Bandièra01 1180x150: País Invisible

Actualitats

Turquia a revocat tres cònsols màgers curds e a detengut 400 personas

Los a acusats de far partida del PKK e mai de n’aver fach la propaganda

| @topraksu0106
Lo govèrn de Turquia a arrestat 400 personas acusadas de far partida del Partit dels Trabalhadors de Curdistan (PKK) e mai a revocat los cònsols màgers de las vilas d’Amed, Mêrdin e Wan (en turc Diyarbakır, Mardin e Van). Los edils tanben son acusats de far partida del PKK e mai de n’aver fach la propaganda, çò a anonciat lo ministre de l’Interior turc. Segon la BBC, los elegits son estats remplaçats per los governadors de cada territòri.
 
Segon lo comunicat oficial del govèrn turc, los cònsols aurián ensajat de “convertir aquelas comunas en centres logistics ont se fornissiá de ressorsas militantas e financièras, e de material per sosténer d’activitats terroristas”
 
Los tres cònsols foguèron elegits dins las urnas de las darrièras eleccions municipalas. Eles fan partida del Partit Democratic del Pòble (HDP), principal partit d’oposicion a Recep Tayyip Erdoğan, qu’a ensajat de restacar mai d’un còp aquel partit amb lo PKK.
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Lo Govern Turc son uns integristas fachas, que vols que fassan aquesta cola de .....

  • 1
  • 0

Escriu un comentari sus aqueste article