Bandièra01 1180x150: Comuna de Tolosa

Actualitats

Deman, serem sus Ràdio Lenga d’Òc

L’emission Lo Miègjornau de la ràdio montpelhierenca consagrarà son emission als sèt ans de Jornalet

| Gisèla Naconask
Deman diluns 13 de mai, lo Miègjornau de Ràdio Lenga d’Òc consagrarà son emission a Jornalet. I serem per presentar la revista en papièr qu’avèm facha per commemorar los sèt ans d’aqueste quotidian en linha.
 
L’emission se dobrirà al public de 12 a 13h e, abans e après l’emission, Ràdio Lenga d’Òc e Jornalet ofrirem un aperitiu a totòm e parlarem dels sèt ans de Jornalet e de la revista en papièr.
 
 
Una ràdio associativa d’expression occitana
 
Ràdio Lenga d’Òc prepausa un programa de difusion 24h sus 24 fargat d’emissions, de reportatges, de magazines e de musica en occitan. Se pòt trobar sus las ondas a Montpelhièr, Seta, Alès, Milhau e Mende e sus l’RNT a Niça. En mai d’aquò, se pòt escotar en dirècte sus Internet.
 
Se definís coma “una ràdio dau nòrd de la Mediterranèa puslèu que dau sud de França”, e sa mission es de far estat de la creacion culturala locala e d’Occitània tota e tanben de promòure e salvagardar lo patrimòni immaterial.
 
L’emission Lo Miègjornau es presentada cada jorn de 12 a 13h per Gisèla Naconaski.
 
 
Vos convidam a l’aperitiu
 
Ràdio Lenga d’Òc e Jornalet vos convidan a l’aperitiu de presentacion de la revista de Jornalet en papièr, facha per commemorar los sèt ans del quotidian en linha occitan. L’eveniment se debanarà diluns 13 de mai a partir d’11h al sit de Ràdio Lenga d’Òc, al 450 Carrièra d’Alexander Fleming - 34430 Sant Joan de Vedats (al ras de Montpelhièr)
 
De 12h a 13h, i aurà l’emission del Miègjornau en dirècte amb una partida de la còla de Jornalet, amb lo public e los convidats.
 



 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
3.

Lo somriure de la polida Gisela es pas incompatible amb la luita reivindicativa per las carrieras per la cultura e la lenga occitana. Visca Occitania e visca l'amor !

  • 3
  • 2
Enric Mala Tèsta
2.

#1 Lo govèrnament "comunica" mentre que Jornalet infòrma. Avètz fait un torn, del costat de las carrièras dels dissabte de vèspre, en susmauta, despuèi lo cinco sièis darrièrs meses ?

Las carrièras semblan plan mai la cobèrta de Jornalet que non pas lo polit sorire de l'animatritz de radio Lengadòc.

  • 11
  • 10
oksitanlaştıramadıklarımızdanmısınız Apraquital, tresena tenda apèi lo tuc còsta lo riu ont se banhan nusas las zègas a negrenuèch
1.

Dins la presentacion d’aquel article avem dos imatges fòrts e que son en oposicion : lo somriure de Na Gisèla e la coberta de la revista qu’es un imatge de violença. Ai ja dich qu’aquel imatge de violença èra pas bona causida.

Alavetz l’associacion malastruda qu’avetz facha, dentre un somriure e la violença, ensajatz de vos pausar la question de çò que ne pòdon pensar e los occitans, parli pas aqui d’els occitaniustes.

La comunicacion es un mestièr, s’en caldria tracha un briu e melhor trabalhar los imatges de çò que l’òm vòl exprimir !

  • 15
  • 15

Escriu un comentari sus aqueste article