Bandièra01 capçalera  1180x150: Novestivada

Actualitats

Multa recòrd de cinc miliards de dolars contra Facebook

Es la punicion per aver cedit d’informacions de 87 milions d’usatgièrs d’una biais inadeqüat a Cambridge Analytica

La Comission Federala del Comèrci dels Estats Units (FTC) es convenguda d’impausar una multa a Facebook de 5 miliards dolars dins l’encastre de l’enquèsta sus l’usatge de las donadas dels usatgièrs del grand ret social, çò rapòrta The Wall Street Journal. Aquò arriba après que societat de Mark Zuckerberg a cedit d’informacions de 87 milions d’usatgièrs d’una biais inadeqüat a la societat britanica Cambridge Analytica. Aquela societat, ara despareguda, èra restacada a la campanha electorala de Donald Trump, e se serviguèt de cinquanta milions de perfils de Facebook, obtenguts d’un biais irregular, per ajudar Trump a ganhar las eleccions, e tanben ajudar los partisans del Brexit a ganhar lo referendum.
 
En mai d’aquò, Facebook afronta encara una autra enquèsta, que tanben tòca d’autres gigants d’Internet coma Amazon, Apple o Google. Lo president Donald Trump demanda mai de contraròtle dels rets socials e acusa Facebook e los autres de reprimir e de suprimir las opinions dels usatgièrs conservators. Pasmens, Trump a pas presentat de pròvas.

 
 

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Morfèus Sion
1.

Multa recòrd de cinc miliards de dolars contra Facebook. Es la punicion per aver cedit d’informacions de 87 milions d’usatgièrs d’una biais inadeqüat a Cambridge Analytica. Mas, se son demandats çò qu'aquesta operacon illegala aviá raportat a Faceboock ?

Aqueles grops d'influéncia fondats subre un narcissisme décerbrat e caluc, los cal enebir, tot simplament…

  • 4
  • 1

Escriu un comentari sus aqueste article