Bandièra01 1180x150: Comuna de Tolosa

Actualitats

Sciéncia

De piadas de ièti

Segon un comunicat de l’armada indiana serián estadas trapadas de piadas misteriosas de la mitica bèstia sonada al camp basa de Makalu

De nòvas tras qu’estonantas arriban d’Índia. Segon un darrièr comunicat de l’armada indiana serián estadas trapadas de piadas de ièti. En mai d’un rapòrt oficial, la nòva arribèt tanben per Twitter ont de fonts oficialas d’aquela armada confirmèron aver trobat de piadas misteriosas de la mitica bèstia sonada ièti al camp basa de Makalu.
 
Alavetz, e malgrat l’estonament general de la populacion e qu’encara es pas jamai estada trapada cap de pròva de l’existéncia de l’òme de la nèu, la confirmacion de l’armada indiana es tras que polemica. Totun, apondèron de fòtos de las piadas.
 
Segon l’armada indiana, lo fach se passèt pendent lo mes d’abril mas volguèron pas balhar de publicitat a l’afar fins ara. Es çò que tanben foguèt publicat dins divèrses mèdias, coma lo jornal Times of India mas tanplan la BBC britanica. Segon las meteissas fonts, de cercaires foguèron interrogats sus aquelas fotografias. L’armada indiana afirmèt puèi qu’avián decidit de rendre public l’afar a l’ora d’ara pr’amor que volián ajudar la sciéncia internacionala.

 
Un animal fins ara legendari
 
Malgrat las fotografias, jamai fins ara cap de scientific confirmèt pas l’existéncia del ièti. En 2013, una recèrca realizada per un cercaire britanic aguèt coma conclusion qu’aquela bèstia podiá ben èsser un tipe d’ors brun. D’autres encara (mas sens pròvas scientificas) diguèron que poiriá èsser un grand monin luenchencament aparentat al grand orangotan escantit Ramapithecus.
 
Aital, e malgrat que i aja fòrça mond dins l’airal qu’encara creson que lo ièti existís (de mens en mens, tanben o cal dire) de cercaires importants an confirmat que cap de monin poiriá pas demorar dins un luòc ont i a pas de frucha pendent tota l’annada e que sonque viuriá dins d’airals tropicals. (Legissètz la seguida)




 
Aqueste article es  publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.


 







abonar los amics de Jornalet

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
2.

Carai, potser encara s'han de descobrir coses en aquest Mon, potser no està tot inventat.
Ens convindria una petita lliçó, ja que ens ho carreguem tot, almenys quelcom encara existeix.
Ells han viscut al Planeta durant milenis ,nosaltres amb tres-cents anys ens ho em carregat tot.
I si càssum...penséssim una mica!!
Visca la Terra...Lliure!
L'Ernest, "El `Tàrrega".

  • 0
  • 0
Bernatmm Tarba
1.

Era foto e eth article que'm deishen ua impression de "ja vist" quauquas setmanas a...

O alavetz que serià ua naua aparicion deth madeish Yeti que s'en tornarià tarà tuta peth madeish camin que s'en anèc ?
En Comenge de naut, en era vath de Larbost que's condaua de un Tantugo, que viuià peths bòsquis e malhs, mès qu'ei un sent que deishèc duas traças de pè en era peira !
;-) ;-) ;-))

  • 3
  • 0

Escriu un comentari sus aqueste article