CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimècres, 23 d'octòbre

Actualitats

Dijòus, 20 de junh de 2019, 03h00 Cultura,Economia,Environament,Politica,Societat

Lemosin > Lemosin > País de la Vinhana

Lemòtges: d’agricultors atacan un eveniment animalista

An daissat d’animals vius dins una conferéncia del CLAMA facha dins una bibliotèca de la vila, del temps que cridavan contra los vegans e en favor del glifosat


Comentaris 6 comentaris    
Marrit Flac Bon Plan bon Fabulós (5 vòtes)
carregant En cargar


Un grop d’agricultors de la Coordinacion Rurala ensagèt de sabotar dissabte passat una jornada informativa del Collectiu Lemosin d’Accion Militanta per los Animaus (CLAMA) que se debanava dins la biliotèca francofòna multimèdia de Lemòtges. Los agricultors intrèron dins la sala de conferéncias en liberant de rats-gaulhièrs, de corbasses, de graulas e una agaça que portavan dins de gàbias mentre que cridavan “sauvatz un agricultor, minjatz un vegan” e revendicavan “de l’aiga e dau glifo” en referéncia al pesticida polemic.
 
Enfin, calguèt l’intervencion de la polícia francesa e municipala per fòrabandir los intruses. Quant a el, lo CLAMA a presentat una denóncia contra aquel sindicat d’agricultors.
 
L’eveniment del CLAMA cercava d’organizar un parladís, un filme e un debat sul lop-cervièr, sul retorn del lop al país e suls animals classat “nosibles” coma las graulas, agaças, corbasses, martas, fainas, rainards... sovent victimas de las atrapas umanas. Los bons resultats dels ecologistas dins las darrièras eleccions europèas los avián butats a menar a bon tèrme l’eveniment.
 


Publicam en seguida, lo comunicat que lo CLAMA nos a mandat a la redaccion de Jornalet.
 
 
 

fffff   fffff
  Comunicat de premsa dau CLAMA Collectiu Lemosin d’Accion Militanta per los Animaus
 
Dissabdes 15 de junh passat, lo Collectiu Lemosin d’Accion Militanta per los Animaus (CLAMA) organizava, dins l’auditòri de la Biblioteca francofòna multimèdia de Limòtges, una après-miegjorn d’informacions (conferéncias, filmes, debats), duberta a tot lo monde e gratuita, a perpaus daus « grands predators e daus animaus dichs nosibles », au còp d’un punt de visda ecologista mai animalista. Era previst la projeccion d’un filme sus lo linx (o lop-cervier) per l’associacion CARDUELIS, una persentacion sus lo lop, son istòria e las psicòsis socialas a son endrech, una conferéncia sus lo lop que tòrna dins las campanhas d’un biais animalista e, per ‘chabar, un debat sus los animaus classats « nosibles » (per ben dire, son estats tornar chafrats dempuei 2016 « animaus que pòden menar daus degalhs » : graulas, ‘jaças, corbeus, martras, flainas, rainards… segon de las variantas departementalas que las listas chamnhan d’un departament a l’autre) que se pòden ‘trapar liurament tota l’annada emb daus tracanards o entraupas o mai tirar a daus periòdes de l’annada reglamentats.
 
La question animala es de mai en mai au còr daus pensaments sociaus e l’après-miegjorn d’intervencions se ‘binava plan ben emb las problematicas d’aura, sapchant, qu’a las eleccions europeas, lo vòte ecologista fuguet una brava reüssida e que lo partit animalista, creat l’i pas mai de dos ans, faguet una marca susprenenta. En mai, tot plen de personas se disen de mai en mai sensiblas a la condicion animala d’un biais generau e enguera mai a las condicions d’elevatge de las bèstias (cf. videos de L214). Que lo lop siá benleu tornat en Lemosin - çò qu’es pas estat confirmat totparier mas qu’a pas empeschat que se’n esmage tot lo mitan rurau recentament - era au centre de las discussions.
 
Queu brave programa fuguet pasmens treblat regde emb l’entrada p’un piau esperada, dins un talabast d’infern, d’una tropelada d’agricultors emmaliciats de la Coordinacion rurala, sindicat aura majoritari a la chambra d’agricultura de Nauta-Vinhana, que demanderen segur pas l’autorizacion de la biblioteca per entrar dins la sala, menant emb ilhs, dins de las gàbias, de las bèstias espauridas dichas nosiblas (2 rats-gaulhiers, 1 corbeu, 2 graulas e 1 ‘jaça) que balanceren pas per relaschar dins la sala de conferéncias en tut s’esbadaurelar e en pejant deçai-delai daus jaspissons « Sauvatz un agricultor, minjatz un vegan » (aitanben, qu’es queraque l’enchaison per dire qu’en Arieja, lor eslogan, qu’es : « De l’aiga e dau glifo »). Fauguet finalament l’intervencion de la polícia nacionala e municipala per botar defòra los intrús. La gent qu’eran ‘quí auràn presat coma se deu la rudesa e las motivacions sensiblas d’un sindicat, pauc que pro drechier, que degun boirará emb tot lo monde rurau, que queu sindicat ne’n es segur pas representatiu. Lo CLAMA a persentat una denóncia contra la Coordinacion Rurala.
 
Probable que qu’es perque la question ecologica e animala ganha dau terren que daus uns elevaires, que boiran tot, charjan l’ase sus los militants ecologistas e animalistas que son daus coupables tot trobats per lors pròpas dificultats economicas. Per dire lo verai, si l’elevatge viu daus temps malaisats, qu’es maileu perque la societat ‘riba a la fin d’un biais de viure e d’un model agricòla que subreviu mas a còps de subvencions. La conversion vers d’autras activitats agricòla, coma n’i a tant, emb daus labels de qualitat, seriá pertant una solucion plan melhora que non pas blasmar los militants naturalistas e animalistas per la mòrt dau model productivista aura gran viable, nascut dins las annadas 70, e un chamnhament de biais de se nuirir que progressa bravament vers una consomacion mendre de charn animala e autres produchs animaus, sovent meschants per la planeta (cf. rapòrts dau GIEC), sens obludar que se pòt viure en plan bona santat sens minjar de charn (cf. rapòrts de l’OMS e de l’Academy of Nutrition and Dietetics).
 
Signat :
Los membres dau Collectiu Lemosin d’Accion Militanta per los Animaus
L’associacion L-PEA / Lum sus las Practicas d’Elevatge et d’Abatatge
La seccion L214 de Limòtges
 
     

 
 
abonar los amics de Jornalet



publicitat
BANER1-2-3: DGPL AN LAFONT



Comentaris

21 de junh 21.33h

Ten, me pense, ai obludat de precisar, l'i aviá daus agricultors dins la sala qu'eran venguts escotar las conferéncias de plan bona volontat, ecologicament conscients, e completament opausats a çò qu'an fach los autres tabirauds de la CR queu jorn.


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

21 de junh 21.20h

#4 Òc-es, Limòtges es fin alienat per çò que tòca a la cultura daus país, la biblioteca es un pòle associat a la Bnf per la francofonia. Limòtges es la vila de las Francofonias, un festenau pauc que pro neocoloniau que se ten dempuei de las annadas e de las annadas e que còsta un "pognon de dingue" lol, e ren, o tres còps, ren per la cultura occitana dau Lemosin. Quand perpausam qqr, los quites elegits, e mai sian de gaucha, o eran (a l'ostau de vila a Limòtges), vòlen pas de "patoi... Legir mai


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

21 de junh 09.33h

Bibliotèca "francofòna" a Lemotges?! Diantre! E i a pas de libres en anglés?! Vergonha!
A! Es vertat qu'es lo païs de la pensada pretenduda liure que vòl la mòrt de Calandreta...


Valoriza aqueste comentari:   votar positiu 13   votar negatiu 0
Respondre comentari replica Comentari inadeqüat   Formulari d'abús de comentari

21 de junh 08.45h

#2 Qu'es curiós tots quilhs clichats sus los defenseires de l'environament e de las bèstias: "bobo", "ciutadans"... daus clichats de pas creire, una indigéncia de la pensada. Sei d'una familha paisana (grands-parents mestadiers), e ma femna tanben (parents elevaires de lemosinas), m'a pas empeschat de desvelopar una sensibilitat fòrta a la condicion animala e a l'ecologia. Vive au beu mitan de la campanha lemosina dempuei un brave temps e coneisse plan ben lo mitan rurau e mai l'elevatge (m... Legir mai


Valoriza aqueste comentari:   votar positiu 18   votar negatiu 1
Respondre comentari replica Comentari inadeqüat   Formulari d'abús de comentari

21 de junh 08.08h

La tòrna de la realitat que bombis a la cara idealista de la bobotalha. Coma amb lo tant pauc ecolo-bobo e tròp missantament populò fenomen dels gilets jaunes. Segur pels idealistas urbans animalistas aquò marca-mal, mas coma o-cantava lo Georges Brassens "la loi de la pesanteur est dure mais c'est la loi".


Valoriza aqueste comentari:   votar positiu 10   votar negatiu 21
Respondre comentari replica Comentari inadeqüat   Formulari d'abús de comentari

20 de junh 23.38h

Sempre n'i a de beneits.


Valoriza aqueste comentari:   votar positiu 11   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 13
  • sol Aush 11
  • sol Bordèu 13
  • sol Briançon 12
  • sol Caors 14
  • sol Carcassona 13
  • sol Clarmont-Ferrand 11
  • sol Confolent 12
  • sol Gap 8
  • sol La Canau 13
  • sol La Gàrdia 15
  • sol Limòtges 13
  • sol Lo Borg Sant Dalmatz 16
  • sol Lo Puèi de Velai 12
  • sol Marselha 22
  • sol Montpelhièr 17
  • sol Naut Aran 9
  • sol Niça 21
  • sol Nimes 17
  • sol Pau 12
  • sol Peireguers 14
  • sol Rodés 11
  • sol Tolon 13
  • sol Tolosa 11
  • sol Valença 12

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Zep Armentano

    25au Corsa Aran per sa Lengua

  • Omenatge a Aragon. © Franc Bardòu

    Omenatge a Aragon

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Xavi Gutiérrez Riu

    31n rescontre occitanocatalan al Pòrt de Salau

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Niça vièlha en occitan niçard. © LR

    Niça vièlha en occitan niçard

  • Arremassada de signatures pera independéncia. ANC Val d'Aran, Vielha 11-12 de gèr 2014

  • A Gavotina marítima: Recabruna Cab Martin, a vila vielha e o castèl dau sécolo X

  • © Celèsta Toion

    La plaja espaci de libertat? D'expression?

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Canejan. Era glèisa. © Xavi Gutiérrez Riu

    Val de Toran (Aran)

  • © Celèsta Toion

    La plaja espaci de libertat? D'expression?

  • © Laurenç Revèst

    Cavairac, Vau Naja (Costièra de Nimes)

  • País de Rasés. © Franc Bardòu

    País de Rasés

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Era còlha dera ADÒC ath trabalh

  • País de Rasés. © Franc Bardòu

    País de Rasés

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


6%



4%



90%



0%




Vots 124 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)