Bandièra01 1180x150: Comuna de Tolosa

Actualitats

An ajornat lo jutjament de Bradley Manning pel cas Wikileaks

Lo jutge vòl estudiar se lo confinhament qu’a patit es illegal. Lo jutjament començarà pas abans de mitat de març.



Bradley Manning, lo soldat dels Estats Units que passèt a Wikileaks d’informacions confidencialas suls departaments de la Defensa e d’Estat, serà pas jutjat a fin de genièr. Lo jutge militar qu’es en carga del cas a acceptat d’estudiar la denóncia de la defensa en vesent que lo soldat es estat isolat dempuèi lo moment que foguèt arrestat. Lo jutge crei pas que lo calga liberar, mas vòl saber s’aquel confinhament li a afectat l’estat psiquic e s’aquò pòt influir lo jutjament.
 
Dempuèi que foguèt arrestat per passar d’informacions a Wikileaks, Manning es estat empresonat dins la basa militara de Quantico, dins una cellula plan petita d’ont sortís solament vint minutas per jorn. Manning a pas agut cap de contacte amb degun, solament amb los gardians. De nuèch, es obligat de dormir tot nud, segon l’armada, per evitar que se suicide.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
1.

Se es pas de tortura aquò! Mas coma es institucionala, se'n parla pas gaire. Mentre, las canalhariás denonciadas contunhan...

  • 2
  • 0

Escriu un comentari sus aqueste article