Bandièra01 1180x150: Comuna de Tolosa

Actualitats

InternacionalPolitica

Es mòrt l’activista amazigh Kamel Eddine Fekhar, après mai de 50 jorns de cauma de la fam

Lo defensor dels  dreches umans èra estat detengut per un supausat delicte de mesprètz envèrs las autoritats

L’activista pels dreches umans e pel pòble amazigh Kamel Eddine Fekhar moriguèt dimars passat après una cauma de la fam de mai de 50 jorns
L’activista pels dreches umans e pel pòble amazigh Kamel Eddine Fekhar moriguèt dimars passat après una cauma de la fam de mai de 50 jorns | Liga Argeriana per la Defensa dels Dreches Umans
L’activista pels dreches umans e pel pòble amazigh Kamel Eddine Fekhar moriguèt dimars passat a l’espital Frantz Fanon de Blida (Argeria) après una cauma de la fam de mai de 50 jorns. Fekhar protestava contra son enena encarceracion, aqueste còp per un supausat delicte de mesprètz envèrs las autoritats e envèrs las institucions de la Republica.
 
Fekhar lo menèron a l’espital de la preson de Ghardaïa, ont demorava embarrat dempuèi lo mes de març. Los darrièrs jorns, sa femna e son avocat avián avertit de son estat de santat precari.
 
L’activista èra estat detengut e encarcerat mai d’un còp long de las darrièras annadas, totjorn en relacion amb sa lucha pels dreches umans e particularament pels dreches collectius del pòble amazigh mozabita, dins la val de Mzab, una region amazigh situada al centre d’Argeria.
 
Fekhar èra un personatge important del Movement per l’Autonomia de Mzab e un ancian dirigent de la Liga Argeriana per la Defensa dels Dreches Umans (LADDU), qu’a exprimit son “indignacion e sa còlera” per la mòrt de l’activista.
 
La mòrt de Fekhar es seguida de divèrsas protèstas dins divèrsas vilas del país. Los movements amazighs, dels estudiants e pels dreches umans, qualifican los faches de “crime” e d’“assassinat” de part de las autoritats.
 
 
 
 
Aquesta nòva es adaptada de Nationalia amb qui Jornalet ten un acòrdi de cooperacion.
 
 
 

 

 


 


 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Bernatmm Tarba
8.

#7 . "Cresi que los problemas qu' a tengut an estat per ser de qualque partit religiós integrista."

Creses que cresen en ua religion integrista ? Sus era basa de que ? Sonque perqué veses 4 fotos de gent damb ua calòta blanca sus cap ? Eths Mozabites an sauvat fòrças tradicions deras suas, e enter autas uas manèras de vestir : era calòta atau, e tanben uns pantalons de fòrma especiau ( se seran de pantalons senhaus d'integrisme religiós ??? ).
Que i a uns 40 ans, quan viviài en Italia e que, com acostumat, portaui jo eth beret gascon, eths piemontesi me saludauien damb arrespect dident-me "Reverendo" pensant qu'èri curè ( un pagan e pecador coma jo !).... Ara medisha epoca, a Mallorca "molts pagesos duien faixa, sa negra, per tenir s'esquena mentre sa dura feina de cavar a s'ort" e era faixa non les hasià cap "faixistes" !!!

Tornem ath Mzab, qu'ei çò que ara comde ! Que dempus ans e sustot quauques mesi, eths poders dera clica militar arabo-supremacista d'Alger en aumentant era pression sus aqueth petit país amazigh.
E non te cau diser que son arrespectadis pr'amor dera lenga arreconeishuda e damb radio e telé, en Occitània s'en pòt diser çò madeish... e coneishem era realitat !

Eths Mozabites an ua longa istòria que a uas semblanças damb eth catarisme, e tanben damb eths uganaus deras Cevenas o deras vaths Po, Pèlis e Cluson, ara en estat italian.
Acabat eth empèri roman eth reiaume berber de Tahert (Tiaret en arab) aujèc era sua importança ; deth islam, que prenguèc eth costat mès republican e de discussions deras pensadas. Pòc auans eth an 1000, era dominacion Fatimida les obliguèc a huger cap aths oasis, aon se trobèren protegits peras imensitats de desert. Eth dialecte tamazight deths mozabites sembla fòrça ath takvailit/kabyle (eths arabs disen qu'eths mozabites parlen kabyle, çò que les da uas arrasons mès entà mespresar-les e oprimir-les).
Se vos interessa, podetz anar veir [ royaume de Tiaret ] sus Wikipedia,
eth contengut non ei cap controlat (ara encara) pera clica deth poder algerian, que a tan sabut copiar e "milhorar" eth jacobinisme deth colonialista.

  • 0
  • 0
francesc palma
7.

Es un tema força seriós la mort d'una persona en prison en vaga de fam. Mas amb lo major respecte, voli dire que cresi qu'aquesta persona a estat encarserat non per la defensa de la cultura amazig, ni per la defensa de los Drets Umans. En Algeria i a una tv satel·lit estatala en aquesta lenga, que precisament vegí ier vespre. Cresi que los problemas qu' a tengut an estat per ser de qualque partit religiós integrista. Las fotos mostran moltes personas que portan lo barret blanc que pareis està relacionat amb sa religion.

  • 0
  • 2
Pitaluga
6.

E de qu'a fach lo païs dels dreches de l'òme per protegir Fekhar? Res!
Pas estonant: los berbèrs existisson pas per eles. D'aquel temps aimavan mai parlar amb Boteflika e sa clica.

  • 4
  • 1
francesc palma
5.

Perdonatz, mas la foto de Kamel Eddine Fekhar, ara i som reparat, amb lo barret blanc, sembla un integrista musulman. Alerta perquè la cia, intenta crear merder en Algeria.

  • 4
  • 6
Lo raiòu Cevenas
4.

Jornalet, assaventatz-nos de l'actualitat berbèra. Bailatz-nos de novèlas dau pòple amazigh coma dau pòple catalan, se vos plai. Gramecí.

  • 12
  • 0

Escriu un comentari sus aqueste article