CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimècres, 23 d'octòbre

Actualitats

Dimars, 6 d'agost de 2019, 03h00 Politica,Societat

Gasconha > Comenge > Coserans

La reforma Blanquer e los presonièrs politics catalans an marcat la 32a amassada del Pòrt de Salau

A l'eveniment an participat ongan unas 500 personas dont Anna Geli, deputada aranesa al Parlament de Catalonha, amb una respresentacion del movement politic aranés Aran Amassa


Comentaris Cap de comentari    
Marrit Flac Bon Plan bon Fabulós (9 vòtes)
carregant En cargar


L’ensenhament de l’occitan a l’escòla publica, menaçat per la reforma educativa francesa, e la libertat dels presonièrs politics catalans son las revendicacions que se son mai ausidas aqueste dimenge al pòrt de Salau, dins l’encastre del  32n rescontre occitanocatalan que se ten cada primièr dimenge d’agost sus aquel còl pirenenc entre los païses de Coserans e Palhars.
 
Fa ja 32 ans qu’occitans e catalans se retròban aquí, a 2100 mètres d'altitud. Los occitans partisson de Salau (Coserans) e los catalans de la vila catalana d’Esterri d’Àneu. L’amassada, organizada pel CAÒC e per l’ASPIC, es venguda un simbòl d’amistat e de revendicacion nacionala dels dos pòbles vesins. L’eveniment a comptat ongan sus lla participacion de cinc centenats de personas, dont Anna Geli, deputada aranesa al Parlament de Catalonha, amb una respresentacion  del movement politic aranés Aran Amassa.
 
Coma totjorn, se faguèt d’actes d’afrairament, d’escambis de produches dels dos terraires, de danças tradicionalas, de discorses de benvenguda, e fin finala s’issèt las bandièras de las doas nacions del temps que lo mond cantavan Se Canta e Els Segadors.
 
L’emplaçament d’aquel pòrt es simbolic: s’agís d’un camin natural entre Occitània e Catalonha qu’a servit istoricament per connectar los dos pòbles.
 
Per arribar al pòrt, als occitans lor cal caminar tres oras mentre que los catalans sonque marchan 45 minutas. Es per aquò que tradicionalament los occitans i pòrtan lo formatge e los catalans lo vin.

 

fffff   fffff
  Discors d’Annia Wolf, presidenta de l’IEO d’Arièja
 
Amics, es un plaser dels grands d’èsser amassa al pòrt de Salau per la 32a edicion de la Pujada ; per festejar l’amistat de dos pòbles vesins que revindican una cultura comuna e de lengas sòrres e mai l’istòria nòstra siá desparièra.
 
Uèi, Catalonha es pas independenta, les presonièrs politics son totjorn embarrats e sembla pas que i aja de solucion lèu-lèu quitament amb le govèrn espanhòl novèl que contuhna la meteissa politica sens cap de dialòg possible. De qué que siá, òm pòt èsser per l’independéncia de Catalonha, o pas, mas un problèma demòra: dins un país que se ditz democratic, i a gents elegits en preson per aver organizat una eleccion pr’amor que les catalans digan son vejaire e decidiscan quales son.
 
En França coma dins Euròpa, i a pas cap de votz per prene la defensa de la libertat d’expression o per denonciar la violéncia de la repression. Pasmens ençò dels catalans, le sosten popular es fòrça viu e s’afortis cada jorn. Le pòble a pas dit sa darrièra paraula. Del nòstre costat dels Pirinèus las causas s’adòban pas tanpauc. França nos panèt la memòria, l’Istòria e la lenga per nos fèr creire a çò de París e ara les occitans sabon pas mai çò qu’èran e çò que son. Solide i agèt de capitadas pichonas e l’occitan se tornèt aprene dins l’escòla de la Republica. Mas al jorn de uèi las atacas se multiplican e son a ensajar de fèr crebar l’ensenhament public de las lengas minoritàrias de França.
 
