CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 15 de setembre

Actualitats

Dimars, 25 de junh de 2019, 03h00 Escòla,Politica,Societat

La situacion de l’occitan dins l’ensenhament

L’Assemblada occitana ven de publicar un dorsièr complet qu’analisa, descriu e detalha la situacion e se conclutz amb de revendicacions maximalistas


Comentaris 4 comentaris    
Marrit Flac Bon Plan bon Fabulós (14 vòtes)
carregant En cargar


L’Assemblada Occitana ven de publicar un dorsièr complet sus la situacion de l’occitan dins l’ensenhament. Après que l’occitanisme es estat trebolat pel projècte de reforma del licèu e del bachelierat, dicha “reforma Blanquer”, l’Assemblada a fach un document ont analisa la situacion. Sus aquela reforma, lo rapòrt introdutz:
 

“La dicha «reforma Blanquer», dau nom dau ministre de l’Educacion francesa Jean-Michel Blanquer,prevei de modificacions dins li “dotacions oràrii”. Li “dotacions oràrii” son lu mejans atribuits a l’ensenhament dei lengas minorizadi dins l’educacion publica. Desenant s’atribuiràn au solet ensenhament bilingüe e non pus a l’ensenhament de l’occitan coma lenga viva. Aqueli mesuras menaràn a la desaparicion de l’opcion d’occitan dins lu establiments escolars de l’Occitània Granda (la part d’Occitània sota administracion francesa), per manca de mejans.”
 
Lo rapòrt analisa la situacion dins totes los territòris occitans e ne fa una analisi istorica dempuèi la Terror menada per los jacobins, la lucha contra los “patois” a l’escòla, lo principi del lingüicidi marcat per Jules Ferry en 1881, las umiliacions a l’escòla, e la dicha Vergonha, ben nomenada “esquizoglossia occitana”, o complèxe d’inferioritat dels locutors.
 
Rapòrta tanben lo cambiament que i aguèt a partir de 1951 amb la dicha Lei Deixonne, “primier cas de legislacion dins li lengas minorizadi, après de decennis de lucha e de revendicacions dei militants de l’ensenhament de l’occitan.” Mençonan puèi d’autras leis, de la Bas-Lauriol a la Toubon, que subreprotegisson la lenga francesa al detriment de l’occitan e de las autras lengas territorialas de l’estat.
 
Dins aquela epòca, lo rapòrt tanben soslinha las inegalitats territorialas. “Li zònas que comptavan mai de locutors primaris (especialament l’espaci nòrd-occitan) èran aqueli dont l’ensenhament èra mens organizat e i si prepauava gaire de pòsts de personau qualificat”, a causa de l’alienacion dels locutors, descriches per Joan Bodon coma “occitans sens o saber”.
 
A partir d’aquel moment, lo rapòrt fa una analisi exaustiva de l’istòria e de la situacion actuala. S’analisa las calandretas, las primièras escòlas publicas que prepausan d’occitan, las escòlas bilingüas, l’inscripcion de las lengas dichas “regionalas” dins la Constitucion francesa, la Lei d’Aran, l’oficialitat en Catalonha, la situacion dins las Valadas, a la Gàrdia, a Mónegue e al nivèl internacional.
 
Se detalha las penúrias dels professors, las reduccions dels pòstes, los concorses del CAPES, los oraris, e tota la situacion en general en raportant quitament d’exemples concrets.
 
Se detalha tanben la situacion al nivèl universitari, lo mesprètz de la classa politica e lo chauvinisme tant de l’extrèma drecha coma de l’extrèma esquèrra, lo refús de l’estat de ratificar la Carta Europèa de las Lengas Regionalas o Minorizadas, los oraris d’ensenhament de l’occitan, la convencion signada entre l’ÒPLO e lo Ministèri francés de l’Educacion que se materializa pas, e quina realitat occitana actuala que siá.
 
Dins lo rapòrt, l’Assemblada Occitana reconeis los collectius que se baton per l’occitan dins l’educacion coma la Federacion dels Ensenhaires de Lenga e Cultura d’Òc (FÈLCO), las escòlas associativas Calandreta, l’Escòla Occitana d’Estiu (EOE), l’Universitat Occitana de Nimes (MARPÒC), las assocacions mistralencas coma Provençau Lenga Viva [Prouvençau Lengo Vivo], etc. “Mas a l’encòp, revendicam mai de rigor e mai de maximalisme”, çò precisa.
 
Enfin, se rapòrta tota la mobilizacion que s’es a menar a bon tèrme en soslinhant la manifestacion que se tenguèt a Tolosa lo 17 de febrier passat.
 
En conclusion, l’Assemblada Occitana demanda que las revendicacions sián pus maximalistas, que se crega pas ninòiament que la solucion vendrà de l’estat francés, e que s’accèpte que sèm dins una situacion de conflicte lingüistic, en especificant una longa tièras de tòcas minimalas d’aténher per reversar la situacion.



 


abonar los amics de Jornalet
 



publicitat
BANER1-2-3: DGPL AN LAFONT



Comentaris

10 de julhet 18.28h

LO BLUES DE L’ENSENHAIRE
Sus la melodia de Calant de Vilafranca.

Devenètz ensenhaires
À foarça d'estudiar,
Lu voastres governaires
Vos saupran encular!

Tralala tralala
Lo Ministre lo mi mete,
Tralala tralala
E lo Rector lo mi remete:
Vai que m’aquò l'ensenhament
Lo n’ escagàsson, lo n’estramàçon!
Vai que m’aquò lu ensenhaires
À pichin fuèc lu fan crebar!

Aqueu mestier tant beu,
Lo sabi, es malaisat,
Ma m' an passat l'auceu
E lo m’an repassat!

Quora ai pilhat li dralhas... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

26 de junh 11.59h

#2 Lo Triangle Sacrat es Niça Bordèu Guardamar…


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

26 de junh 09.08h

La carta es faussa. L'a ben pus de sites bilingues francés occitan en Provença.

Ren que per bocas de Ròsa, vaquí la tiera :
http://www.tice1d.13.ac-aix-marseille.fr/languereg/pages/ecole.htm
https://www.aeloc.fr/articles.php?lng=fr&pg=587&mnuid=1321&tconfig=0

3 sites bilingues publics, 23 sites d'ensenhament "continu" (3h per setmana), just per lo 13. Dins l'Acadèmia de Niça, l'es tanben un autre site binlingues a l'escòla deis Orangers.

S'aquesta carta es la vision de l'ensenhament d... Legir mai


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

25 de junh 23.16h

Los barbars del nord contunhan mostrant sas intecions criminals amb la nostra lenga, totas aquestas afrontas s'an de portar al Conselh d'Europa denunciant a lo govern esterminador de la lenga d'Oc propia dels trobadors que lo govern francès non reconeis. S'aurian de far protestas conjuntas de totas las lengas de l'Estat per protestar contra aquesta nova violacion del govern de París a l'ensenhament.


Valoriza aqueste comentari:   votar positiu 7   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 30
  • sol Aush 30
  • sol Bordèu 31
  • sol Briançon 26
  • sol Caors 31
  • sol Carcassona 28
  • sol Clarmont-Ferrand 32
  • sol Confolent 30
  • sol Gap 23
  • sol La Canau 31
  • sol La Gàrdia 29
  • sol Limòtges 30
  • sol Lo Borg Sant Dalmatz 26
  • sol Lo Puèi de Velai 29
  • sol Marselha 29
  • sol Montpelhièr 29
  • sol Naut Aran 27
  • sol Niça 26
  • sol Nimes 31
  • sol Pau 27
  • sol Peireguers 31
  • sol Rodés 30
  • sol Tolon 32
  • sol Tolosa 30
  • sol Valença 31

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Adriana Díaz

    Canas 2019

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Valadas. © Xavi Gutiérrez Riu

    Valadas

  • Zep Armentano

    25au Corsa Aran per sa Lengua

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Hug de la Rosa

    Manifestacion "Er aranés, era nòsta identitat". Vielha 24 de març 2018

  • © Asalaís Moniguet

    Montpelhièr la lengadociana

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • © Laurenç Revèst

    Cavairac, Vau Naja (Costièra de Nimes)

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • © Laurenç Revèst

    Las Cevènas, Barjac en Val de Cese

  • © Laurenç Revèst

    Castelar

  • Ont'anar, onte?

    Meissonencas en Camarga pichòta

  • © Zep Armentano

    XI prèmis Gaudí de l'Acadèmia Catalana del Cinèma

  • País de Rasés. © Franc Bardòu

    País de Rasés

  • © Franc Bardòu

    Coserans al còr

  • © Laurenç Revèst

    Castelar

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)