Tony Parker decidiguèt, diluns passat, de se retirar après 18 sasons passadas dins la granda liga. A 37 ans, lo basquetaire francés arrèsta sa carrièra après una sason tèrna en cò de sa novèla esquipa los Charlotte Hornets. TP, coma es generalament sonat, joguèt 17 ans entre los San Antonio Spurs amb los quals ganhèt 4 anèls de campions NBA, 1 trofèu de melhor jogador de las finalas e foguèt All star sièis còps. Es tanben titolat al nivèl internacional amb sas 181 seleccions amb l’esquipa francesa, puèi que ganhèt un campionat d’Europa. Ara poirà consagrar mai de temps a son novèl projecte, lo del desvolopament del club de basquet de l’ASVEL. 

Mateu de Gòber