CAPÇALERA: Conselh Generau d'Aran 728x90
CAPÇALERA2: FAI-TE SOCI

Jornalet, gaseta occitana d'informacions

Diluns, 22 d'abril

Actualitats

Dissabte, 13 d'abril de 2019, 03h00 Internacional,Politica,Societat

Julian Assange es dins una preson britanica a l’espèra d’un procès que pòt èsser malaisit e long

La polícia britanica l’arrestèt dijòus passat perque lo govèrn de l’Eqüator li aviá levat l’asil


Comentaris 4 comentaris    
Marrit Flac Bon Plan bon Fabulós (4 vòtes)
carregant En cargar






Etiquetas
assange

Lo fondador de Wikileaks, Julian Assange, es ara dins una preson britanica en esperant lo procès d’extradicion a la demanda dels Estats Units. Atal o expliquèt ièr son avocat, l’èx-jutge espanhòl Baltasar Garzón, a l’antena de Catalonha Ràdio. “Serà pas un procès aisit”, çò diguèt lo jurista en precisant que pòt èsser long.
 
Es pas probable que se reactive l’acusacion de viòl de Suécia, car lo ministèri public d’aquel país decidiguèt de clavar l’enquèsta. Mas i a una demanda d’extradicion devèrs los Estats Units. Segon Garzón, los Estats Units seguiràn l’estrategia abitualament emplegada, çò es anonciar una carga, e puèi n’apondre d’autras. Per tant, l’afar “pòt derivar devèrs de penas pus grèvas”.
 
Per ara, lo departament de la Justícia dels Estats Units a anonciat que la detencion d’Assange seguís un mandat d’extradicion pertocant “una acusacion de conspiracion” per èsser sospechat d’aver comés “d’intrusions informaticas” dins un ordenador del govèrn dels Estats Units. Segon aquò, Assange riscariá una pena de cinc ans de preson.
 
 
Son engatjament per Catalonha li a pas brica beneficiat
 
En agost passat, lo president eqüatorian, Lenín Moreno, avertiguèt Julian Assange a prepaus del sosten que mostrava a l’independentisme catalan. “Avèm impausat una condicion a Sénher Assange: qu’arrèste d’intervenir dins la politica e l’autodeterminacion dels païses. Dins lo cas contrari, se prendrà de mesuras”.
 
En mai d’aquò, la relacion d’Assange amb lo govèrn d’Eqüator s’enverinèt fòrça après que Wikileaks aguèt publicat de documents que restacavan Lenín Moreno amb la crompa de bens de divèrsas societats offshore.
 
 
Aculhit a l’ambaissada de l’Eqüator dempuèi 2012
 
Lo govèrn precedent, del president Rafel Correa, aviá concedit l’asil politic a Assange en junh de 2012 perque estimava que los dreches d’Assange perilhavan. Mas lo govèrn britanic neguèt lo salveconduch amb lo qual Assange auriá pogut quitar l’ambaissada eqüatoriana a Londres per prene un avion devèrs Eqüator.
 
Assange a viscut refugiat a l’ambaissada de l’Eqüator a Londres dempuèi junh de 2012 per evitar una possibla extradicion devèrs Suècia.
 
En mai de l’an passat, lo ministèri public suedés decidiguèt de clavar l’enquèsta contra el per un presumit afar de viòl. Ça que la, lo Reialme Unit aviá avertit de l’intencion de lo deténer per aver contravengut a las condicions de sa libertat condicionala.
 
Assange a paur d’èsser liurat als Estats Units, son país d’origina, ont risca d’èsser condemnat a mòrt per aver publicat sus Wikileaks de documents secrets.

 
 


abonar los amics de Jornalet
 



publicitat



Comentaris

14 d'abril 06.43h

#2 Li seriá arribat coma a Lluis Companys, que lo govèrnament francés lo remetèt a Franco per èsser fusilhat dins lo « fossar de les Moreres ». Ara se fusilha pas, ara se tua politicament e psicologicament amb de processes manipulats. Los prèmis Nobel de la Patz pòdon cridar qu’es un escandal, las « democracias », a omençar pel país dels « Dreches de l’òme », broncan pas.


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

13 d'abril 23.05h

Lo govern americans e lo Pentagon en loc de reconeisser sos crims comesos en la guerra de l'Irac, ara volen jutjar a un estranger per haver-se ficat a los arxius del Pentagon e haver agafat l'informació que revelava los documents secrets que no volien ensenhar al poble dels EEUU. Assassinats e crims que no volian qu' es sabessen jamai.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

13 d'abril 13.37h

#1 Companh, lo primièr cop qu'anèri a Barcelona en 1978 e qu'aprenguèri als catalans, encantats de m'ausir parlar dins una lenga tan vesina de la lor, cossi França tratava las lengas minorizadas me volguèron pas creire. Eran talament persuadats,pecaire, que la faula-propaganda "França patria dels dreches umans" èra vertadièra ! Fa temps ara que coma nosautres lo Paire Nadal i cresan pas pus. Pas la pena de se demandar ço que seria arribat a Carles Puigdemont s'avia agut l'imprudència... Legir mai


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

13 d'abril 09.17h

E lo païs autoproclamat dels Dreches de l'òme fa pas res pels lançaires d'alèrta?


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat

Editorial

“Òc pertot”, enfin la dignitat

Un recampament sus la Plaça Clemenceau de Pau marcava ièr dissabte lo començament de la campanha sonada “Òc pertot“ per l’oficializacion e la dignificacion ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

giny

giny

publicitat

lateral 2 teveoc

Entrevista

publicitat

LATERAL1 300X250: sapiéncia



publicitat

lateral 2 teveoc

Fotografias

  • País de Rasés. © Franc Bardòu

    País de Rasés

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Coserans: Sent Líser, Casavèth, Sent Guironç, Saurat...

  • © Aure Séguier

    Carnaval Biarnés 2017

  • © Franc Bardòu

    Asuèlhs de Lauragués

  • A Gavotina marítima: Recabruna Cab Martin, a vila vielha e o castèl dau sécolo X

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • © Margaria Pepin

    Adobament dal Grand Prèmi de Mónegue de 2014

  • Lo grand passacarrièra de Rodés. Occitan Pride 2013

  • Val d'Aran, cap de Gasconha

  • © Laurenç Revèst

    Menton, 'a vivaroalpenca maritima

  • Chabòt. © Andrea Celauro

    País d'Aison (Val d'Estura)

  • © Conselh Generau d'Aran

    Lo Torn de França 2016 en Aran

  • Sud Tolosan. © Franc Bardòu

    Concors d'estiu 2012: La fotografia de las vacanças

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Franc Bardòu

    Catalonha etèrna

  • © Asalaís Moniguet

    Montpelhièr la lengadociana

  • © Franc Bardòu

    Coserans al còr

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • País de Rasés. © Franc Bardòu

    País de Rasés

giny

Las mai...

publicitat

LATERAL2 300x250: Cultura Conselh Aran

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)