Bandièra01 1180x150: Comuna de Tolosa

Actualitats

La Calandreta Lemosina patís una grèva situacion

L’escòla associativa occitanofòna patís de dificultats financièras e poiriá lèu desaparéisser. Deman, i aurà una conferéncia de premsa per donar los detalhs de la situacion

| Calandreta Lemosina
La Calandreta Lemosina es menaçada. L’escòla associativa occitanofòna que ten doas classas de 36 escolans patís de dificultats financièras e poiriá lèu desaparéisser. Los representants de l’establiment an convocat deman, 14 de mai, una conferéncia de premsa per donar los detalhs de la situacion a 14h a l’escòla, sul numèro 8 de la Carrièra d’Émile Zola.
 
La causa d’aquela situacion son la baissa radicala dels finançaments dins las darrièras tres annadas. D’un caire, la subvencion regionala, pagada per l’Ofici Public de la Lenga Occitana (ÒPLO), davalèt d’un tèrç sa dotacion. D’autre caire, la municipalitat a baiss
at de 10 000 èuros sa participacion obligatòria. Mas la revirada pus granda es la consequéncia de la supression dels contractes ajudats, una politica de Macron establida en 2017 qu’a menat las Calandretas a una situacion desesperanta. L’administracion francesa a d’efièch decidit la supression dels contractes d’acompanhament dins l’emplec CAE-CUI, d’ajudas per trobar un trabalh que permetèron  de far foncionar la majoritat de las escòlas.
 
La còla de la Calandreta demandan als finançaires, çò es la vila de Limòtges, la region dicha Nòva Aquitània e l’ÒPLO. En mai d’aquò, lançan un finançament participatiu vèrs d’actors economics locals e lo grand public per la rintrada que ven.
 
A mai, lo 27 de mai i aurà una jornada de pòrtas dobèrtas. Aquí espèran de poder aculhir de nòus escolans e de trobar mai de sostens.
 
 
Situacion de roïna après una denóncia occitanofòba
 
De mençonar que l’escòla occitana de Lemosin patís una situacion de roïna en seguida d’una denóncia que depausèron en 2012 un dotzenat de ciutadans en majoritat membres d’una organizacion francesa sonada la Liura Pensada (Féderation Nationale de la Libre Pensée), una organizacion que presica la supremacia lingüistica del francés. Los denonciaires planhián que la region ajudèsse financièrament una escòla asociativa primària. Per tant, lo tribunal administratiu de Lemòtges condemnèt la Calandreta Lemosina a tornar una subvencion de 47 000 èuros al conselh regional de Lemosin.
 
 




abonar los amics de Jornalet
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lo raiòu Cevenas
9.

#8 Correcion : "que vesiáun PAS la situacion actuala que ponchejava lo morre ?"

  • 0
  • 0
Lo raiòu Cevenas
8.

#7 Coma escriviái a la fin de mon comentari n°6 : "a mens que quauqu'us m'adugue de pròvas que vendriáun còntradire ce qu'afortisse."
Pasmens, me faretz pas creire, despièi lo remborsament de la suvencion de 47000 èuros (amai siágue malaisat d'atrapar 47000 èuros), que vesiáun la situacion actuala que ponchejava lo morre ?

Pièi que "Calandreta = Far escòla amassa", coma vai que la calandreta de Limòtges se retròve, de-per-ela, soleta, en son nom, de mendicar sa sobrevida ? Onte es la solidaritat estitucionala de Calandreta qu'apareis dinc la famosa "Charta" ?
Coma vai que d'autras escòlas àgon pogut gardar una partida de lurs contracts ajudats ?
Coma vai qu'eles an una dotacion de l'ÒPLO, dau temps que bien de calandretas reçàvon pas res de l'ÒPLO amai n'an pas jamai ausit parlar ?

Sariam curiós, emb de ma còla, d'espepissar la gestion associativa d'aquesta calandreta despièi sa condamnacion amai despièi 2010, veire un pauc onte aquò drandalha...
Dau moment qu'avèm pas a posita tote los elements, aquela marrida endevenença e pièi l'urgença qu'automaticament s'enseguís aigréjon bien de questions...

  • 2
  • 4
JC Dourdet
7.

Coma sabetz que la Calandreta de Limòtges seriá mau gerida? Qu'es ren mas de las conjecturas que fatz, una pita associacion a gratís (manca l'escotisson), si a pas d'argent public o daus mecenas, pòt pas perdurar, las politicas publicas deurián sosténer quelas escòlas, deuriá èsser un imperatiu politic e morau mas 'las... som dins queu brave país de França ente l'i a plan qqr de puirit.

  • 12
  • 0
Lo raiòu Cevenas
6.

#4 L'occitanisme es vengut un microcòsme clanica. E save de qué parle, Mossur o Madama "Pastanaga". Per quant a saupre gerir las finanças d'una associacion endeutada e a las far créisser en quauquas annadas, sèm quauques-uns de bien biaissuts dinc aquesta mena d'esarcice.
Siái encara a la bòna plaça per poire temoniar, mès ne'n pòde pas dire mai, o comprendretz...

Lenga e cultura son pas un ojèct desencarnat d'estúdie o la proprietat entellectuala d'una ponhada de lenguistas. Son pas ni mai la caça gardada de quauque burèu d'associacion tot poderós, encompetent o ben secretós e oportunista. Un còp mai, save de qué parle.

Pasmens, se vos, avètz las mans dinc la pasta despièi d'annadas e que volètz adurre lo temoniatge d'una situacion linda que ne'n sariatz l'actor, reçauprai vòstre temoniatge emb de jòia ! Segur qu'esíston de situacions netas dinc lo mitan associatiu occitan. Segur qu'esíston d'associacius en dificultat.
Mès despièi 2012-2013, que la calandreta limosina ague pas reüssit d'aumens estabilizar sa situacion financiara, quò vòu dire que i a un vrai problèma ! Perdequé duèi son per faire quincanèla ???
Una comuna a drech de redurre la suvencion annadièira que baila a l'escòla, amai s'es una calandreta. Per còntra, a pas drech de la suprimir.
E pièi, vist que i a una confederacion de las calandretas que consentís d'envestir d'argent dinc lo patrimòni materiau, pense que poiriá faire mòstra de solidaritat emb de la calandreta limosina. Que "Calandreta" = "Far escòla amassa", coma sàvon bien dire e tornar dire a chasca congrès.

Adonc, assumisse completament mos perpaus dau comentari n°3, a mens que quauqu'us m'adugue de pròvas que vendriáun còntradire ce qu'afortisse. Bòna jornada.

  • 2
  • 8
francesc palma
5.

Cal denunciar aquesta manca d'ajuda del Govern Francès a lo Parlament Europeu e a La Seu de los Drets Umans de Suïssa.

  • 3
  • 1

Escriu un comentari sus aqueste article