CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 18 d'agost

Actualitats

Dijòus, 13 de junh de 2019, 03h00 Internacional,Politica,Societat

Es acabat lo procès contra los independentistas catalans amb una crida al dialòg

Dins lors darrièras intervencions, los elegits catalans se mostrèron fièrs e convencuts de lors idèas, en afirmant que s’agissiá d’un jutjament politic


Comentaris 3 comentaris    
Marrit Flac Bon Plan bon Fabulós (8 vòtes)
carregant En cargar


Se tenguèt ièr la darrièra sesilha del jutjament contra los presonièrs politics independentistas catalans amb lo darrièr torn de paraula de cadun dels acusats. En seguida, lo jutge que presidís lo tribunal, Manuel Marchena, declarèt lo procès mes en deliberat. Ara, los sèt jutges devon analizar las pròvas e redigir una senténcia que s’espèra après l’estiu.
 
Lo tribunal a escotat 426 testimoniatges, a agachat de centenats de vidèos de doas datas clau: lo 20 de setembre, quand i aguèt una granda mobilizacion ciutadana mentre que la polícia espanhòla fasiá de perquisicions al sèti de las finanças de la Generalitat de Catalonha, e lo 1r d’octòbre, ont de violentas cargas policièras ensagèron, sens succès, d’empedir que mai de dos milions de catalans votèsson.
 
Lo procès contra los dotze elegits catalans —dont nòu son en preson preventiva— a durat 52 sesilhas long de quatre meses. Lo ministèri public, los avocats de l’estat e dos avocats del partit ultradrechista Vox qu’es partida civila mantenon la meteissa demanda de penas de preson per rebellion, sedicion e malversacion de fonzes del temps que las defensas demandan lor aquitament. Son acusats d’aver organizat un referendum d’independéncia lo 1r d’octòbre de 2017 e riscan de penas de fins a 25 ans de preson per Oriol Junqueras, 17 ans per Jordi Cuixart, Jordi Sànchez e Carme Forcadell, e 16 pels autres presonièrs. Pels acusats que son pas encarcerats preventivament, Meritxell Borràs, Carles Mundó e Santi Vila, se demanda 7 ans de preson.
 
 
Darrièrs discorses dels acusats
 
Los elegits catalans se mostrèron fièrs e convencuts de lors idèas, en afirmant que s’agissiá d’un jutjament politic. “Çò melhor per totes seriá tornar l’afar a la politica”, çò diguèt Oriol Junqueras.
 
“Sul banc dels acusats sèm pas dotze, mas mai de dos milions”, çò disiá Raül Romeva, que metiá en question la legitimitat del procès. “Uèi sèm nosautres, mas deman pòt  èsser qual que siá”, çò afirmèt.
 
Joaquim Forn remarquèt qu’aquel jutjament èra arribat “a causa de la malescasuda de la politica e coma puniment pel referendum”, e afirmèt que se lo condemnavan, “seriá a causa de [sas] idèas politicas”.
 
I aguèt de moments plens d’emocions, coma quand Jordi Turull mercegèt de lor sosten l’exterior de la preson o sa familha. En mai d’aquò, Turull diguèt net e clar: “Soi aicí perque ai pas renonciat a mon activitat politica”.
 
Moment d’emocion tanben de Jordi Sànchez, que contenguèt las lagremas quand soslinhava la dolor que l’estat li a causada. Sànchez se declarèt “victima d’una injustícia, d’una dolor causada pel poder de l’estat. Dins aquel sens, precisèt que “la preson causa de dolor al qu’es encarcerat, mas fa mai de mal a sa familha, a sos parents, a sos enfants...” E mai diguèt als jutges del tribunal qu’ara eles “an la responsabilitat d’agravar pas encara mai la crisi politica”
 
Josep Rull demandèt al tribunal: “Ss un jutjament sus las idèas o suls faches?”. En mai d’aquò, afortiguèt que “los fòrts fan de paches e los febles impausan; votar es pas una menaça”.
 
Carme Forcadell diguèt qu’èra tota persuadida que l’avián pas jutjada per sos actes mas per sa persona e per sa trajectòria politica. A mai, afirmèt que los quatre meses de jutjament “avián pas servit a res”.
 
Dolors Bassa volguèt precisar qu’èra absurde d’èsser acusada de “desobesissença”, car çò que faguèt es complir lo programa electoral qu’avián presentat en campanha. Al delà, assolidèt que las generacions que vendrián serián marcadas per la senténcia d’aquel jutjament.
 
Quant a Santi Vila, Meritxell Borràs e Carles Mundó, defendèron lor innocéncia e faguèron una crida al dialòg.
 
