Bandièra01 1180x150: Comuna de Tolosa

Actualitats

La polícia francesa cèrca l’autor de l’atemptat de Lion

Un òme encagolat en bicicleta daissèt un còlis explosiu en Carrièra de Victor Hugo, dins la capitala arpitana. La polícia a difusat l’image del suspècte pres per las camèras de seguretat. L’atemptat a fach 13 nafrats

Lo procuraire de la Republica de París, Rémy Heitz, diguèt ièr dissabte que lo responsable de l’atemptat que lo patiguèt ièr Lion, e que nafrèt tretze personas , es totjorn recercat. L’eveniment se tenguèt divendres devèrs 17h30 quand un òme encagolat en bicicleta daissèt un còlis explosiu en Carrièra de Victor Hugo, dins la capitala arpitana. La polícia a difusat l’image del suspècte pres per las camèras de seguretat.
 
L’explosion daissèt tretze personas nafradas, dont un enfant de dètz ans. L’èx-ministre de l’Interior francés e cònsol màger de Lion, Gerard Collomb, assegurèt ièr dissabte dins una entrevista concedida a BFMTV que solament tres ferits demoravan a l’espital, un d’eles amb de lesions grèvas, e mai sa vida foguèsse pas en perilh.
 
Lo ministèri public antiterrorista estúdia los faches coma un possible acte de terrorisme, e mai Heitz aja soslinhat qu’a l’ora d’ara cap de grop ni individú a pas revendicat l’atac. Lo Ministèri de l’Interior francés a decidit de refortir la seguretat dins los sits publics e los eveniments esportius, culturals e religioses coma mesura de prevencion.



abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Reinat TOSCANO LO VAU
3.

Identificat denant que lei gents anésson votar, arrestat just après la desfacha... Coma aquò, lo ministre de l'Interior pòu ocupar lei plateus de TV... Coïncidéncia, evidentament! Degun i pòu vèire de vici!

  • 3
  • 3
Reinat TOSCANO LO VAU
2.

Identificat denant que lei gent anésson votar, arrestat just après la desfacha... Coma aquò, lo ministre de l'Interior pòu ocupar lei plateus de TV... Coïncidéncia, evidentament! Degun i pòu vèire de vici!

  • 4
  • 2
frances palma
1.

Se non es lo poble que l'agafa non cresi qu' aquesta policia sia capaç de trobar res.

  • 1
  • 0

Escriu un comentari sus aqueste article