Actualitats
Bayer afirma qu’èra “pas al corrent” de la lista de Monsanto
Segon de revelacions fachas per France 2, Monsanto auriá engatjat de centenats de personalitats per defendre lo glifosat
Segon de revelacions fachas per France 2 divendres passat, Monsanto auriá engatjat de centenats de personalitats de l’estat francés per que defendèsson publicament l’emplec dels pesticidas, especialament del glifosat. Ara, la societat quimica alemanda, Bayer, proprietària de Monsanto dempuèi 2018, ditz qu’èra “pas al corrent”, e o justifican en disent qu’aquela lista seriá estada realizada en 2016, “data que Bayer e Monsanto èran dos grops independents”.
France 2 a raportat que recebèt de documents informatics “confidencials” amb la signatura d’agéncias de comunicacion que trabalhan per Monsanto. Dins un primièr document, de 2016, una cartografia amb lo lògo de Monsanto e de Publicis renga los principals actors del debat suls pesticidas en França en foncion de lor capacitat d’influéncia sul public. Puèi, l’agéncia de comunicacion Fleishman Hilland “auriá emplegat un autre fichièr” que conten en particular las adreiças privadas e los numèros de telefòn de 200 personalitats.
Aquel segond document “avalora sus divèrsas tematicas, d’OGM e de pesticidas amb de ponches de 0 a 5 en foncion de la credibilitat, de l’influéncia e del gra de sosten a Monsanto”, çò ditz lo reportatge de France 2.
Un autre document es una tablèu que senhala 74 “objectius prioritaris” classats en 4 grops: los “aliats”, los “potencials aliats a engatjar”, las personalitats “a educar” e las que son “a susvelhar”.
Dins aquelas listas se mençonan de jornalistas de Le Monde, Le Parisien e Ràdio France. Ara, aqueles mèdias an dich que farián lor denóncia a la Comission Nacionala d’Informatica e de las Libertats (CNIL) per un emplec illegal de lors donadas. E mai pensan de far tanben una denóncia davant la justícia francesa. De son costat, Fleishman Hillard a assegurat que “respècta las leis en vigor” e l’etica.
Segon lo reportatge de France 2, l’èx-ministra de l’environament, Ségolène Royal, èra rengada coma persona “a susvelhar” a causa de son inclinacion a enebir lo glifosat.
Lo glifosat es l’erbicida pus emplegat dins lo Mond. Lo Centre Internacional de Recèrcas sul Càncer, que fa partida de l’OMS, lo considèra cancerigèn. Es comercializat jos divèrsas marcas dont la pus coneguda es Roundup.
France 2 a raportat que recebèt de documents informatics “confidencials” amb la signatura d’agéncias de comunicacion que trabalhan per Monsanto. Dins un primièr document, de 2016, una cartografia amb lo lògo de Monsanto e de Publicis renga los principals actors del debat suls pesticidas en França en foncion de lor capacitat d’influéncia sul public. Puèi, l’agéncia de comunicacion Fleishman Hilland “auriá emplegat un autre fichièr” que conten en particular las adreiças privadas e los numèros de telefòn de 200 personalitats.
Aquel segond document “avalora sus divèrsas tematicas, d’OGM e de pesticidas amb de ponches de 0 a 5 en foncion de la credibilitat, de l’influéncia e del gra de sosten a Monsanto”, çò ditz lo reportatge de France 2.
Un autre document es una tablèu que senhala 74 “objectius prioritaris” classats en 4 grops: los “aliats”, los “potencials aliats a engatjar”, las personalitats “a educar” e las que son “a susvelhar”.
Dins aquelas listas se mençonan de jornalistas de Le Monde, Le Parisien e Ràdio France. Ara, aqueles mèdias an dich que farián lor denóncia a la Comission Nacionala d’Informatica e de las Libertats (CNIL) per un emplec illegal de lors donadas. E mai pensan de far tanben una denóncia davant la justícia francesa. De son costat, Fleishman Hillard a assegurat que “respècta las leis en vigor” e l’etica.
Segon lo reportatge de France 2, l’èx-ministra de l’environament, Ségolène Royal, èra rengada coma persona “a susvelhar” a causa de son inclinacion a enebir lo glifosat.
Lo glifosat es l’erbicida pus emplegat dins lo Mond. Lo Centre Internacional de Recèrcas sul Càncer, que fa partida de l’OMS, lo considèra cancerigèn. Es comercializat jos divèrsas marcas dont la pus coneguda es Roundup.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Era frasa "pas al corrent" èra ua sansoina que se disià a prepaus dera fauça excusa deras grandas enterpresas e administracions d'era allemanha nazi, quan nos en parlavan ath collègi.
Qu'èra aths ans 1963-1967. E qu'era memòria èra ben viua e que prusaua !
Entà d'assegurar-me d'aqueth "pas al corrent", que soi anat a campar Wikipedia : BAYER Entreprise.
>> sommaire :
3 Scandales et polémiques
3.1 Achats de personnes déportées à Auschwitz
3.2 Scandale de l'huile frelatée
3.3 Yasmin, Yasminelle et Yaz : contraceptifs dangereux
3.4 Scandale du sang contaminé
3.5 Pollution atmosphérique aux États-Unis
Eth 3.1 m'arrebrembec eras fotos nere/blanc (aqueras deths maus de cap e maus de còr) que mos ensenheren ath collègi.
Eras autas que son coma lèjas hitas deths nòstis darrèrs 40 ans.
Tostemps era lei dera finança, a milliards, per dessus dera vita.
Eths arresponsables, eras personas, que s'en son tirats de plan : en uas enterpresas atau de millers de personas, tampòc eths caps non eren "pas al corrent" de tot !!!! Pensatz-vos !!!
Son coma los produchs que véndon, quel monde : de Salopariá.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari