Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautTolosan

Tolosa: Bastir s’amassa deman per preparar las eleccions municipalas

La coordinacion Bastir Municipalas 2020 se met en plaça en sòrta que l'occitanisme siá representat dins las comunas e comunautats de comunas

| Bastir Occitanie
En 2020, i aurà d'eleccions municipalas dins l'estat francés, e se prepara de candidaturas occitanistas dins tantas comunas coma se poirà en tota Occitània (levat Aran, Valadas e Mónegue). D'elegits locals e de militants de diversas sensibilitats d'Occitània se reüniràn un còp de mai deman dissabte a Tolosa amb la tòca que l'occitanisme siá representat dins las comunas e comunautats de comunas.
 
Dins aquel sens, Bastir se prepausa d'èsser present a las municipalas en presentant sos candidats o en presentant de listas que los candidats i ajan signat los documents que permeton lo labèl de Bastir, çò es los engatjaments programatics del movement.
 
Los principis de Bastir se basan mai que mai sus un occitanisme dobèrt, democratic, respectuós de las diferéncias, de las cresenças e de las opcions filosoficas de cadun. Son las dichas valors de “convivéncia” e de “paratge” que son una referéncia occitanista.
 
En mai d’aquò, un element fòrça important es un “respècte escrupulós de la dignitat de la lenga occitana e de la cultura occitana”.
 
Se constituirà un comitat de labelizacion Bastir Municipalas 2020, constituit d’11 personas, qu’estudiarà las demandas que li seràn fachas, e qu’establirà la lista de las candidaturas.
 
Enfin, “Bastir entend per Occitània l’ensemble de las regions qu’an en comun la lenga e la cultura occitanas, e non pas solament una region batejada «Occitanie»”.



 
abonar los amics de Jornalet

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

ltrobat
8.

#7
Per çò qui ei deu bilanç de Bastir sus Pau, qu'ei pro magre...
Au contre deus engatjaments pres pendent la campanha ("que cau estar present au conselh municipau, quitament quan seré dens l'oposicion, entà aver un uelh suus dossièrs concernent la lenga e la cultura nosta"), la candidate de Bastir que refusè d'entrar au conselh municipau per'mor ne volè pas sietjar dens lo grop d'oposicion (e donc ne podè pas gahar lo pòste d'adjunta que guinhava).
https://www.sudouest.fr/2014/11/19/pau-l-elue-qui-doit-remplacer-david-habib-ne-siegera-pas-1741179-4344.php

  • 3
  • 0
mordicus rennes
7.

#4 E'm pòdes díser las avançadas de Bastir! a Aush per exemple? o a Pau benlèu?
Kyo ne va pas deishar lo jornau, e jo tanpauc. Dab lo ton esperit embarrat ne podem pas avançar, urosament qu'i èm entà perméter d'avançar.

  • 6
  • 6
Tòmi Nay
6.

#4 "miserable parasit", "Gasconha natre" ... oohh lo bèth mus de l'occitanisme sectari deus qui volen està's enter eths. N'ei pas hèra beròi tot aquò. Que't cau sortir de la tuta a còps.

  • 6
  • 1
francesc palma
5.

Las eleccions municipalas son un bon moment per presentar-se los partits occitanistas : tan sia coma Occitania tota o coma Gascunha, depen del territori. Segur que tots es consideran de lenga d'Oc, de la mateissa cultura, e lo mateis país mai gran o mai petit, mas lo mateis.

  • 4
  • 0
Gasconha Tèrra Occitana Aush / Viena
4.

#2 « En occitania, non sèi quin se passè , mes a noste en Gasconha, n'a pas briga foncionat,» Opausas Gasconha e Occitània? Quita lo nòste jornau, quita lo nòste espaci, miserable parasit. Ne sabes pas arren de la Gasconha natra. Ací qu'èm dens un lòc occitanista. https://www.urbandictionary.com/define.php?term=Get%20the%20fuck%20lost

  • 8
  • 12

Escriu un comentari sus aqueste article