CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 25 d'agost

Actualitats

Dimenge, 11 d'agost de 2019, 03h00 Economia,Environament,Internacional,Politica,Societat

Consumar mens de carn e cambiar las abituds alimentàrias son los conselhs de l’ÒNU per arrestar lo cambiament climatic

Lo rapòrt de l’IPCC, elaborat per mai de 107 expèrts de 52 païses, avertís que lo sector elevaire es lo principal responsable del 23% de las emissions mondialas de gases d’efièch de sarra


Comentaris 6 comentaris    
Marrit Flac Bon Plan bon Fabulós (5 vòtes)
carregant En cargar


Lo grop internacional de scientifics climatics de l’ÒNU a publicat un rapòrt que vòl donar las claus per frenar la crisi climatica sus la Tèrra. Dins aqueste, presentat dijòus passat a Genèva amb una granda espèra, los expèrts recomandan, coma premissas mai soslinhadas, que se consume mens de carn –lo sector elevaire es lo principal responsable del 23% de las emissions mondialas de gases d’efièch de sèrra– e encaminar lo sistèma alimentari devèrs una cultura mai duradissa e d’abituds de consum pus sanas.
 
Lo rapòrt del Panèl Intergovernamental dels Expèrts del Cambiament Climatic de las Nacions Unidas (IPCC segon sa sigla en anglés), elaborat per mai de 107 especialistas de 52 païses, defend una dièta basada suls aliments vegetals que ja consumam, coma de leguminosas e de cerealas, e tanben accèpta lo consum d’aliments d’origina animala, mas a condicion que sián produches dins de sistèmas duradisses de febla emission de gases d'efièch de sèrra.
 
Segon las donadas del rapòrt, basat sus mai de sèt mila estudis, se l'umanitat manten lo ritme actual de consum de carn e de creissença de la populacion, en 2050 lo sòl agricòla deuriá aumentar de sièis milions de quilomètres cairats, dos còps la superfícia totala d’Argentina.
 
 
Degalh d’aliments
 
Lo rapòrt avertís que se seguissèm los meteisses sistèmas de consum e, per extension, los meteisses modèls de produccion, creisseràn las inondacions, las secadas, las tempèstas e d’autres fenomèns de clima extrèm que menaçan lo provesiment global dels aliments. Aital, se prevei una aumentacion mejana d’un 7,6% suls prèses de las cerealas per l’an 2050, çò qu'aumentarà los prèses dels aliments e los risques d’inseguretat alimentària e de famina.
 
Lo provesiment per tèsta d’òlis vegetals e de carn es ara mai del doble qu’en 1961. A mai, ara entre lo 25% e lo 30% dels aliments que produsèm se pèrd o se degalha. Pour er aquela rason, l’IPCC demanda d’esfòrces per frenar la pèrda e lo degalh d’aliments, que representa almens l’8% dels gases d’efièch de sèrra produches per l’òme.
 
 
Aumentacion de la temperatura
 
Una autra revelacion dels expèrts de l’ÒNU es que la temperatura de l’aire a ja aumentat d’1,53°C dempuèi l’epòca preïndustriala, çò es lo doble de la temperatura mejana globala (0,87°C).
 
Dins lo rapòrt, los expèrts avertisson que lo Mond afronta un naut risc de secadas, d’incendis forestières, de desglaciacion del permagèl e de provesiments dels aliments instables. “Se prevei que los risques seràn de mai en mai sevèrs amb l’aumentacion de las temperaturas”, çò preven lo document de l’IPCC.
 
L’IPCC avertiguèt ja en octòbre de l’an passat que limitar l’escalfament global a una aumentacion de la temperatura mejana d’1,5°C al dessús dels nivèls preïndustrials èra solament possible amb “de cambiaments rapids, de longa portada e sens precedents”.
 
Dins l’Acòrdi de París de 2015, los païses s’engatgèron a manténer l’aumentacion de la temperatura globala jos los 2°C, idealament pas mai que l’1,5°C, en comparason amb los nivèls preïndustrials del sègle XIX. Los scientifics espèran que los politicians consideraràn las descobèrtas de l’IPCC a la Reünion d’Accion Climatica de l’ÒNU que se tendrà a Nòva York lo 23 de setembre venent.
 
