Bandièra01 1180x150: Comuna de Tolosa

Actualitats

Biàrritz: lo ministre iranian dels afars exteriors se presentèt ièr al G7

Lo convidèt son omològ francés per ensajar de reprene lo dialòg diplomatic dins lo golf Persic après las tensions amb los Estats Units. Trump se’n mostrèt estonat

| @JZarif
Lo ministre dels afars exteriors d’Iran, Mohammad Javad Zarif, aterrèt ièr dimenge a l’aeropòrt de Biàrritz a l’ocasion de la reünion del G7. Zarif i èra anat en responsa a l’invitacion de son omològ francés, Jean-Yves Le Drian. Amb aquel convit, Le Drian cèrca de contunhar l’iniciativa de l’estat francés per minimizar las tensions al golf Persic e tornar prene lo dialòg diplomatic amb Iran.
 
Coma òste de la reünion, lo president francés, Emmanuel Macron, anoncièt als autres dirigents dels païses industrializats l’arribada del ministre iranian, çò qu’estonèt lo president estatsunidenc Donald Trump. Pus tard, Macron diguèt als mèdias que totes los membres del G7 s’èran engatjats per l’estabilitat de la region.
 
Iran e los Estats Units travèrsan un moment d’extraordinària tension diplomatica après que Trump se retirèt unilateralament de l’acòrdi nuclear signat amb Iran en 2015 e restaurèt las sancions prèviament suspendudas gràcias a un pache qu’aviá replaçat la republica islamica dins los mercats internacionals.
 
Dempuèi alavetz, los dos païses son estats protagonistas de nombroses episòdis de friccion, coma l’abatatge d’un dròne estatsunidenc en junh passat que presumidament subrevolava l’espaci aerian d’Iran.
 
 
 

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
2.

Comedia. Pendent que lo mond crema, fan pas que nous servir una comedia pietadosa.

  • 3
  • 0
francesc palma
1.

Es una bona causida del G 40 laires. Mas per una vegada an cercat a via del dialeg, coma democratas.

  • 1
  • 0

Escriu un comentari sus aqueste article