Bandièra01 1180x150: País Invisible

Actualitats

Kabol: almens 63 mòrts dins un atemptat terrorista durant una nòça

Un comunicat de l’autoproclamat Estat Islamic revendica lo chaple en precisant que lo terrorista èra un ciutadan paquistanés membre de l’organizacion criminala

| AJ+
Almens 63 personas mòrtas e 180 nafradas es lo tragic bilanç de l’atemptat terrorista que lo patiguèt dissabte de ser una nòça que se teniá dins la vila de Kabol (Afganistan). Revendicat per l’autoproclamat Estat Islamic, lo crime lo causèt un kamikaze que se faguèt espetar dins una sala ont se festejava lo maridatge del temps qu’una veitura cargada d’explosius espetava defòra. Un comunicat de l’autoproclamat Estat Islamic revendica l’atemptat en precisant que lo terrorista èra un ciutadan paquistanés membre de l’organizacion criminala.
 
Segon qualques testimoniatges presencials, la sala èra plena de convidats. De vidèos divulgats suls rets socials mòstran de personas, mai que mai de femnas, que cridan après l’explosion.
 
Lo pòrtavotz del president d’Afganistan a dich que se tractava “d’un crime mespresable contra nòstre pòble” del temps que se demanda: “Cossí es possible d’entraïnar un èsser uman per li demandar que s’immòle pendent de nòças? Perqué tant asirar d’afgans innocents?”.
 
 
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article