 
Vejatz la conferéncia de premsa facha a Genèva:






publicitat
BANER1-2-3: DGPL TRADUCTOR



Comentaris

14 d'agost 22.56h

Es una bona idea, menjar coma los vegetarians es molt bon per la salut e tamben per lo nostre planeta. La poblacion que creis de maniera descontrolada en paisos coma Africa e America del Centre e Sud, fa pensar amb las solucions que ja s'aurien d'aver pres, preservatius, anticonceptius. No pot ser que tenga vint filhs una sola dona.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

11 d'agost 21.58h

@Lachaud Paubre babòion, la barras jamai non pas dire tant de conarias? Te deuriàs 'nar 'catar tant deuriàs aver vergonha. D'ente tiras totas quelas inepcias? Podriàs benleu far l'esfòrç de legir un pauc de sciéncia non pas te fiar a las elucubracions vibromassadoiras mas eissidas de ton cerveu, quò deven criminau de negar entau las evidéncias dau chamnhament climatic quand sabem que l'i a desjà de la gent en quauqu'uns endrechs de queu monde que patissen de sos esfiechs, qu'es per lo... Legir mai


Valoriza aqueste comentari:   votar positiu 10   votar negatiu 3
Respondre comentari replica Comentari inadeqüat   Formulari d'abús de comentari

11 d'agost 12.40h

Oé ! Aquela istòria es un complòt dels vendeires de climatisadors e de glaçets !

De tot biais anam inventar de vacas que resistàran al rescalfament climatic, a las radiacions, e de fedas que resistàran als lops e als orses.


Valoriza aqueste comentari:   votar positiu 10   votar negatiu 4
Respondre comentari replica Comentari inadeqüat   Formulari d'abús de comentari

11 d'agost 10.32h

#1 Sètz vengut de subita un climatològ professinau per la gràcia divina o veguères aquò dins tas videos daus Illuminati ?


Valoriza aqueste comentari:   votar positiu 13   votar negatiu 5
Respondre comentari replica Comentari inadeqüat   Formulari d'abús de comentari

11 d'agost 10.30h

Sètz vengut de subita un climatològ professinau per la gràcia divina o veguères aquò dins tas videos daus Illuminati ?


Valoriza aqueste comentari:   votar positiu 13   votar negatiu 5
Respondre comentari replica Comentari inadeqüat   Formulari d'abús de comentari

11 d'agost 08.54h

Los bandits de l'ONU accusan la produccion de viandes de favorisar l'eschaurament climatica.
Quò es de la pura propaganda repercutada per daus uns qu'utilisan daus avions, de las veituras, lo bateu per far lòr propaganda.
Lo gaz carbonic es pas responsable de l'efet de serres. D'alhors es util per la vegetacion que pati pas de tròp de gaz carbonic mas de manca. D'un autre biais los animaus aportant de l'engres que fai besonh a la terra.
Lo sol gaz a efet de serre quò es la vapor d'aig... Legir mai


Valoriza aqueste comentari:   votar positiu 8   votar negatiu 17
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Lo drech de viure es pus important que totas las frontièras

Uèi, dimenge 18 d’agost, fa 18 jorns que l’Open Arms reten malgrat el mai d’un centenat de migrants socorreguts en marrit estat de santat. Enfin, lo naviri es arribat davant ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

Entrevista

“Mn. Condò siguec hilh dera Renaishença Catalana”

Jusèp Amiell prèire e escrivan aranés

“Mn. Condò siguec hilh dera Renaishença Catalana”
giny

giny

publicitat

lateral 2 teveoc

Fotografias

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Zep Armentano

    Era Mongetada (Val d'Aran 28-29 d'octobre 2017)

  • Gavotina maritima - Pelha. © Laurenç Revest

    Gavotina Maritima: Pelha (Comtat de Niça) © Laurenç Revèst

  • Valadas. © Xavi Gutiérrez Riu

    Valadas

  • © Franc Bardòu

    Coserans al còr

  • © Franc Bardòu

    Asuèlhs de Lauragués

  • © AR

    Vila d'Usès e lo pont de Gardon

  • Irissa: prumèra edicion dera corsa populara de BTT

  • © Zep Armentano

    Era Mongetada (Val d'Aran 28-29 d'octobre 2017)

  • Sud Tolosan. © Franc Bardòu

    Concors d'estiu 2012: La fotografia de las vacanças

  • Sud Tolosan. © Franc Bardòu

    Concors d'estiu 2012: La fotografia de las vacanças

  • La prima en valaa de Tiniá. © Laurenç Revèst

    La prima en Tiniá

  • © Laurenç Revèst

    Cavairac (Costièra de Nimes)

  • Ostals, chasals e granjas dals vilars en Tiniá auta. © Laurenç Revèst

    Ostals, chasals e granjas dals vilars en Tiniá auta

  • Jornada de protèsta contra lo barratge del Testet, a Sivens

  • Líusola (Comtat de Niça). © Laurenç Revèst

    Líusola (Comtat de Niça)

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • © Xavi Gutiérrez Riu

    31n rescontre occitanocatalan al Pòrt de Salau

  • Hug de la Rosa

    Manifestacion "Er aranés, era nòsta identitat". Vielha 24 de març 2018

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Creses que refusar de socórrer los migrants es racista?


43%



33%



23%



1%




Vots 141 vòtes

comentaris 2

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)