 
Jordi Cuixart: “O tornarem far”
 
De soslinhar lo discors del president d’Omnium Cultural, Jordi Cuixart. El defendèt lo drech de protestar e de luchar pel drech d’autodeterminacion dels pòbles. “Soi convencut qu’o tornarem far, pacificament e serenament”, çò diguèt. “Se la violéncia de la polícia venquèt pas los milièrs de personas lo 1r d’octòbre, qual pòt creire qu’una senténcia farà que los catalans quiten de luchar pel drech d’autodeterminacion?”
 
En mai d’aquò, Cuixart avertiguèt totes los ciutadans espanhòls que la qualitat democratica de l’estat èra estada mesa en question dins aquel procès, pr’amor que jutjan de dreches fondamentals e qu’aqueles dreches son los meteisses pels catalans o pels ciutadans d’endacòm mai. Per aquela rason, faguèt una crida a la mobilizacion permanenta per defendre lo drech de protestar.

 
 
 

 

 

 

 

 

 

 

 

 

 

 
 


abonar los amics de Jornalet

 
 
 



publicitat
BANER1-2-3: DGPL AN LAFONT



Comentaris

14 de junh 22.42h

Dialeg ara per liberar los presos politics catalans. ERC cresi que va per aqueste camin e farà molt ben de trobar pons d'union amb lo PSOE.


Valoriza aqueste comentari:   votar positiu 3   votar negatiu 3
Respondre comentari replica Comentari inadeqüat   Formulari d'abús de comentari

14 de junh 00.44h

Es acabat lo procès contra los independentistas catalans amb una crida al dialòg ? Volètz cridar al dialòg los descerebrats que comandan als avions que bombardan Guernica ? LA lucha contra los faiscismes es coma la guèrra de las lengas : una lucha a mòrt !


Valoriza aqueste comentari:   votar positiu 9   votar negatiu 1
Respondre comentari replica Comentari inadeqüat   Formulari d'abús de comentari

13 de junh 08.29h

"Lo ministèri public, los avocats de l’estat e dos avocats del partit ultradrechista Vox qu’es partida civila mantenon la meteissa demanda de penas de preson per rebellion, sedicion e malversacion de fonzes del temps que las defensas demandan lor aquitament. " D'aquí esssent, cossí se poiriá pensar que s'agiguèsse de quicòm mai que d'un jutjament politic portat subre un delicte d'opinion ?


Valoriza aqueste comentari:   votar positiu 12   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Lo drech de viure es pus important que totas las frontièras

Uèi, dimenge 18 d’agost, fa 18 jorns que l’Open Arms reten malgrat el mai d’un centenat de migrants socorreguts en marrit estat de santat. Enfin, lo naviri es arribat davant ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

Entrevista

Mn. Condò siguec hilh dera Renaishença Catalana

Jusèp Amiell prèire e escrivan aranés

Mn. Condò siguec hilh dera Renaishença Catalana
giny

giny

publicitat

lateral 2 teveoc

Fotografias

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • Mónego, Bersorèlh e 'A Torbia sota 'a nèu. © Artusa Garavan

    Mónego, Bersorèlh e 'A Torbia sota 'a nèu

  • © Laurenç Revèst

    Mónegue

  • © Laurenç Revèst

    Auribeu de Sianha

  • Exposicion temporària sus Robèrt Lafont al CIRDOC (D.R.)

  • Carnaval de Limós. © Franc Bardòu

    Carnaval de Limós 2013

  • Arremassada de signatures pera independéncia. ANC Val d'Aran, Vielha 11-12 de gèr 2014

  • Niça vièlha en occitan niçard. © LR

    Niça vièlha en occitan niçard

  • Zep Armentano

    25au Corsa Aran per sa Lengua

  • © Franc Bardòu

    Tèrra albigesa

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Irissa: prumèra edicion dera corsa populara de BTT

  • Lo grand passacarrièra de Rodés. Occitan Pride 2013

  • © Zep Armentano

    XI prèmis Gaudí de l'Acadèmia Catalana del Cinèma

  • Concèrt de Nové au temple de Cavairac (Costièra de Nimes). © Aigulf de Cavairac

    Concors de Nadal 2014. Las Calendas en çò vòstre

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Nhèu d'abriu en Aran. © Xavi Gutiérrez Riu

    Nhèu d'abriu en Aran

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Chau Viva

    Qualques salas de classa d'occitan en collègi

  • © Franc Bardòu

    Tresaurs andorrans

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Creses que refusar de socórrer los migrants es racista?


38%



54%



8%



0%




Vots 37 vòtes

comentaris 1

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)