Bandièra01 1180x150: País Invisible

Actualitats

crotz-tolosaCreated with Sketch.GuianaRoergueLeveson e Rodanés

Rodés: lo PNO festejarà deman son 60n anniversari

Per l’ocasion, partejaràn una taulejada seguida d’una conferéncia sus l’actualitat del nacionalisme occitan dins l’encastre de l’Estivada

| Guilhèm Sevilha
Lo Partit de la Nacion Occitana (PNO) festeja deman son 60n anniversari. Per l’ocasion, partejaràn una taulejada seguida d’una conferéncia sus l’actualitat del nacionalisme occitan a Rodés, dins l’encastre de l’Estivada, e comptarà sus la preséncia de collaboradors de Catalonha e d’endacòm mai.
 
Lo PNO, a l’origina Partit Nacionalista Occitan, e ara Partit de la Nacion Occitana, lo fondèt fa 60 ans a Niça Francés Fontan. Dempuèi aquel moment la tòca del PNO es l’independéncia d’Occitània e la creacion d’un estat pròpri, un objectiu que poiriá semblar utopic e quitament delirant per la majoritat del pòble occitan mas que trobèt un ponhat d’òmes e de femnas qu’i creguèron e se metèron al trabalh. A l’ora d’ara, lo PNO contunha de defendre un “combat democratic e pacific per la liberacion del nòstre país” amb la tòca d’aténher  l’independéncia d’Occitània, “tròç per tròç, e la reünificacion dins l’encastre d’una republica federala e d’un estat, membre de l’Union Europèa e de l’ÒNU”. A mai, lo partit se definís coma “etnista” en partejant “lo meteis combat que lo de totes los pòbles de las nacions sens estat del Mond sancèr”.
 
 
 


 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
4.

Be, Be, mes a fer un terrabastall, tant gros que els xiulin les orelles a París. No defalliu mai, l'objectiu e clar i tremendament just, per tant a totes.
Que tingueu llarga vida i "molta canalla", tireu endavant i sense por, però sempre assegurant la jugada.
Pit i col... i -com Català que soc-, un Despertaferro! ben fort per vosaltres.
Visca la Terra...Lliure!
L'Ernest, "El Tàrrega".

  • 0
  • 0
francesc palma
3.

Per los amics de PNO una cançoneta umoristica del trobador Raimbau d'Aurenga (...1140-1173). La clau per la recuperacion d'Occitania està en reivindicar los Trobadors e Trobairitz per tot.

Per qu'ensenharai a amar
los altres bons domnejadors;
e si'n creson mon ensenhar
far lor a d'amar conquistar
tot aitant quant volran de cors !
E sia ongan penjat o ars
qui no m'en creirà, car bons laus
n'auran selhs qu'en tendran las claus !

  • 2
  • 0
Doctor Fatalis Latveria
2.

#1 — En 1959 s'aprenia enguera l'occitan dins la cor de las escòlas, dins las bòrias e mesme en vila. Coma se fai qu'en 60ans l'occitan siaja devengut marginau?
— Vivètz en França (lestat) o subre la luna ? Dins aqueste estat, tot es estat fait e pensat per marginalisar totas las lengas autras que francesas, tre lo sègle XV. Se caldriá despertar lèu lèu… Lo PNO i pòt pas grand causa mai que lo PO ni qui que siá mai.

  • 10
  • 0
Papioli
1.

En 1959 s'aprenia enguera l'occitan dins la cor de las escòlas, dins las bòrias e mesme en vila. Coma se fai qu'en 60ans l'occitan siaja devengut marginau?
La Revolucion industriala a entrainat la desagregacion de l'economia milenaria. A crear de grandas concentracions obrieras, puei de grandas concentracions coma las multinacionalas, las banquas que fan las leis e lo brave temps au niveu internacional. Los pais e tota l'economia son gerats per trust internacional que pensa mai a son prefiech qu'a l'armonia de la societat e qu'es minjat per la corupcion.
Las annadas a venir veran la fin dau renha d'aquel trust qu'an pus ren a perpausat que los deserbants, los pesticides, los vaccins, lo control de las populacions emben l'inteligença artificiala, las ondas electromagneticas las pus meschantas e d'autras causas que son pas favorables. La pressa francesa es balhonada per aquel trust mesme si n'i a que pensan que sem enguera dins una democracia.

Perpause au PNO e autres occitanistes de reflechir per las annadas a venir dins un cadre ente aquel trust vai s'efondrar e sera remplaçar per un sistem mai autonòme e pus respectuos de l'individu, de sa cultura, de las regions .Parla pas daus ecologistes que los que parlan colectivament son au servici d'una novela dictatura alternativa que dich pas son nom.
Arrestam de reclamar quauqu'a ren a d'aquel estat frances completament dominat per los trusts internacionaus. Pensam a una economia autonòme, una finança que depend pas de las bancas, a una pressa liure, a daus scientifics liures e pas sosmis a un cloisonament. Attelam l'occitanisme a d'aquela volontat de cambiament priond qu'existe pertot. Passam a la Resistença..

  • 7
  • 0

Escriu un comentari sus aqueste article