Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc BasBesierés

Joanda presenta un nòu espectacle suls secrets de las vinhas lengadocianas

En companhia de la comediana Pénélope Marcín, l’espectacle es pontuat per l’acompanhaira enotoristica Noëlle Bardou que fa de precisions sul cicle magic de la vinha e ensenha a tastar un vin

Se presentèt dissabte passat al Mas Gabarel de Valròs (Besierés) lo nòu espectacle del musician Joanda entitolat Secrets de las vinhas occitanas. En companhia de la comediana Pénélope Marcín, lo cantador occitan liura los secrets de la vinha que nos environan e nos fa partejar en musica e scenetas l’arma del país dirèctament al pè de las vinhas de l’aglomeracion besierenca.
 
“La vinha e los vinhairons son un dels pilars que caracterizan la cultura occitana. Ai imaginat un rendètz-vos artistic que meta a l’onor la civilizacion del vin ansin coma las femnas e los òmes que la fan viure”, çò precisa.
 
L’espectacle es pontuat per l’acompanhaira enotoristica Noëlle Bardou que fa las precisions necessàrias sul cicle magic de la vinha e ensenha a tastar un vin.
 
L’eveniment se desvolopa en Besierés, organizat per l’Occitana Prod. Lo prepausa l’Ofici de Torisme e es gratuit. La tòca es de far descobrir als toristas o als abitants lo patrimòni cutural del país dels vinhairons.
 
Secrets de las vinhas occitanas se tornarà passar dissabte venent, 11 de mai, a 10h a Sauvian, al domeni La Domitienne, al numèro 7 de la rota de Besièrs; e dissabte 18 de mai a Cervian, al domeni L’AB Tourette, en Carrièra Georges Brassens. Per mai d’informacions, podètz sonar al telefòn: +33(0)4 99 41 36 36.

 
 

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
2.

Òsca, Joanda!

  • 4
  • 0
francesc Palma
1.

Joanda un bon cantaire occitan e en occitan e per Occitania, li desire molts d'exits en aqueste espectacle novel sobre los bons vins. Una polida combinacion musica, e lo bon fruit de la terro.

  • 4
  • 0

Escriu un comentari sus aqueste article