Actualitats
Sodan: almens tretze mòrts dins la repression d’un acamp de protèsta
De milièrs manifestants s’èran installats dempuèi abril passat al centre de Khartom per demandar al govèrn militar de transicion que cediguèsse lo poder als civils
Las fòrças de seguretat de Sodan an tuat almens 13 personas en reprimir un acamp de protèsta. I auriá de desenats de ferits dont almens uèch en estat grèu. L’ataca a causat la panica: qualques personas fugissián e d’autras ensajavan d’evacuar los nafrats. De l’autre costat de Nil, de manifestants cercavan d’alçar de barricadas per se defendre.
De milièrs manifestants s’èran installats dempuèi abril passat al centre de Khartom, davant la sedença de l’armada en tot demandar al govèrn militar de transicion que cediguèsse lo poder als civils.
L’armada sodanesa ditz qu’an pas agarrit los manifestants. Lo pòrtavotz del Govèrn Militar de Transicion a assegurat qu’avián sonque agit contra “d’elements incontrarotlats e violents que se serián amagats dins l’acamp e qu’aurián semenat lo caos”.
Dempuèi lo mes d’abril passat, Sodan es governat per un Conselh Militar de Transicion que tombèt lo president Omar Al Bashir, al poder dempuèi 30 ans.
Lo Conselh Militar accèpta la creacion d’un govèrn provisòri integrat per de civils baste que siá somés a l’autoritat militara fins a la convocacion d’eleccions.
Los opausants de l’Aliança per la Libertat e lo Cambiament an anonciat qu'arrestavan sas convèrsas amb los militars après aquela repression. Pasmens, aquelas convèrsas s’èran ja interrompudas de facto lo 21 de mai passat après l’impossibilitat d’arribar un acòrdi.
De milièrs manifestants s’èran installats dempuèi abril passat al centre de Khartom, davant la sedença de l’armada en tot demandar al govèrn militar de transicion que cediguèsse lo poder als civils.
L’armada sodanesa ditz qu’an pas agarrit los manifestants. Lo pòrtavotz del Govèrn Militar de Transicion a assegurat qu’avián sonque agit contra “d’elements incontrarotlats e violents que se serián amagats dins l’acamp e qu’aurián semenat lo caos”.
Dempuèi lo mes d’abril passat, Sodan es governat per un Conselh Militar de Transicion que tombèt lo president Omar Al Bashir, al poder dempuèi 30 ans.
Lo Conselh Militar accèpta la creacion d’un govèrn provisòri integrat per de civils baste que siá somés a l’autoritat militara fins a la convocacion d’eleccions.
Los opausants de l’Aliança per la Libertat e lo Cambiament an anonciat qu'arrestavan sas convèrsas amb los militars après aquela repression. Pasmens, aquelas convèrsas s’èran ja interrompudas de facto lo 21 de mai passat après l’impossibilitat d’arribar un acòrdi.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Encara un còp es pas çò que nos contavan. Sodan es pas Pampaligòssa e mai d'un "envoyé spécial" a d'esteriganhas dins los uèlhs.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari