CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 16 de setembre

Actualitats

Diluns, 26 d'agost de 2019, 03h00 Internacional,Politica,Societat

Gasconha > Lanas e Labrit > Baish Ador

Baiona: an passejat lo retrach oficial de Macron a l’envèrs

Una manifestacion anticapitalista se tenguèt dissabte per criticar la cima del G7 e las politicas del president francés. La polícia detenguèt 68 personas


Comentaris 5 comentaris    
Marrit Flac Bon Plan bon Fabulós (10 vòtes)
carregant En cargar


Baiona visquèt ièr dimenge una protèsta insolita. Mentre que los caps d’estat o de govèn de las principalas poténcias industrialas s’amassavan a Biàrritz dins la reünion del G7, un milierat de personas marchava pacificament per protestar en passejant 7 dels 128 retraches oficials d’Emmanuel Macron que lo collectiu Bizi aviá requisicionats durant la campanha “Décrochons Macron“ (Despengem Macron) iniciada en febrièr passat. Lo cortègi portava aqueles retraches a l’envèrs per simbolizar son “inaccion climatica e sociala”, çò rapòrta Mediabask.
 
A l’entèsta de la mobilizacion se podiá veire una bandeiròla amb lo lèma “Macron, campion del bla-bla-bla”. Alara los manifestants mostravan lor refús de l’eveniment e del fach que Macron aguèsse aculhit los autres sièis dirigents amb de mesuras de seguretat exageradas, impopularas e geinantas pels abitants de l’endrech.
 
A la cima del G7 lo president de França a aculhit Donald Trump (Estats Units), Boris Johnson (Reialme Unit), Angela Merkel (Alemanha), Justin Trudeau (Canadà), Shinzo Abe (Japon) e Giuseppe Conte (Itàlia).
 
 
68 detenguts a Baiona
 
Metretant, a Hendaia, una manifestacion espontanèa demandava la liberacion dels 68 detenguts de la jornada precedenta. D’efièch, dissabte, lo quartièr de la Petita Baiona aviá viscut una repression desmesurada. Just quand acabèt la manifestacion contra lo G7, la polícia embarrèt lo quartièr en atacar lo mond amb de gases lacrimogèns e de giscles d’aiga, en interpelant 68 personas, dont 38 son mesas an gàrdia a vista, segon la prefectura. “La polícia que tira granadas de gas e balas de goma, e que persegueish lo monde qu’ei per las carrèras, shens nada rason”, çò raportavan de manifestants occitanistas sus plaça segon Occitània Arroja. S’agissiá d’una manifestacion non autorizada per las autoritats francesas.
 
Los detenguts son acusats d’aver participat a de manifestacions illegalas de las tòcas violentas, d’aver d’objèctes que se poirián emplegar coma d’armas, de s’escondre la cara per èsser pas identificats e de lançar de projectils contra la polícia.
 
Qualques oras abans, s’èra debanada una granda manifestacion entre Hendaia e Irun que se desvolopèt sens incidents remarcables.
 
 
La contracima
 
Mentretant, un centenat d’organizacion politicas, de partits, de sindicats e de movements socials del Bascoat, d’Occitània e d’endacòm mai, an organizat un eveniment alternatiu a unes 30 quilomètres de Biàrritz, a Hendaia e Irun, çò es d’un costat e de l’autre de la frontièra administrativa que travèrsa lo Bascoat. Demest las organizacions participantas i a Libertat, que durant las darrièras setmanas a organizat d’eveniments a Pau per informar de la reünion del G7 e de la contracima.
 
L’eveniment a programat un centenat d’activitats a l’entorn de sèt aisses politics: l’anticapitalisme, l’ecologisme, lo feminisme, la descolonizacion, la democracia, lo pacifisme e l’antiimperialisme e la liura circulacion de las personas. De soslinhar la conferéncia entitolada “Dialòg entre las nacions sens estat” qu’a comptat sus la participacion de la politiciana catalana exiliada Marta Rovira, del representant d’EH Bildu Arnaldo Otegi, e del president de l’Assemblada de Corsega, Jean-Guy Talamoni, entre d’autres.
 
Tanben an tractat las realitats qu’i fan fàcia al quotidian los locutors de las lengas minorizadas coma los occitans, los bascos, los mapoches, los amazighs, los curds... Delà los testimoniatges, se son organizats de corses exprès per devenir poliglòta en una ora, an enregistrat un tèxt dins tot plen de lengas e an cantat de rap en totas las lengas possiblas del public.
 
