Actualitats
Catalonha: començan de sasir los bens de qualques nauts foncionaris de la Generalitat
La justícia espanhòla refusa l'argent de la Caissa de Solidaritat e comença de sasir los bens dels foncionaris perseguits per aver ajudat al referendum del 1r d'octòbre de 2017; lo ministèri public vòl perseguir la direccion de la radiotelevision catalana
Lo tribunal numèro 13 de Barcelona a aviat l’òrdre de sasida dels bens dels nauts foncionaris de la Generalitat de Catalonha perseguits per aver ajudat al referendum d’independéncia del 1r d’octòbre de 2017. Lor requerís 5,8 milions d’èuros e a refusat l’argent de la Caissa de Solidaritat. Lo jornal VilaWeb revelèt ièr que la data del mandat de sasida èra del 30 d’abril, mas que los inculpats la recebèron dimars passat.
L’8 de mai passat, la Caissa de Solidaritat depausèt 3,7 milions d’èuros per pagar una partida de la caucion exigida pel tribunal. Mas los jutges an refusat aquel argent en afortissent qu’aquel organisme popular de solidaritat fa pas partida de la procedura, e que son los inculpats que devon depausar lor argent.
Amb aquela decision, la justícia espanhòla pòt prene los bens de 18 nauts foncionaris del govèrn de la Generalitat, dont lo director general de comunicacion, Jaume Clotet, que foguèt un dels fondadors de Jornalet.
Lo ministèri public contra la direccion de la radiotelevision catalana
Mentretant, totjorn a prepaus del referendum d’independéncia, lo ministèri public espanhòl vòl perseguir coma “participanta a una organizacion criminala” la direccion de la radiotelevision publica catalana (CCMA). Se tracta de la presidenta de la CCMA, Núria Llorach, del director de TV3, Vicent Sanchis, e del director de Catalonha Ràdio, Saül Gordillo.
L’8 de mai passat, la Caissa de Solidaritat depausèt 3,7 milions d’èuros per pagar una partida de la caucion exigida pel tribunal. Mas los jutges an refusat aquel argent en afortissent qu’aquel organisme popular de solidaritat fa pas partida de la procedura, e que son los inculpats que devon depausar lor argent.
Amb aquela decision, la justícia espanhòla pòt prene los bens de 18 nauts foncionaris del govèrn de la Generalitat, dont lo director general de comunicacion, Jaume Clotet, que foguèt un dels fondadors de Jornalet.
Lo ministèri public contra la direccion de la radiotelevision catalana
Mentretant, totjorn a prepaus del referendum d’independéncia, lo ministèri public espanhòl vòl perseguir coma “participanta a una organizacion criminala” la direccion de la radiotelevision publica catalana (CCMA). Se tracta de la presidenta de la CCMA, Núria Llorach, del director de TV3, Vicent Sanchis, e del director de Catalonha Ràdio, Saül Gordillo.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Totas aquestas violacions dels Drets Umans s'han de portat a la Seu dels drets Umans de Ginebra.
En mai d'intolerants, violents e messorguièrs, panaires!
E çò que van raubar lo portaràn a Soïssa coma los bens dels josius autres còps?
Raubatòri, coma del temps de l'inquisicion.
An pas encara pensat d'arrestar lei personas qu'an legit/escotat/regardat la premsa catalana pendent lo referendum? E perqué pas arrestar lo rèi d'Espanha e son promier ministre que, en despièch de tótei seis esfòrç, an pas capitat d'empachar lo vòte?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari