Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaBearn

Pau: los aulhèrs que protèstan contra las atacas deus ors

Que volèn har pression suu govèrn, a l’òra quan navèras atacas d’aulhas e tòcan lo Bascoat, Bigòrra, Aran, Catalonha e Aragon. N’ac sabem pas enquèra totun si los ors ne son responsables

| centpourcent.com
Un bèth cinquantenat d’aulhèrs qu’èran diluns passat davant la prefectura deus Pirenèus Atlantics. Acerà, en efèit, que s’i tienè ua comission d’indemnizacion deus domaus provocats peus ors e peus lops en 2018. Los aulhèrs que volèn har pression suu govèrn, a l’òra quan navèras atacas d’aulhas e tòcan lo Bascoat, Bigòrra, Aran, Catalonha e Aragon. N’ac sabem pas enquèra totun si los ors ne son responsables.
 
Pr’aquò, los aulhèrs ne vòlen pas discutir lo montant de las indemnizacions, qu’afirman d’aulhors que ne’n volen pas nada. Que demandan meilèu la renviada de l’ors Goiat en Aran o en Catalonha e de Claverina e Sorina ath Saut (Vath d’Aspa), on serén arcuelhudas per la maira deu vilatge e los aulhèrs deu parçan, favorables a l’ors.
 
Olivier Maurin, qu’ei neuridor a Asasp e Arròs, e tanben president de la Federacion Transpirenenca deus Neuridors de Montanha. Eth, com los autes aulhèrs, ne cred pas briga a las mesuras d’espauridas sonòras e visuaus perpausadas peu govèrn; e si’s regaudeish totun deu sostien deu ministre de l’agricultura, Didier Guillaume, qu’ac sap totun que ne serà pas pro. Que vòu que l’Estat preni las soas responsabilitats e que sia a l’escota deus aulhèrs.
 
Qu’èra en ondas sus Ràdio País:

 
 
Deu son costat, Ferus, l’associacion de defensa de l’ors, que hè enténer la soa votz tanben. Dens un comunicat, qu’arcasta a l’estat la soa comuniaccion sus aqueth subjècte, e la soa manca de proteccion de l’ors deus Pirenèus. Que bremba que la bèstia ei ua espècia miaçada qui cau sauvar. Un ahar de seguir.
 


Ràdio País
 
 
 
 

Aqueste article es possible gràcias a un acòrdi de cooperacion entre Jornalet e Ràdio País.
 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga jfblasco19@gmail.com
3.

Es un ciprès cambat que traversa la plana,
Un pibol que ven lepar lo ventolet leugièr,
Es un cloquièr movent sus de teulats de lana,
E d’alba a la fin del jorn
Per el es totjorn
L’ora del bergièr,
Dins las sentors de la frigola e del mentastre,
Lo pastre, lo pastre.

Son capèl es rostit, sa ropa pendoleja,
De luènh sembla un pal vestit, tant es sec coma un òs.
E quand un con li fa : « marcamal se passeja ! »
Es pas qu’un pet de lapin,
Tanben daissa pi-
Ssar lo merinòs :
Segur que Lapidús serà jamai lo sastre
D’un pastre, d’un pastre…

A ! Ont es passat lo pastre de La Sauze ?

  • 3
  • 0
Tostemps Gascon
2.

òc a l'ors, non aus decervèlats

  • 4
  • 2
francesc palma
1.

Els ors han aver un loc ont poder trobar manjar. Los veterinaris sabon com o faire. Mas non s'els pot daissar abandonats e que non troben aliment.

  • 2
  • 0

Escriu un comentari sus aqueste article