 
Bona sintonia de Trump amb Johnson e guèrra comerciala a China
 
Dins la cima del G7, lo president dels Estats Units, Donald Trump, a afirmat que lo primièr ministre del Reialme Unit, Boris Johnson, es “l’òme ideal” per menar lo Brexit a bon tèrme e li a promés “un grand acòrdi comercial” per l’ajudar.
 
Trump mostrèt tanplan una bona sintonia amb Macron, “malgrat las falsas informacions”, çò diguèt en referéncia a la menaça que la faguèt Trump contra lo sector vinicòla de l’estat francés en reaccion a l’intencion del govèrn de Philippe de crear una taxa suls servicis numerics, sonada taxa GAFA.
 
Lo cap estatsunidenc a quitament dich que sos sòcis internacionals “respèctan la guèrra comerciala” qu’a declarat a China. “Es quicòm que deviá arribar”, çò a dich malgrat las malfisanças dels dirigents e organismes economics internacionals a causa de l’inestabilitat que la provòca aquò. Pasmens, Trump a demandat a las societats estatsunidencas que quiten China.
 
 
 


 
 

 

 

 

 

 
 
 

 



publicitat
BANER1-2-3: DGPL AN LAFONT



Comentaris

27 d'agost 23.21h

Lo capitalisme salvatge porta moltas personas a la marginalizacion.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

26 d'agost 14.57h

Una bona idèa aquela del cap en bas. Aquela oligarquia pro nècia per s'imaginar que las dardenas la protegiràn del collapsus pensa amb los pès, e son representant, lo VRP de l'Elisèu, tanben.


Valoriza aqueste comentari:   votar positiu 13   votar negatiu 0
Respondre comentari replica Comentari inadeqüat   Formulari d'abús de comentari

26 d'agost 11.26h

Me sembla normal qu'un jornal se place en "espectator": servís per assabentar, abans tot. Es pas una organizacion politica.


Valoriza aqueste comentari:   votar positiu 19   votar negatiu 1
Respondre comentari replica Comentari inadeqüat   Formulari d'abús de comentari

26 d'agost 10.42h

Lo contengut d'aqueste comentari es amagat perque los legeires l'an considerat inapropriat
Mòstra-lo


Valoriza aqueste comentari:   votar positiu 2   votar negatiu 27
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 32
  • sol Aush 31
  • sol Bordèu 31
  • sol Briançon 26
  • sol Caors 33
  • sol Carcassona 30
  • sol Clarmont-Ferrand 31
  • sol Confolent 31
  • sol Gap 26
  • sol La Canau 32
  • sol La Gàrdia 29
  • sol Limòtges 32
  • sol Lo Borg Sant Dalmatz 25
  • sol Lo Puèi de Velai 30
  • sol Marselha 29
  • sol Montpelhièr 28
  • sol Naut Aran 28
  • sol Niça 26
  • sol Nimes 32
  • sol Pau 29
  • sol Peireguers 33
  • sol Rodés 31
  • sol Tolon 31
  • sol Tolosa 30
  • sol Valença 32

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Tardor dins lo País de Saut lengadocian. © Terric Lausa

    Tardor dins lo País de Saut lengadocian

  • © Laurenç Revèst

    Ua comua de la valaia dai Palhons: L'Escarea, gents de cadea

  • A Gavotina marítima: Recabruna Cab Martin, a vila vielha e o castèl dau sécolo X

  • © Magalí Barceló

    Santa Gabèla: quatrena fèsta del fogal rural La Gabèla

  • Omenatge a Aragon. © Franc Bardòu

    Omenatge a Aragon

  • © Franc Bardòu

    Asuèlhs Bigordans

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • © Laurenç Revèst

    Fòrt Maginòt de Sant Anhe

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Franc Bardòu

    País Bordalés

  • Josette Moll

    Concors de preseps de Jornalet 2017

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Magalí Barceló

    Santa Gabèla: quatrena fèsta del fogal rural La Gabèla

  • © Franc Bardòu

    Tèrra albigesa

  • Ua comua de la valaia dai Palhons: L'Escarea, gents de cadea

  • © Margaria Pepin

    Adobament dal Grand Prèmi de Mónegue de 2014

  • Valadas. © Xavi Gutiérrez Riu

    Valadas

  • Gavotina marítima: trofèu d'August e vila vielha d'A Torbia

  • © Laurenç Revèst

    Auribeu de Sianha

  • Asuèlhs comengeses. © Franc Bardòu

    Asuèlhs Comengeses

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)