Bandièra01 1180x150: País Invisible

Actualitats

Rugbi Top 14: Tolosa en segonda pausicion

| RCT
Perpinhan (BO) 39-13Agen
 
Apuei detz minutas de jòc, i avèva ja 14 a 0 peus catalans e un carton jaune per un pielar agenés. Ad aqueth moment de la partida tot lo monde se demandèt quan los catalans marquèren lo tresau ensai. Mes chic a chic los agenés cambièren de defensa, joguèren cada veishiga de recuperacion e marquèren dus ensais plan construits. Sus la sirèna, Lagarde marquèt un drop que permit de har desbrombar los 10 punts mancats au pè en purmèira tempsada e sustot de tornar a un punt deus catalans.
 
Au tornar deus vestiaris los catalans desbrombèren de concretrizar una accion d’ensai mes aprés 15 minutas de jòc concretizèren la lora dominacion dab duas penalitats. A l’òra de jòc sus una veishiga de recuperacion los catalans marquèren un tresau ensai dab un en-avant non shiulat per l’arbitre e priren l’avantatge 25 a 13. Sus una navèra perduda de veishiga, lo tarbés de Perpinhan, Cazenave, marquèt un navèth ensai qui sortit de biais definitiu Agen de la victòria. A cinc minutas de la fin sus una tocar dens los cinc mètres agenés, los catalans envièren lo pack dens l’enbut e a obtenut lo bonus ofensiu tan important per eths.
 
 
Tolosa 30–22 Clarmont
 
Pas de punt de bonus mès avem vist ensais deu costat de l’stadium. Los tolosencs dominèren la partida en purmèira tempsada e dab 27 a 12 a la 42au minuta, los tolosencs podèvan esperar una victòria aisida. Mès dab hòrt de pecas e un chic de suficiença, los tolosencs permitiren aus clarmontés de tornar a cinc punts a detz minutas de la fin. Mès Tolosa trobèt las forças per sortir l’adversari deu jorn, deu bonus defensiu. Un punt que contarà a la fin dins la luta per las duas purmèiras plaças.
 
 
Montpelhièr 29- 22 Baiona (BD)
 
En purmèira tempsada los baionés joguèren la lora escaduda a hons e marquèren un ensai sus una mesclada a cinc mètres de la linha. Lo 15 a 19 èra un chic logic. Mès a la represa, los montpelhierencs botèren la pression e tornèren au planchòt dinc a passar davant. Mès los baionés volèren préner punts au classament e saburen tornar au planchòt 19 a 19. Mès chic a chic los montpelhièrencs priren lo mielhor dab una penalitat e un ensai. Sortit deu bonus defensiu a 3 minutats de la fin, los baionés cerquèren la peca montpelhierenca sus la darrèira accion de la partida per anar préner un punt de bonus defensiu meritat.
 
 
Biàrritz 25-22 Bègla-Bordèu (BD)
 
Dab un 18 a 3 a la 55au minuta peus bascos, tot lo monde pensàva la partida plegada. Mès com de costum cau contar sus l’envieja girondina e marquèren tres ensais en 25 minutas. Deu costat deus roges e blancs, calèva notar lo tornar de Harignorquy dintrat a 20 minutas de la fin. E lo son ensai marcat permit aus bascos de se sortir d’una partida trecanard. Deu costat girondin pòden deplorar los punts perduts au pè peu tustaire argentin Sánchez.
 
 
Racing 23-15 Estadi Francés
 
Dens aquera partida ne calèva pas mancar las detz darrèiras minutas de cada tempsada. A la 37au minuta, Szarzewski marquèt un ensai sus una accion colectiva de las bonas de la soa navèra còla lo racing. 13 a 6 a la tempsada èra meritat peus racigmen.
 
La dusau tempsada, hòrt pagalhosa, permit a l’estadi francès de tornar au planchòt e mielhor de passar davant 13 a 15 a 9 minutas de la fin. Mes sus una accion lançada per Estebanez los Racigmen marquèren un ensai. Los jogaires de l’estadi francés gereren mau la darrèira accion, ensagèren d’atacar de lors 22 metras la darrèira minuta, e çò que devèva arribar arribar dens aqueths moments mau mestrejats, los racigmen mirèn los adversaris a la pecas e marquèren la penalitat qui sortit l’estadi francés deu punt de bonus defensiu.
 
 
Tolon (BO) 39-3 Grenòble
 
La dominacion èra deu costat tolonés. Lo planchòt explica çò que se passèt a Mayol: una pression tolonesa de tots los moments.
 
 
Lo Mont 15-31 Castras (BO)
 
A la tempsada, i avèva 15 a 6 peus landés e l’espleit d’una segonda victòria consecutiva èra esperada. Mès los castrés, dens la luta per las purmèiras plaças n’avèvan pas lo dreit de pérder. Los dus cartons jaunes montés en segonda tempsada costèren cars. Talès, format au Mont marquèt un ensai qui sortit lo son club formator de la partida. Los castrés son partits de las lanas dab lo punt de bonus ofensiu e aqueth punt es important.
 
 
1 Tolon 46 12 10 0 2 368 187 181
2 Tolosa 42 12 9 0 3 373 232 141
3 Clarmont 40 12 9 0 3 269 203 66
4 Castras 36 12 8 1 3 278 217 61
5 Montpelhièr 36 12 8 0 4 245 224 21
6 Grenòble 30 12 7 0 5 273 278 -5
7 Biàrritz 28 12 6 0 6 231 225 6
8 Perpinhan 25 12 5 0 7 277 280 -3
9 Racing 25 12 5 0 7 203 217 -14
10 Estadi Francés 24 12 5 1 6 268 280 -12
11 Baiona 21 12 4 0 8 180 272 -92
12 Bègla-Bordèu 17 12 3 0 9 228 284 -56
13 Agen 16 12 3 0 9 208 336 -128
14 Lo Mont 6 12 1 0 11 170 336 -166
 
 
 

Eric Goyhenne

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article