Bandièra01 capçalera  1180x150: Novestivada

Actualitats

Google a reconegut qu’escota de convèrsas privadas dels usatgièrs

La societat soslinha qu’escota solament un 0,2% del total de las convèrsas qu’enregistra e que s’agís de convèrsas dels usatgièrs amb l’assistent virtual

Un reportatge de VRT, la television publica bèlga en flamenc, a revelat que Google enregistra e analisa mai d'una convèrsa privada dels usatgièrs a l’escala mondiala mejançant lo nautparlador intelligent Google Home. La societat estatsunidenca o a reconegut e mai soslinhe qu’escota solament un 0,2% del total de las convèrsas qu’enregistra e que s’agís de convèrsas dels usatgièrs amb l’assistent virtual.
 
VRT aguèt accès a un milièr de convèrsas e a raportat que, après las aver escotadas, poguèron determinar ont èra lo lotjament dels enregistrats mejançant aquela tecnologia. VRT assegura tanben que l’informacion a la quala accedís Google s’enregistra sens que l’usatgièr aja besonh de prononciar las paraulas qu’activan lo dispositiu (“Ok Google” e “Hey, Google”). Totun, la societat a refusat aquelas informacions e a dich qu’aquel metòde d’analisi de convèrsas a per tòca de melhorar la tecnologia de votz gràcias a la transcripcion d’un pichon ensemble de paraulas,
e assegura que prendrà de mesuras contra la revelacion de sos enregistraments a la cadena bèlga, que considèra coma una “violacion” de sas politicas de seguretat de donadas.

 
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Sinistratus Pubescens
3.

Que sabèm dejà qu’Amazòn ac hasè. Que daishan a enténer que’us sèrv mei que mei entà neurir la lor IA de reconeishénça vocau : per exemple en lo monde anglofòn un hum de monde ne’s pòden pas har compréner per «l’ajuda» Alexia. E Google qu’a medish combat; per exemple, sovent ne sap pas sostitolar los accents escocés o deu nòrd d’Anglatèrra.
La purmèra vergonha en v’enregistrar qu’ei que’vs hèn tribalhar per eths a gratis, e insabudament.
Mes los problèmas etics que son shens fin.
Botam qu’ua conversacion enregistrada e analisada e contieni la pròva d’un crimi. N’ei pas de mau esmaginar: violéncia conjugau, enfància mautractada, invasion de domicili…
Ac deven denonciar los escotaploja? Auré valor au tribunau? E cau generalizar l’escot entà previéner crimis?
E i a ua linha sus Alexia, Google Home, Siri entà cridar viahòra?
Aquò rai, aquera maquinassa jo la vòli pas a casa.
https://youtu.be/TTyNNu1mIgY?t=625 (10:25)

  • 0
  • 0
Pitaluga
2.

Big Brother is watching you!

  • 1
  • 0
Morfèus Sion
1.

La societat soslinha qu’escota solament un 0,2% del total de las convèrsas qu’enregistra e que s’agís de convèrsas dels usatgièrs amb l’assistent virtual : mas lo quite fait que siá tecnicament possible d'escotar qui que siá dins son privat es rigorosament intolerable e trangressiu.

  • 7
  • 0

Escriu un comentari sus aqueste article