Bandièra01 1180x150: Comuna de Tolosa

Actualitats

S’alestís la quatrena edicion de Kastanya.cat per encoratjar la musica en catalan e en occitan

Los grops de musica en aquelas doas lengas se pòdon inscriure abans lo 31 de mai. Lo projècte consistís en sèt emissions de television e en un concèrt final

Son dobèrtas las inscripcions per la quatrena edicion del projècte Kastanya.cat per encoratjar lo catalan e l’occitan per mejan de la musica, e a l’encòp per far la promocion dels grops de musica que cantan en aquelas doas lengas. Lo projècte consistís en sèt emissions de 25 minutas caduna sus Lleida TV, per far conéisser los grops de musica, e en un concèrt final qu’ongan se tendrà lo 17 de novembre dins la sala Cotton Club de Lhèida (Catalonha). Los grops se pòdon inscriure fins al 31 de mai sul sit llengua.gencat.cat/kastanya.
 
Lo desvolopament de Kastanya.cat se poirà seguir sus aquel sit web citat adès e tanben sus la pagina Facebook del projècte.
 
Kastanya.cat es una iniciativa de la direccion generala de la politica lingüistica de la Generalitat de Catalonha en partenariat amb Lleida TV.
 
Las emissions de television s’enregistraràn los dissabte 7, 8 e 14 de setembre e seràn retransmesas sus Lhèida TV e sul Ret de Televisions Localas del 23 de setembre fins al 4 de novembre.
 


 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article