Bandièra01 1180x150: Comuna de Tolosa

Actualitats

PoliticaSocietat
crotz-tolosaCreated with Sketch.ProvençaProvençaPaís Marselhés

Marselha: una joventa a denonciat la polícia per “temptativa d’omicidi” e “violéncias volontàrias”

Segon las conclusions dels mètges, los còps entraïnèron un traumatisme cranian e una emorragia meninjada. E mai los psiquiatras afirman que patís un “estat d’estransi agut”. Aquò aguèt luòc l’8 de decembre passat

Una gojata marselhesa a fach sa denóncia contra la polícia per “temptativa d’omicidi” e “violéncias volontàrias”, çò rapòrta Médiapart. Segon la denóncia, la joventa, que li dison Maria, foguèt tocada a una cuèissa per una bala de defensa e tombèt al sòl, abans que de policièrs en civil la tabasèsson a còps de pè e de matraca. Se tracta tanben de denonciar los policièrs per “non-assisténcia a persona en perilh”.
 
Segon las conclusions dels mètges, los còps entraïnèron un traumatisme cranian e una emorragia meninjada. E mai los psiquiatras afirman que patís un “estat d’estransi agut”.
 
Los faches se tenguèron l’8 de decembre passat a Marselha, e Maria a pas pogut tornar prene son trabalh abans lo mes d’abril. Maria patiguèt son agression devèrs 18h30 quand quitava la botiga ont trabalhava coma vendeira. Segon çò qu’explica a Médiapart, jonguèt pas la manifestacion dels Gilets Jaunes e dels militants pel clima e contra lo mallotjament, qu’èran a mand de s’escampilhar. Per contra, ela aviá fach espetar de petards sul sòl qu’aviá crompats per los utilizar un ser de partida de fotbòl. “Mai la carga de polícia deguèt arribar aumens quinze minutas puei”, çò precisa.
 
Lo procuraire de la Republica de Marselha, Xavier Tarabeux, a declarat qu’aquela denóncia “justifica la dobertura d’una enquèsta per violéncias agravadas, çò que prejutja en ren d’autrei qualificacions que lei fachs poirián metre en evidéncia”.
 
 


 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc Palma
3.

Cansoneta leu e plana,
leugereta, ses ufana,
farai, e de mon Macron,
del traichor de Matinhon
qu'es d'engan farsitz e ples,
A Macron, Macron, Macron
d'engan etz farsiz e ples.

Guilhem de Berguedà.
an 1150

  • 0
  • 0
Francesc palma
2.

Los antidisturbis de França criminals de mena. Sadomassoquistas dirigits per nazis. Desgraciats !

  • 3
  • 0
Rex Mundi
1.

Maria, foguèt tocada a una cuèissa per una bala de defensa e tombèt al sòl, abans que de policièrs en civil la tabasèsson a còps de pè e de matraca ?

Alavètz, la nauta borgesiá pòt dormir tranquilla, las inegalitats sempre mai fòrtas que l'enriquisson e apaurissent los mai paures qu'eles an pas acabat d'arroïnar lo pacte social, e lo liberalisme qu'assegura la libertat d'espleitar sempre mai lo mond es sempre velhat !

Quin mond meravelhós que lo mieu. N'ai los uèlhs tot enlagremats.

Urosament que i a de policièrs pro coratjoses e meritòris per atacar una joventa nafrada e colcada pel sòl a còps de trica e a còps de pè, per manténer l'òrdre, l'òdre dels rics sempre mai rics, lo solet que valga, lo solet possible.

  • 21
  • 1

Escriu un comentari sus aqueste article