Bandièra01 1180x150: Comuna de Tolosa

Actualitats

Pequin se servís de Twitter e de Facebook per combatre las protèstas d’Hong Kong

Los rets socials dison qu’an eliminat 200 000 comptes e 15 000 paginas qu’agissián d’un biais coordenat per difusar de propaganda contra los manifestants

| Studio Incendo
Las autoritats de Pequin se servisson tanben dels rets socials per combatre las protèstas d’Hong Kong. Twitter e Facebook an anonciat que lo govèrn chinés aviá utilizat aqueles dos rets socials per far de propaganda contra las protèstas.
 
Diluns passat, Twitter raportèt la suspension de 936 comptes qu'agissián d’un biais coordenat “dins una operacion menada per l’estat chinés” per “soscavar la legitimitat e la posicion politica” dels manifestants. Après identificar lo marrit usatge del ret social, Twitter assabentèt de la situacion a Facebook que, per la meteissa rason, a eliminat sèt paginas, cinc comptes e tres grops “restacats a d’individús associats al govèrn de Pequin”.
 
En mai d’aquò, Twitter a soslinhat que lo ret social es enebit en China per las autoritats; en consequéncia, los agents de la propaganda an degut emplegar un ret virtual tipe VPN per superar las restriccions geograficas.
 
Twitter assegura qu’a eliminat 200 000 comptes per d’indicis que poirián èsser emplegats per far de propaganda. D’autre latz, Facebook a raportat que 15 500 comptes seguissián qualqu’una de las paginas eliminadas.
 
Ara per ara, cap dels dos rets socials an  pas fornit mai de detalhs suls comptes e paginas eliminats ni mai sus lor impacte social.
 
En mai de tot aquò, las autoritats chinesas an pas trantalhat per qualificar los manifestants de “terroristas”.
 
 
 
 
 


 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Marc Abrun
2.

#1 Marcabrun non cantava contra amor, mas contra falsa amor. Ne sabiá de melhoras…

  • 1
  • 0
francesc palma
1.

Una cançoneta del trobador Macabrú. Lo cantant Claudi Martí facet una bona adaptacion musicala de sa poesia. Canta en contra de l'amor:

Amor es tot en falsiera
pren la mel daissa la cera
pelada dona la pera
Escoltats ,si es plasen son lantera
solament coa copat

Joventut es putaniera
..................................
Amor es de mala raza
com tisana nos enmasca
....................................

La veritat es que o escric de memoria e no m'enrecord gaire.

  • 1
  • 1

Escriu un comentari sus aqueste article