Bandièra01 1180x150: País Invisible

Actualitats

Rodés: lo cònsol màger planh que la region pague 1,5 milion d’èuros per la catedrala de París e abandone la de Rodés

Dempuèi 2017, la capitala de Roergue demanda l’ajuda de la region per restaurar la catedrala de Nòstra Dòna de Rodés

| Simon BORIES
Carole Delga, presidenta de la region qu’a pres lo nom d’Occitània, anoncièt una subvencion d’1,5 milions d’èuros per la reconstruccion de la catedrala de París. Una nòva qu’a desvelhat de criticas. De soslinhar la de Christian Teyssèdre, cònsol màger de Rodés. “S’ela espèra una catastròfa per s’interessar al sòrt de Nòstra Dòna de Rodés?”, çò ditz  Teyssèdre dins una letra dobèrta a Delga. Lo cònsol rodanés demanda dempuèi 2017 lo sosten de la region per la renovacion de la catedrala de Rodés, mas la region respond qu’ela “interven pas quand l’estat es proprietari de l’edifici concernit”.
 
“En clar, a la region Occitània lo principi general s’aplica per finançar pas la catedrala de Nòstra Dòna de Rodés mas per contra constatam que lo principi general s’aplica pas per finançar Nòstra Dòna de París fòra del territòri regional”, çò assolida Teyssèdre dins sa letra a Delga.
 
 
De pèiras tomban del campanal
 
Just l’endeman de l’incendi de la catedrala parisenca, lo cloquièr de la catedrala de Rodés perdèt qualques pèiras que tombèron de 80m en trencant un veïcul parcat.
 
 

 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
7.

Molt ben dit !

  • 1
  • 0
oksitanlaştıramadıklarımızdanmısınız Apraquital, tresena tenda apèi lo tuc còsta lo riu ont se banhan nusas las zègas a negrenuèch
6.

òuuuuu Na Delgà … fai te ença !

Los monuments de la region usurpatriz « occitanie » enscriches als monuments istòrics de Fransa e non pas d’Occitània ! se repartisson atal :

Arièja : 242 monuments enscriches..
Aude : 482
Avairon : 387
Gard : 543
Nauta Garona : 570
Gèrs : 326
Eraul : 587
Olt : 444
Losèra : 195
Nautas pirenèus : 180
Pirenèus orientals : 309
Tarn : 298
Tarn e Garona : 283

Total : 4846…. Monuments.

Quantes son a man de s’aroinar ?

Quant d’argent avetz eissit del pòrta moneda per los tornar a un bon nivèl de conservacion ?

Mai, o mens que per « Notre-Dame » de Paris ?

Plan merces per las responsas !

  • 6
  • 0
oksitanlaştıramadıklarımızdanmısınız Apraquital, tresena tenda apèi lo tuc còsta lo riu ont se banhan nusas las zègas a negrenuèch
5.

Pfff es malbiaissut aquel Conse, calia far coma a Eyguièras

https://www.francebleu.fr/infos/faits-divers-justice/un-incendie-detruit-le-confessionnal-de-l-eglise-notre-dame-de-grace-a-eyguieres-1555925710

  • 1
  • 0
Botafuòc
4.

Aquel conse a pas tòrt sul fons, mas quin drech a de parlar el qu'a botat lo fuòc a l'Estivada en l'afrancimandejant?

  • 9
  • 0
Roergat Indignat
3.

#2 Plan vist, jà o disian los reis de França "quand i a lo fuoc a l'ostal om se tracha pas de las escuras". En clar que compta una catedrala provinciala raport a-aquela de Paris ?

  • 12
  • 0

Escriu un comentari sus aqueste article