Bandièra01 1180x150: País Invisible

Actualitats

De susmautas a Belfast per la retirada de la bandièra britanica de la comuna

Qualques ostals de conselhièrs son estats atacats amb de pèiras

Un dotzenat de manifestants foguèron arrestats dissabte passat en una autra protèsta convocada pels grops unionistas de Belfast contra lo retirament de la bandièra britanica de la faciada de l’ostal de la comuna. Lo plen de la municipalitat nòrd-irlandesa a decidit qu’aquela bandièra i serà sonque dètz-e-sèt jorns per an.
 
Qualques 1500 unionistas manifestèron tornarmai a Belfast dissabte passat contra aquela decision, la protèsta percorreguèt lo centre de la vila e se debanèron qualques incidents isolats, segon la polícia del nòrd d’Irlanda. Per contra, divendres de ser los incidents foguèron fòrça mai grèus amb d’afrontaments entre manifestants e policièrs. Lo resultat foguèt un quinzenat de ferits dins la zòna de l’èst de Belfast.
 
Las susmautas son estadas reprodusidas pendent tota la dimenjada dins d’autras vilas del nòrd d’Irlanda e de grops d’unionistas ataquèron los ostals de divèrses conselhièrs de la comuna de Belfast, coma lo de Linda Cleland, del Partit Aliança, que foguèt atacat amb de pèiras. “Ne cal acabar amb aquela violéncia. M’intimidaràn pas amb aquela violéncia. Aquò es un atac a la democracia que devèm condemnar totes”, çò diguèt Cleland.

A l’ora d’ara, la calma es pas encara arribada dins lo nòrd d’Irlanda.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Diari Liffey Dublin
2.

Semblava qu'amb l'Acòrdi de Divendres Sant arribariá la patz mas i a encara un conflicte mièg amagat que resorgís amb fòrça de tant en tant quand se tòca la simbologia.

  • 2
  • 0
Sir William Wallace Stirling
1.

Faires gaelics, los Angleses e sos anglesejaires, los cal sacar totes a la mar ! Es aital, qu'aqueles Angleses aprenguèron la natacion als nòstres faires bretons ara refugiats en Bretanha Pichona !!! E tant que i sèm, los podèm ficar a la pòrta d'Euròpa. S'anaràn far veire en America, en esperant que los nòstres aligats ameridians los saquen al sieu torn a l'aiga salada… Aital comprendràn enfin quant agradèron, de sègle en sègle, las politicas anglesas e francesas dins l'art de respectar l'Autre…

  • 2
  • 1

Escriu un comentari sus aqueste article