Actualitats
Lo calimàs a daissat de temperaturas de recòrd istoric
En Occitània, avem batut de recòrds de temperaturas nocturnas
Lo calimàs qu’afècta Occitània es a daissar de temperaturas de recòrd istoric. Dins nòstre nòrd, ont sèm plan mens abituats a la calor, s’es enregistrat de temperaturas que s’èran pas jamai vistas: a Lingen (Alemanha) enregistrèron dijòus passat 41,5 grases, un gra de mai que lo recòrd qu’aviá batut la velha la vila de Geilenkirchen. En Belgica, ont dimècres tenguèron la temperatura recòrd de 40,2 grases, dijòus aquesta èra superada pels 40,6 a Kleine Brogel, près de la frontièra amb Alemanha.
Tanben als Païses Basses las temperaturas an despassat los quaranta grases. Dimècres
a Eindhoven s’enregistrava lo recòrd istoric amb la chifra de 39,3 grases, e dijòus lo recòrd se superèt amb una temperatura de 40,4oC.
Méteo France tanben anonciava dijòus que París èra arribat als 42,6oC, la temperatura pus nauta jamai enregistrada dins la capitala francesa. Fins ara lo recòrd èra de 40,4oC, establit fa mai de seissanta ans, en 1947.
De nuèches ont es impossible de dormir
Tanben en Occitània avèm patit de recòrds de calor nocturna. A Tolosa, la temperatura minimala es arribada als 24,8 oC, a Bordèu als 25,4oC e Aush als 23,5 oC. Son de temperaturas minimalas jamai enregistradas.
Ara, la dimenjada pòrta de pluèjas generalizadas per tot lo país que faràn davalar las temperaturas.
Lo recòrd absolut de temperatura de l’estat francés es en Occitània
De notar que lo 28 de junh passat, durant lo primièr episòdi de calimàs de l’estiu, s’atenguèt un recòrd a Verargas, non luènh de Lunèl, amb una temperatura enregistrada de 46 oC. Es lo recòrd absolut a l’encòp en Occitània e dins tot l’estat francés.
Tanben als Païses Basses las temperaturas an despassat los quaranta grases. Dimècres
a Eindhoven s’enregistrava lo recòrd istoric amb la chifra de 39,3 grases, e dijòus lo recòrd se superèt amb una temperatura de 40,4oC.
Méteo France tanben anonciava dijòus que París èra arribat als 42,6oC, la temperatura pus nauta jamai enregistrada dins la capitala francesa. Fins ara lo recòrd èra de 40,4oC, establit fa mai de seissanta ans, en 1947.
De nuèches ont es impossible de dormir
Tanben en Occitània avèm patit de recòrds de calor nocturna. A Tolosa, la temperatura minimala es arribada als 24,8 oC, a Bordèu als 25,4oC e Aush als 23,5 oC. Son de temperaturas minimalas jamai enregistradas.
Ara, la dimenjada pòrta de pluèjas generalizadas per tot lo país que faràn davalar las temperaturas.
Lo recòrd absolut de temperatura de l’estat francés es en Occitània
De notar que lo 28 de junh passat, durant lo primièr episòdi de calimàs de l’estiu, s’atenguèt un recòrd a Verargas, non luènh de Lunèl, amb una temperatura enregistrada de 46 oC. Es lo recòrd absolut a l’encòp en Occitània e dins tot l’estat francés.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Rai! Amb lo CETA, tot s'adobarà!
Per saber la calor que fa realment, s'a de mirar tamben l'umitat. Aquí vora la mar, quan l'umitat es del 60 % o mai e la temperatura de 29 ºC, la sensació de calor es molt forta. E quan la temperatura es de 30ºC e lumitat es de 25 %, la sensació es de calor es mai baissa.
Per exemple ,no se pot mirar la temperatura quan lo termometre es al sol, a d'estar a la sombra. Perquè i a una diferencia de 4 o 5 graus,o mai.
Òu ! Es un gròs termomètre !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari