacion” de la zòna oèst del país, qu’escapa al contraròtle d’Haftar, deu començar per la somission dels berbèrs ibaditas qu’el considèra “mescresents”, e que, per tant, per el es legitim d’exterminar.
Aquelas menaças an constrench los berbèrs libians de jónher lo front del GUN per defendre Trípol.
Los madkhalistas
Los madkhalistas seguisson un corrent salafista menat pel sheikh saudian Rabi Al Madkhali que presica “l’obesissença absoluda al governant”, quin que siá, e que ditz que la democracia es la substitucion de la sobeiranetat de Dieu per la sobeiranetat del pòble. Son, totun, ostils als movements de l’islam politic e quitament als grops jihadistas, e mai ideologicament ne sián fòrça pròches. La milícia d’Al Marjaui es aliada al marescal Haftar, sostengut per Egipte, pels Emirats Arabis Units e, mai discretament, per l’Arabia Saudita. En 2016, Rabi Al Madkhali emetèt un avís religiós qu’encoratjava sos partisans a jónher los rengs del marescal Khalifa Haftar.
Amnestia Internacionala a denonciat la milícia d’Al Marjaui en revelant qu’aviá cremat de libres e raubat d’estudiants membres d’una associacion universitària qu’avián organizat una jornada de la tèrra sus lor campus a Benghazi. En novembre de 2017, la milícia barrèt un festenal de benda dessenhada a Trípol e acusèt los organizaires d’esplechar “la feblesa de la fe e lo pivelatge per las culturas estrangièras”.
L’ÒNU exigís de l’ANL que cèsse l’activitat militara
Lo Conselh de Seguretat de las Nacions Unidas a demandat a l’Armada Nacionala Libiana (ANL) del marescal Khalifa Haftar de quitar tota sòrta d’activitat militara, en avertissent que menaça l’estabilitat del país.
Lo Conselh “demanda a las fòrças de l’ANL de frenar tota activitat militara”, çò a precisat l’ambaissador d’Alemanha davant las Nacions Unidas, Christoph Heusgen.
D’autre caire, los ministres dels afars exteriors dels païses del G7 an assegurat que s’opausan energicament a l’activitat militara dins lo país e an avertit implicitament Haftar per son avançada devèrs Trípol.
Exterminar los berbèrs
Mentretant, lo sheikh madkhalista Ahmed Buduira, alias “Abu Aisa Al Marjaui”, pròche del marescal Haftar, menacèt lo 31 de març passat d’exterminar los berbèrs libians. Segon el, “la liberacion” de la zòna oèst del país, qu’escapa al contraròtle d’Haftar, deu començar per la somission dels berbèrs ibaditas qu’el considèra “mescresents”, e que, per tant, per el es legitim d’exterminar.
Aquelas menaças an constrench los berbèrs libians de jónher lo front del GUN per defendre Trípol.
Los madkhalistas
Los madkhalistas seguisson un corrent salafista menat pel sheikh saudian Rabi Al Madkhali que presica “l’obesissença absoluda al governant”, quin que siá, e que ditz que la democracia es la substitucion de la sobeiranetat de Dieu per la sobeiranetat del pòble. Son, totun, ostils als movements de l’islam politic e quitament als grops jihadistas, e mai ideologicament ne sián fòrça pròches. La milícia d’Al Marjaui es aliada al marescal Haftar, sostengut per Egipte, pels Emirats Arabis Units e, mai discretament, per l’Arabia Saudita. En 2016, Rabi Al Madkhali emetèt un avís religiós qu’encoratjava sos partisans a jónher los rengs del marescal Khalifa Haftar.
Amnestia Internacionala a denonciat la milícia d’Al Marjaui en revelant qu’aviá cremat de libres e raubat d’estudiants membres d’una associacion universitària qu’avián organizat una jornada de la tèrra sus lor campus a Benghazi. En novembre de 2017, la milícia barrèt un festenal de benda dessenhada a Trípol e acusèt los organizaires d’esplechar “la feblesa de la fe e lo pivelatge per las culturas estrangièras”.
L’ÒNU exigís de l’ANL que cèsse l’activitat militara
Lo Conselh de Seguretat de las Nacions Unidas a demandat a l’Armada Nacionala Libiana (ANL) del marescal Khalifa Haftar de quitar tota sòrta d’activitat militara, en avertissent que menaça l’estabilitat del país.
Lo Conselh “demanda a las fòrças de l’ANL de frenar tota activitat militara”, çò a precisat l’ambaissador d’Alemanha davant las Nacions Unidas, Christoph Heusgen.
D’autre caire, los ministres dels afars exteriors dels païses del G7 an assegurat que s’opausan energicament a l’activitat militara dins lo país e an avertit implicitament Haftar per son avançada devèrs Trípol.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La CIA, benlèu? E la CIA de Paris, lo BHL que conselhèt lo petit Nicolàs? Alara:
Mercé quY?
Mercé SarkozY et BH LévY!
La CIA enganet a Obama disent li qu' havia de levar a Gadafi perquè era lo mai dolent e pervers dels governants qu' existian. Obama enganet a l'UE e a la resta del mond. E finalament aquela cola posà una tirania molt pitjor que la que hi havia. L'Imperi del Mal.
La conquista, l'imperialisme e la destruccion araba continua sembla. Los berbères, quora seràn respectats, coma los autres non arabes, del mond erroneament dich arabomusulman ?
De milícias pròchas de l’Armada Nacionala Libiana menaçan d’exterminar los Berbèrs. Lo Conselh de Seguretat de las Nacions Unidas a demandat a l’Armada Nacionala Libiana de cessar tota mena d’activitat militara. Mas s'aquelas preconisacions esmòvon tant los de l'ANL coma las de l'UNESCO esmòvon lo Blanquer, non doni mai car de la subrevida de l'ensenhament de l'occitan que de la dels Berbèrs de Libia !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari