Actualitats
Quaranta tres, un viatge capvath lo temps e l’espaci
Las edicions Per Noste que hèn paréisher ua nautat en literatura fantastica
Las edicions Per Noste que hèn paréisher ua nautat en literatura fantastica.
Quaranta tres, qu'ei lo nom d'aqueth navèth libe, un recuelh de novèlas escriut per Felip Biu.
Quasi 3 ans après l'arrevirada de Lovecraft, Lo qui marmusava dens l'escuranha en çò de Letras d'Òc, l'autor qu'a avut enveja de s'i tornar non pas dab ua arrevirada mes creacions vertadèras. 7 recits que compausan lo recuelh. D'inspiracion fantastica, que v'emportarà en un viatge capvath lo temps e l’espaci dinc a las termièras deus mondes explorats per l’umanitat, segon la quatau de cobèrta.
Enquèstas, extraterrèstres o planetas esconuts, los recits, per estar barrejats, que son totun ligats dab un tèma comun: la destinada.
La literatura fantastica lavetz, un genre qui s'espandeish despuish quauquas annadas en la literatura occitana, dab mei que mei lo sit Internet wwwdiunegre.com qui i ei consacrat, e segon Felip Biu, que hasè hrèita de diversificar l'auhèrta literària en lenga nosta, mei que tot auprès deus joens.
Qu'èra au micro de Ràdio País lo 17 de junh passat, dens l'emission Lo Gran Descluc entà presentar lo libe (que comença a 32mn).
Ràdio País
BIU, Felip. Quaranta tres. Per Noste, 2019. 80 paginas. 5,5 èuros.
Aqueste article es possible gràcias a un acòrdi de cooperacion entre Jornalet e Ràdio País.
Quaranta tres, qu'ei lo nom d'aqueth navèth libe, un recuelh de novèlas escriut per Felip Biu.
Quasi 3 ans après l'arrevirada de Lovecraft, Lo qui marmusava dens l'escuranha en çò de Letras d'Òc, l'autor qu'a avut enveja de s'i tornar non pas dab ua arrevirada mes creacions vertadèras. 7 recits que compausan lo recuelh. D'inspiracion fantastica, que v'emportarà en un viatge capvath lo temps e l’espaci dinc a las termièras deus mondes explorats per l’umanitat, segon la quatau de cobèrta.
Enquèstas, extraterrèstres o planetas esconuts, los recits, per estar barrejats, que son totun ligats dab un tèma comun: la destinada.
La literatura fantastica lavetz, un genre qui s'espandeish despuish quauquas annadas en la literatura occitana, dab mei que mei lo sit Internet wwwdiunegre.com qui i ei consacrat, e segon Felip Biu, que hasè hrèita de diversificar l'auhèrta literària en lenga nosta, mei que tot auprès deus joens.
Qu'èra au micro de Ràdio País lo 17 de junh passat, dens l'emission Lo Gran Descluc entà presentar lo libe (que comença a 32mn).
Ràdio País
BIU, Felip. Quaranta tres. Per Noste, 2019. 80 paginas. 5,5 èuros.
Aqueste article es possible gràcias a un acòrdi de cooperacion entre Jornalet e Ràdio País.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aqueste es lo deman, lo nostre l'avenidor. Mellhor se preparar perquè sia una arribada suau d'un mond novel que mos an amagat.
Felicitacions a las edicions Per Noste e a Felip Biu!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari