CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 18 de setembre

Actualitats

Divendres, 26 de julhet de 2019, 04h00 Environament,Internacional,Politica

Greta Thunberg a l’Assemblada Nacionala francesa a criticat los govèrns que fan de “declaracions d’urgéncia climatica vuèjas de contengut”

Après l’escotar, los deputats votèron en favor de l’acòrdi comercial entre l’Union Europèa e Canadà (CÈTA), considerat per maites coma climaticida


Comentaris 13 comentaris    
Marrit Flac Bon Plan bon Fabulós (9 vòtes)
carregant En cargar


L’invitacion de la jove environamentalista suedesa Greta Thunberg a l’Assemblada Nacionala francesa aquesta dimars passat a provocat una batèsta politica en França. Qualques elegits de drecha e d’extrèma drecha l’an boicotada e quitament insultada publicament. Dins aquel sens, Guillaume Larrivé, candidat dels Republicans a la presidéncia, l’a qualificada de “goró apocaliptic” del temps que Julien Aubert l’a nomenada “venceira del prèmi Nobel de la paur”. A mai, la deputada Emmanuelle Ménard, pròcha de Marine Le Pen, a dich sus Twitter qu’es “damatge que siá enebida l’ancada qu’ela meritariá”.
 
 
Los cambiaments que cal far son pas en vista
 
Convidada pel grop parlamentari nomenat “Accelerem la transicion ecologica e solidària“, Thunberg critiquèt amb duretat los govèrns occidentals qu’apròvan de declaracions d’urgéncia climatica vuèjas de contengut. “Ara, los caps politics de qualques païses començan de parlar, començan de declarar d’urgéncias climaticas e d’anonciar de datas per la dicha «neutralitat climatica»”, çò diguèt en precisant que “declarar una situacion d’urgéncia pel clima es quicòm de positiu, mas se limitar a establir de datas pauc claras e luènhas en disent de causas que donan l’impression que se fa quicòm e que l’acion es en camin, es probable que siá mai marrit que bon”. D’efièch, assegurèt que “los cambiaments que cal far son pas en vista ni en França, ni dins l’Union Europèa ni enluòc”.
 
 
Escotar los scientifics
 
En mai d’aquò, remembrèt que caliá “escotar los scientifics”. En fasent referéncia als deputats que la criticavan, Thunberg diguèt: “Qualques unes an pas causit de venir a aquela amassada uèi, qualques unes an pas causit de nos escotar. E impòrta pas, fin finala sèm d’enfants, son pas obligats de nos escotar. Mas si que son obligats d’escotar los scientifics, e es çò que demandam”.
 
De fach, l’intervencion de la jove environamentalista se centrèt sustot sus las principalas conclusion del Panèl Intergovernamental de l’ÒNU sul cambiament climatic, l’IPCC.
 
Lo quotidian francés de l’ecologia Reporterre rapòrta l’eveniment de dimars passat. E mai publiquèt en febrièr un article qu’assegurava que Greta Thunbert èra utilizada pel dich capitalisme verd.
 
 
E après l’escotar, los deputats an aprovat lo CÈTA
 
Un pauc pus tard, dins lo tantòst, los meteisses parlamentaris votèron en favor de l’acòrdi comercial entre l’Union Europèa e Canadà (CÈTA), considerat per maites coma climaticida.
 
Thunberg e sos collègas activistas de França èran convidats al vòte, ont França ratifiquèt lo tractat amb 266 vòtes en favor e 213 contra.

Aquel pache comercial a agut sonque lo sosten massiu de la màger part dels deputats liberals e centristas macronistas, majoritaris a l’Assemblada Nacionala francesa;  los verds e l’esquèrra i son particularament opausats pr’amor que dobtan de las garentidas qu’ofrís en matèria de dreches dels salariats, de proteccion environamentala e de santat, e alèrtan del poder autrejat a las multinacionalas sus las leis estatalas.

 
 


 
 
 
 

 



publicitat
BANER1-2-3: DGPL TRADUCTOR



Comentaris

31 de julhet 17.27h

Que una noia de setze anys ho hagi de dir perquè ningú te collons de dir-ho, em fa creure molt en aquest jovent que puja, i molt poc en les vellesses que manen, que per contra haurien d'esser els mes assenyats.
Si es que el Mon se'n va a la m..., que Collons fan!? Voldran córrer quan sigui massa tard, ara No es negoci, segons el seu criteri, qui els va p..., ens han destruït el Mon i ara no ho volen arreglar.
Ecologistes, no defalliu! Ningú pot ésser tant burro com aquests que manen!
V... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

28 de julhet 16.18h

Las esguarras enviroamentaus, efectivament, non son pas socialistas o capitalistas, que son l’efèit deu productivisme e/o de la corsa au profieit. Lo Canadà e los Estats-Units, capitalistas cap e tot, que son a har la medisha causa dab los gas de sistre e autes sables bituminós, que los estalinians dab la mar d’Aral. Los chadians ne son pas ni comunistas, ni capitalistas, e que son a secar lo lac Chad parièr.
Mei ençà a la cauç que tròbam lo natalisme. La Mongolia qu’a un problèm... Legir mai


Valoriza aqueste comentari:   votar positiu 8   votar negatiu 3
Respondre comentari replica Comentari inadeqüat   Formulari d'abús de comentari

28 de julhet 07.41h

#6 O fa.


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

27 de julhet 21.30h

Vòle mas apondre que, dins la societat d'aura de l'informacion de massa via internet, n'impòrta qui pòt getar la suspicion et l'opròbra sens deguna pròva ren mas a partir d'especulacions. Çò qu'a escrich Onfray per exemple sur Greta Thunberg es una vergonha indigna d'un filosòf auodeclarat, Onfray mesditz emb tot plen d'a priori sus lo fisic d'una adolescéncia diagnosticada asperger et dotada d'alhors d'un QI plan mai superior a la mejana, de sòrta que Onfray agís en bon masle domina... Legir mai


Valoriza aqueste comentari:   votar positiu 15   votar negatiu 4
Respondre comentari replica Comentari inadeqüat   Formulari d'abús de comentari

27 de julhet 21.22h

#7 Fin d'acòrd emb Juiian, n'i a pro de las criticas agistas, validistas, paternalistas. Tant qu'aus climato-sceptics, son daus criminaus, las generacions a venir patiràn de lor inconsequéncia e de lor egoïsme.
Article desjà vielh, per los que destran pas esperit critic e propagandas conspiracionistas (qu'es en francés, fasetz-me excusa) :
"Ah, le plaisir de devenir une figure publique mondiale… Du haut de ses 16 ans, Greta Thunberg, une très jeune «militante climatique» récemment ... Legir mai


Valoriza aqueste comentari:   votar positiu 16   votar negatiu 4
Respondre comentari replica Comentari inadeqüat   Formulari d'abús de comentari

27 de julhet 13.04h

#7 escrivètz "
N'i averà pas de transicion ecologica shens ua transicion economica màger çò qu'implica de passar au socialisme au mei viste. La classa dominanta ne vòu pas enténer a parlar d'ecologia, aquò ne ganha pas."
Vertat es que quand los comunistas foguèron al poder en URSS entre 1917 e 1991 faguèron una transicion economica mager e que l'ecologia èra lor pensada primièra de cada jorn ...
I a que de veire çò que faguèron de la Mar d'Aral e dins d'autres endreits del Sant ... Legir mai


Valoriza aqueste comentari:   votar positiu 9   votar negatiu 13
Respondre comentari replica Comentari inadeqüat   Formulari d'abús de comentari

27 de julhet 09.11h

Totas las criticas qui pertòcan l'atge e lo sèxe d'aquera persona n'an pas rason d'existir. Enqüèra un còp la nosta societat liberau que muisha lo son sexisme e lo son patriarcat de cap a ua joena persona. Sonque las criticas de hons sus lo son devis son acceptables. N'i averà pas de transicion ecologica shens ua transicion economica màger çò qu'implica de passar au socialisme au mei viste. La classa dominanta ne vòu pas enténer a parlar d'ecologia, aquò ne ganha pas.


Valoriza aqueste comentari:   votar positiu 5   votar negatiu 6
Respondre comentari replica Comentari inadeqüat   Formulari d'abús de comentari

26 de julhet 21.32h

Auriá mai de succès a s'adreiçar als enfants dins las escòlas per los butar a la cauma e a la revòlta generalisada e la desobesisança civila.


Valoriza aqueste comentari:   votar positiu 4   votar negatiu 3
Respondre comentari replica Comentari inadeqüat   Formulari d'abús de comentari

26 de julhet 21.30h

Forçadament, Gretà Iceberg s'adreiça a de monde qu'auràn los mejans (financièrs e relacionals) d'escapar a totes los problemas ligats al rescalfament climatic.


Valoriza aqueste comentari:   votar positiu 5   votar negatiu 3
Respondre comentari replica Comentari inadeqüat   Formulari d'abús de comentari

26 de julhet 14.01h

#1 Poiez nos bailar un (e un sol !) article seriós ont "lo scientific qu'es pas d'accòrd" expausa perqué lo rechaufament climatic es una messonja ? O un deliri a "la mòda" de mai 10 000 scientifcs a travèrs lo mond, de totas disciplinas confonduàs ?...
Non ? Ah.. es ben çò que pensavo...
Servís ben a tots los aberlandits la dita "pensaa unica" quand s'agís de pas tornar pensar nòstre modèl de societat...


Valoriza aqueste comentari:   votar positiu 19   votar negatiu 6
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 19
  • sol Aush 21
  • sol Bordèu 20
  • sol Briançon 17
  • sol Caors 17
  • sol Carcassona 20
  • sol Clarmont-Ferrand 14
  • sol Confolent 13
  • sol Gap 15
  • sol La Canau 20
  • sol La Gàrdia 18
  • sol Limòtges 16
  • sol Lo Borg Sant Dalmatz 18
  • sol Lo Puèi de Velai 11
  • sol Marselha 18
  • sol Montpelhièr 21
  • sol Naut Aran 15
  • sol Niça 21
  • sol Nimes 21
  • sol Pau 19
  • sol Peireguers 17
  • sol Rodés 20
  • sol Tolon 18
  • sol Tolosa 21
  • sol Valença 15

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Niça vièlha en occitan niçard. © LR

    Niça vièlha en occitan niçard

  • Sud Tolosan. © Franc Bardòu

    Concors d'estiu 2012: La fotografia de las vacanças

  • Agaits occitans sus Barcelona. © Franc Bardòu

    Agaits occitans sus Barcelona

  • © Anhès Rossinhòla

    Vista d'A Torbia, de Mónego e dal mont Agel despí Lai Barrai (comuna de Pelha, Gavotina marítima)

  • Nhèu d'abriu en Aran. © Xavi Gutiérrez Riu

    Nhèu d'abriu en Aran

  • La Korrika, la corsa per la lenga basca es arribada a Tolosa

  • Cristòl Daurore

    Ceremonia pel 83n anniversari de Francés Fontan a Fraisse (Val Varacha)

  • País de Rasés. © Franc Bardòu

    País de Rasés

  • Gavotina marítima: trofèu d'August e vila vielha d'A Torbia

  • Gavotina marítima: trofèu d'August e vila vielha d'A Torbia

  • © Aure Séguier

    Carnaval Biarnés 2017

  • © Laurenç Revèst

    Besièrs, preséncia d'occitan en ciutat e CIRDOC

  • © Asalaís Moniguet

    Montpelhièr la lengadociana

  • © Franc Bardòu

    Asuèlhs de Lauragués

  • © Zep Armentano

    XI prèmis Gaudí de l'Acadèmia Catalana del Cinèma

  • © Margaria Pepin

    Adobament dal Grand Prèmi de Mónegue de 2014

  • © Asalaís Moniguet

    Montpelhièr la lengadociana

  • © Laurenç Revèst

    Vista de Nimes, lengadociana per l'istòria, provençala per lo dialècte

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • Zep Armentano

    25au Corsa Aran per sa Lengua

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)