Actualitats
An denonciat Apple e Samsung per las radiacions de radiofrequéncia de lors telefòns mobils
Un collectiu d’usatgièrs los acusa de “negligéncia, rompedura de garentida, de frauda de consum e d'enriquiment injust”
An depausat una denóncia collectiva contra los fabricants tecnologics Samsung e Apple davant un tribunal de Califòrnia, als Estats Units, perque divèrses modèls de lors telefòns mobils presentavan de radiacions de radiofrequéncia superiors als tausses permeses, çò que poiriá damatjar la santat. La denóncia la faguèron lo 23 d’agost passat en justificant que “de nombroses estudis scientifics an mostrat que l’exposicion a las radiacions de radiofrequéncia afècta los organismes vius”.
Los denonciaires an mençonat una enquèsta publicada pel jornal Chicago Tribune qu’assegura que los nivèls de radiacion arriban fins a un 500% al dessús dels limits permeses, se pòrta l’aparelh dins la pòcha de la camisa o de las bragas. E mai dison que Samsung e Apple coneissián aqueles risques e, per tant, los acusan tanben de “negligéncia, rompedura de garentida, de frauda de consum e d'enriquiment injust”.
D’un latz, revendican que las societats determinen l’impacte real de las radiacions, e de l’autre, exigisson qu’Apple e Samsung paguen las despensas medicalas per definir los damatges que los ajan pogut patir los usatgièrs. En mai d’aquò, exigisson de mesuras de precaucion.
Los denonciaires son d'usatgièrs de divèrses modèls de telefòns mobils d’ambedoas societats.
Los telefòns concernits son:
Los denonciaires an soslinhat que l’exposicion a aquelas radiacions poiriá causar un risc de càncer, de damatges genetics, de cambiaments dins l’aparelh reproductor, de deficits de memòria e de trebols neurologics entre d’autras patologias.
Los aparelhs mençonats despassan lo limit d’1,6 watt per quilogram que l'establís la Confederacion Federala de las Comunicacions dels Estats Units. Ça que la, aquel organisme a concedit sas certificacions als aparelhs citats.
Los denonciaires an mençonat una enquèsta publicada pel jornal Chicago Tribune qu’assegura que los nivèls de radiacion arriban fins a un 500% al dessús dels limits permeses, se pòrta l’aparelh dins la pòcha de la camisa o de las bragas. E mai dison que Samsung e Apple coneissián aqueles risques e, per tant, los acusan tanben de “negligéncia, rompedura de garentida, de frauda de consum e d'enriquiment injust”.
D’un latz, revendican que las societats determinen l’impacte real de las radiacions, e de l’autre, exigisson qu’Apple e Samsung paguen las despensas medicalas per definir los damatges que los ajan pogut patir los usatgièrs. En mai d’aquò, exigisson de mesuras de precaucion.
Los denonciaires son d'usatgièrs de divèrses modèls de telefòns mobils d’ambedoas societats.
Los telefòns concernits son:
- per Apple: l’iPhone X, l’iPhone 8 e l’iPhone 7 Plus,
- per Samsung: lo Galaxy S8 e Note8.
Los denonciaires an soslinhat que l’exposicion a aquelas radiacions poiriá causar un risc de càncer, de damatges genetics, de cambiaments dins l’aparelh reproductor, de deficits de memòria e de trebols neurologics entre d’autras patologias.
Los aparelhs mençonats despassan lo limit d’1,6 watt per quilogram que l'establís la Confederacion Federala de las Comunicacions dels Estats Units. Ça que la, aquel organisme a concedit sas certificacions als aparelhs citats.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sempre m'a parescut una mala jugueta los mobils.
E seré possible d'aver un ligam tà l'enquista deu Chicago Tribune? O de saber quau associacion denóncia Apple e Samsung tà poder anar mei luènh?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari