Bandièra01 1180x150: Comuna de Tolosa

Actualitats

Japon: las femnas se rebèllan contra los talons nauts obligatòris al trabalh

Denóncian lo còde d’abilhatge tan rigid per las femnas que lor provòca de nafras e lesions

| @ishikawa_yumi
Las femnas japonesas començan de se rebellar contra l’obligacion de portar de talons nauts. Ven d’espelir lo movement sonat #Kutoo, en referéncia al movement #MeToo e als mots “sabata” e “dolor”. Aquò seguís l’iniciativa de Yumi Ishikawa, una actritz, manequin e salariada d’una entrepresa funerària que vòl denonciar lo còde d’abilhatge tròp rigid per las femnas. En Catalonha, lo movement a trobat lo resson de la ràdio e de la television publicas.
 
Dins son compte Twitter, Ishikawa se pausa la question de “cambiar aquela sòrta de causas”. Sos messatges venon virals. “Me vòli liberar de l’abitud que las femnas devon portar de talons al trabalh. Trabalhèri dins una ostalariá pendent un mes, mas mas cambas se trobèron pas pus plan a causa dels talons, e o quitèri. Perqué me caldriá trabalhar amb una lesion a la camba?”, çò ditz.
 
“Coma per l’afar dels talons, nos demandan a las femnas de nos vestir de polidas colors e d’èsser plan maquilhadas. Pensi pas que tot aquò siá negatiu en se. Mas d’un biais inconscient nos o inculcan coma quicòm de definitiu. Nos avisal pas qu’en aquò i a inegalitat de genre”, çò precisa.
 

<blockquote class="twitter-tweet"><p lang="ja" dir="ltr">今のバイトも大好きだけどパンプスはほんときつい。これがなければどれだけ動きやすいか、足音気にしなくていいか、足痛くならなくて済むか。いつかこの風習なくすんだ。履きたい人はもちろん履いてください。</p>&mdash; 石川優実@#KuToo署名中 (@ishikawa_yumi) <a href="https://twitter.com/ishikawa_yumi/status/1088410215878283264?ref_src=twsrc%5Etfw">January 24, 2019</a></blockquote> <script async src="https://platform.twitter.com/widgets.js" charset="utf-8"></script>


 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

t.
3.

N'i a que ne comprenen pas ARREN. N'es pas question de Japon , o de ne sabi pas qué .
Paures òmes òrbs ! Tan acostumats de torturar las hemnas que ne vesen pas mei arren.

La question es aquera : per tots país , las hemnas son secutadas per tostemps semblar çò que vòlen los òmes , un imatge agradiu , una monaca polida . Un òme se pòt vestir a son agrat , mès non pas una hemna .
Especialament per las hemnas , per tots país s' inventèren e s'inventan TORTURAS : en China pès pichonets atrofiats , en Orient hemnas enclaustradas e vestits per estujar tot lo còs e la cara per calorassa de 40 ° ( quan los òmes , adaises, son en camisetas !), en Euròpa corsets empachant d'alenar , vestits pesucs hasent empach , e adara enqüèra obligacion de se pintrar la cara , obligacion d'èster magra com un carasson , e …. obligacion de sabatons deus talons agressius per l'esqueleta e qu'empachan de caminar, etc etc ...
N'i a PRO …
PRO de la DICTATURA de l'aparença , dictada per òmes .
Las hemnas an dret de se sentir adaise en un còs adaise . Eras tanben.

  • 9
  • 0
Monsur
2.

#1 Es tipic deis Occitanistas "tèrs mondistas" aquò, lo Japon aitant que lei país d'Euròpa vos agradan pas jamai e trobatz totjorn de causas a criticar. Anatz en Africa s'es melhor e arrestatz de racontar de causas dessenadas sus internet...

  • 1
  • 7
francesc palma
1.

Lo Japon pareis un país americanizat al màxim. Non m'agradaria aver i d'anar.

  • 3
  • 3

Escriu un comentari sus aqueste article