Sabon pas pus les occitans qu’un Mistral o un Max Roqueta valon plan un Victor Hugo. Avèm pas que la lenga per bandièra e la nòstra literatura s’espandis dempuèi mai de 1000 ans. Mas nos sèm totjorn fèit colhonar per de politics e de privilegiats qu'an abaissat le francés al reng de lenga d’enganaires cinics e l’occitan al reng de lenga de pelha.
 
Catalans , occitans, pòbles fraires, siatz fièrs de vòstra lenga e de vòstra cultura. Se nos mainan pas de politica, les politicaires elis se trufaràn de nosauts!
 
Contunhatz de resistir. Nos daissarem pas tòrcer! Coma ac disiá le poèta: Venim del nord venim del sud de terra endins de mar enllà seran inùtils les cadenes d'un poder sempre asclavitzant quan és la vida mateixa que ens obliga a cada pas. I caminem per poder ser i volem ser per caminar.
 
Visca Catalonha, visca Occitània
 
 
 
Annia Wolf
Pòrt de Salau, 4 d’agost 2019
 
     



 
 
 
 

 


 

 



publicitat
BANER1-2-3: DGPL DICTADES



Comentaris


I a pas cap de comentari




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 12
  • sol Aush 11
  • sol Bordèu 13
  • sol Briançon 13
  • sol Caors 14
  • sol Carcassona 14
  • sol Clarmont-Ferrand 12
  • sol Confolent 12
  • sol Gap 8
  • sol La Canau 14
  • sol La Gàrdia 14
  • sol Limòtges 13
  • sol Lo Borg Sant Dalmatz 15
  • sol Lo Puèi de Velai 12
  • sol Marselha 22
  • sol Montpelhièr 16
  • sol Naut Aran 10
  • sol Niça 22
  • sol Nimes 16
  • sol Pau 11
  • sol Peireguers 15
  • sol Rodés 12
  • sol Tolon 13
  • sol Tolosa 11
  • sol Valença 12

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © Adriana Díaz

    Canas 2019

  • © Franc Bardòu

    Catalonha etèrna

  • Gavotina maritima - Sant Anhe, vilatge sus una pena. © Laurenç Revest

    Gavotina maritima - Sant Anhe

  • Montpelhièr. © Patrici Baccou

    Campanada d'alarma sus la situacion catastrofica ont se tròban la lenga e la cultura occitanas

  • La Primada de Montsegur, 17 de març 2012

    Primada de Montsegur, 17 de de març 2012

  • © Franc Bardòu

    Tresaurs andorrans

  • Gavotina marítima: trofèu d'August e vila vielha d'A Torbia

  • © Franc Bardòu

    Catalonha etèrna

  • © Aure Séguier

    Carnaval Biarnés 2017

  • Sant Esteve del Monestir, Rosselhon, Catalonha. Una nau espaciala?? Que non ! Una piscina cubèrta. © Idali Vera

    Concors d'estiu 2012: La fotografia de las vacanças

  • Exposicion temporària sus Robèrt Lafont al CIRDOC (D.R.)

  • A Gavotina marítima: Recabruna Cab Martin, a vila vielha e o castèl dau sécolo X

  • Coserans: Sent Líser, Casavèth, Sent Guironç, Saurat...

  • Besièrs. © Melanie Laupies

    Besièrs

  • Menton: devisa d'a 58ena Brigada alpenca (armaia francesa) en... occitan :

    L'occitan per carrièras (concors de prima 2014)

  • Arremassada de signatures pera independéncia. ANC Val d'Aran, Vielha 11-12 de gèr 2014

  • © Laurenç Revèst

    Via de Buelh a Pèunas a Valberg fins a Sant Laugier

  • © Celèsta Toion

    La plaja espaci de libertat? D'expression?

  • © Franc Bardòu

    País Bordalés

  • © Laurenç Revèst

    Fòrt Maginòt de Sant Anhe

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


6%



4%



90%



0%




Vots 124 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)