Bandièra01 1180x150: Comuna de Tolosa

Actualitats

Vilanuèva d’Òlt coma exemple de la desertificacion dels centres vilas

Un reportatge de France Info rapòrta aquel drama coma “autopsia d’un centre vila a l’abandon”

| Juliette Campion / France Info
France Info ven de publicar un reportatge “Grand Format” sus la desertificacion dels centres de las vilas mejanas del país en prenent coma exemple Vilanuèva d’Òlt (Naut Agenés). Un drama que lo mòstra la jornalista Juliette Campion coma una “autopsia d’un centre vila a l’abandon”.
 
Es benlèu l’arribada de las grandas superfícias en 1970 que marca aquel abandon de la vida al centre de la capitala nautagenesa. Mas al començament dels ans 1990 i aviá totjorn de comèrcis per totas las carrièras del centre vila, e de mond que se passejavan, e de vida. “Çò piéger es quand la darrièra pastissariá a barrat. Fasià vint ans qu’èra aquí. I trobàvem un pastisson que totòm s’en congostava”, çò ditz un dels testimoniatges del reportatge.
 
Es un problèma que patisson la majoritat de vilas occitanas de l’estat francés. Aquestas son de mai en mai privadas de vida, de comèrcis e d’abitants. Las fornariás e las carnsaladariás an desaparegut, o son vengudas de botigas de tatoatges o de crompa d’aur. Los locals e lotjaments del centre vila son de mai en mai voids del temps que se demòra dins d’ostals individuals a la perifèria e que se fa las crompas dins los centres comercials. Tot aquò a empaurit lo país, a tuat nòstras vilas, e saique l’usatge social de l’occitan.
 
 
 
Sus aquel subjècte, lo jornalista Olivier Razemon publiquèt a la fin de 2016 un libre en francés entitolat Cossí França a tuat sas vilas?. S’agís d’un trabalh articulat principalament a l’entorn de l’urbanisme e dels transpòrts que demòstra çò que podèm veire al país dins la vida vidanta: los comèrcis de las vilas son barrats, las vilas son privadas de vida e las crompas se fan dins los centres comercials en perifèria.
 
 
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Lo que vesi a la foto es una botiga de cortinas e tevalholas polida. Què davora i a duas cotxerias qu' an estadas pintada las barreras amb grafitis,? mas seguidament pareis que i a una botigueta. Lo que pensi es que a los que embruten las fasanas e cotxeras los aurian de multar la comuna.

  • 2
  • 0
cataloccitá cataloccitánia
1.

Es lo resultat de la implementación del grans centres comercials a les ciutats. Produeixen com a consequencia la dessartitsació del começ a les ciutats.

  • 5
  • 0

Escriu un comentari sus aqueste article