Actualitats
L’idèa de Manuel Valls per revirar la comuna de Barcelona
L’èx-primièr ministre francés prepausa de sosténer Ada Colau per evitar qu’un independentista venga cònsol màger de la capitala de Catalonha. Çò qu’èra una situacion inimaginabla abans es ara una possibilitat
Las eleccions municipalas de dimenge passat a Barcelona an menat sièis partits al Conselh Municipal dont cap ten pas la majoritat absoluda e caldrà doncas de paches per poder governar malgrat la victòria de l’independentista Ernest Maragall, d’Esquèrra Republicana. Aquel panorama es parièr al de la legislatura passada amb Ada Colau e al de la precedenta amb Xavier Trias: lo partit pus votat govèrna la vila amb de paches e acòrdis pontuals amb las diferentas fòrças. Mas ara, Manuel Valls ven de reversar tota la situacion. L’èx-primièr ministre francés a dich que donariá totes los vòtes de sos conselhièrs municipals a Ada Colau sens cap de condicion per empedir que Barcelona aja un cònsol màger independentista. Se los socialistas jonhián aquel acòrdi, l’idèa de Valls seriá possibla.
Çò qu’èra una situacion inimaginabla abans es ara una possibilitat.
Durant la campanha, Colau e Valls se critiquèron mutualament amb fòrça duretat. E mai lo partit de Valls, Ciudadanos, de drecha espanholista, a totjorn refusat quin pache que siá amb los Comuns. En mai d’aquò, Ada Colau aviá felicitat Ernest Maragall per sa victòria dins la nuèch electorala en considerant, sens cap de dobte, que Maragall seriá lo nòu cònsol màger. Totun, ara escarta pas la possibilitat de venir consolessa màger de la vila gràcias a Valls, una decision que sembla qu’auriá lo sosten d’una bona partida del partit de Colau. En mai d’aquò, lo Partit Socialista aviá ja dich que fariá tot çò que caldriá per evitar un cònsol màger independentista: per tant, Colau poiriá governar gràcias al sosten del Partit Socialista e de la drecha espanholista de Valls (Ciutadans).
En mai d’aquò, qualques jornalistas e analistas politics espanhòls an saludat l’idèa de Valls e l’an considerada coratjosa e intelligenta. E mai Ciutadans aja pas jamai volgut pachar amb los Comuns de Colau, ara Valls ven de mostrar qu’aquò es mens grèu que far un pache amb l’ultradrecha de Vox, coma o a fach lo partit espanholista en Andalosia e ara o faràn a Madrid. En mai d’aquò, Valls es arribat de netejar son passat coma èx-primièr ministre francés.
ÈRC ten ara 10 cònsols, los meteisses que los Comuns de Colau. Los socialistas ne tenon 8 e lo grop de Ciutadans amb Manuel Valls ne ten 6. Amassa per Catalonha n’a 5 e lo Partit Popular 2. Ernest Maragall (ÈRC) sera nomenat cònsol màger se i a pas de pache alternatiu de 21 cònsols. L’idèa de Valls se pòt realizar s’obten l’acòrdi de Colau e lo sosten dels Socialistas.
Çò qu’èra una situacion inimaginabla abans es ara una possibilitat.
Durant la campanha, Colau e Valls se critiquèron mutualament amb fòrça duretat. E mai lo partit de Valls, Ciudadanos, de drecha espanholista, a totjorn refusat quin pache que siá amb los Comuns. En mai d’aquò, Ada Colau aviá felicitat Ernest Maragall per sa victòria dins la nuèch electorala en considerant, sens cap de dobte, que Maragall seriá lo nòu cònsol màger. Totun, ara escarta pas la possibilitat de venir consolessa màger de la vila gràcias a Valls, una decision que sembla qu’auriá lo sosten d’una bona partida del partit de Colau. En mai d’aquò, lo Partit Socialista aviá ja dich que fariá tot çò que caldriá per evitar un cònsol màger independentista: per tant, Colau poiriá governar gràcias al sosten del Partit Socialista e de la drecha espanholista de Valls (Ciutadans).
En mai d’aquò, qualques jornalistas e analistas politics espanhòls an saludat l’idèa de Valls e l’an considerada coratjosa e intelligenta. E mai Ciutadans aja pas jamai volgut pachar amb los Comuns de Colau, ara Valls ven de mostrar qu’aquò es mens grèu que far un pache amb l’ultradrecha de Vox, coma o a fach lo partit espanholista en Andalosia e ara o faràn a Madrid. En mai d’aquò, Valls es arribat de netejar son passat coma èx-primièr ministre francés.
ÈRC ten ara 10 cònsols, los meteisses que los Comuns de Colau. Los socialistas ne tenon 8 e lo grop de Ciutadans amb Manuel Valls ne ten 6. Amassa per Catalonha n’a 5 e lo Partit Popular 2. Ernest Maragall (ÈRC) sera nomenat cònsol màger se i a pas de pache alternatiu de 21 cònsols. L’idèa de Valls se pòt realizar s’obten l’acòrdi de Colau e lo sosten dels Socialistas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Manelet però qu' as fait, que non veses qu'estàs en Barcelona e non en París. Què non sap ont te trobas envoltat de franquistas ! Vox es franquista, mas C's falangista e lo pp facha.
Puèi gràcia a aquel ratàs los socialistas auràn un còp de mai léser de metre un còp dins l'esquina de l'esquèrra !
Es pas de creire! Aquel Leventi s'arrapariá a un veire per servar una mica de poder!
Aquel arlèri arriba a èsser encara mai sens vergonha de çò qu'èra.
Informacion de mai sul pipòl: sa va maridar amb sa rica eiretièra, banquièra e del PP.
Ara se veirà de quin costat penja la Colau.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari