Actualitats
Qu’èra un monument deu rugbi en Gasconha
“Atila” qu’a plegat la cama un darrèr còp aqueste dijaus 2 de mai, e qu’ei tota la familha deu rugbi qui ei en dòu uei
Michel Crauste, legenda de Gasconha, que se n’ei anat a l’atge de 84 ans.
Dab 62 seleccions en esquipa de França, 3 boclèrs de Brennus e 3 challenges Yves du Manoir, Michel Crauste qu’èra respectat de tots e que hasèva partida d’aquestes personatges qui son demorats fidèus.
Fidèu a la filosofia de jòc inventada per Jean Prat, hèita prumèr dab la mestresa totau deus fondamentaus e per la velocitat d’execucion.
Fidèu tanben au sué club, lo F.C. Lorda XV. En 1998, que sauvè —in extremis— lo club d’ua relegacion en quatau sèria (!) en tot anar cercar picalhons entre cèu e Bordèu, dab lo berret suu cap e l’elegància de las legendas.
Idòla deu rugbi deus ans 1960, Michel Crauste qu’ei partit entà arretrobar Jean Prat, Jean Barthe, Henri Domec o enqüera Robert Soro, tà non citar qu’eths, e que deisha drin orfalins los amorós de la veishiga en Bigòrra.
Mes a l’òra on ploram lo noste mongòl nacionau, que’m pausi totun la question de l’avénguer deu sué club de còr, lo F.C. Lorda XV, drin abandonat de tots enas desbrombetas deu rugbi en Federala 2. Lo miélher auròst qui poderem hèr a Michel Crauste que seré d’ajudar lo sué club de còr, monument en perilh deu rugbi mondiau.
Mes aquò non sembla pas d’actualitat taus finançaires deu planeta rugbi.
Silvan Carrère
Aqueste article es possible gràcias a un acòrdi de cooperacion entre Jornalet e Ràdio País.
Dab 62 seleccions en esquipa de França, 3 boclèrs de Brennus e 3 challenges Yves du Manoir, Michel Crauste qu’èra respectat de tots e que hasèva partida d’aquestes personatges qui son demorats fidèus.
Fidèu a la filosofia de jòc inventada per Jean Prat, hèita prumèr dab la mestresa totau deus fondamentaus e per la velocitat d’execucion.
Fidèu tanben au sué club, lo F.C. Lorda XV. En 1998, que sauvè —in extremis— lo club d’ua relegacion en quatau sèria (!) en tot anar cercar picalhons entre cèu e Bordèu, dab lo berret suu cap e l’elegància de las legendas.
Idòla deu rugbi deus ans 1960, Michel Crauste qu’ei partit entà arretrobar Jean Prat, Jean Barthe, Henri Domec o enqüera Robert Soro, tà non citar qu’eths, e que deisha drin orfalins los amorós de la veishiga en Bigòrra.
Mes a l’òra on ploram lo noste mongòl nacionau, que’m pausi totun la question de l’avénguer deu sué club de còr, lo F.C. Lorda XV, drin abandonat de tots enas desbrombetas deu rugbi en Federala 2. Lo miélher auròst qui poderem hèr a Michel Crauste que seré d’ajudar lo sué club de còr, monument en perilh deu rugbi mondiau.
Mes aquò non sembla pas d’actualitat taus finançaires deu planeta rugbi.
Silvan Carrère
Aqueste article es possible gràcias a un acòrdi de cooperacion entre Jornalet e Ràdio País.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un jogaire exemplar, coma n'i a pòques ! Atletic, mes sense exageracion, rapide, adret, miaire d'òmes, qu'avia eth sensv deth jòc, e pareish qu'ena vida èra ataun tanben . Adiu, Michel.
Un gran mossur deu rugby de noste. Adishatz !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari