Actualitats
Greta Thunberg es arribada a Nòva York
I es anada sus un naviri ecologic del monegasc Pierre Casiraghi. La jove activista a pres un an sabatic sus sos estudis per participar a de reünions sus l’urgéncia climatica
Partiguèt del pòrt de Plymouth (Anglatèrra) lo 14 d’agost passat e refusèt de viatjar en avion per evitar d’emissions polluentas. Greta Thunberg a fach lo viatge acompanhada de son paire, del quite Pierre Casiraghi e del realizaire Nathan Grossman, que farà un documentari sul viatge.
Greta Thunberg entamenèt fa un an una seguida de protèstas cada divendres davant lo parlament suedés, amb la tòca que los caps mondials escotèsson las proposicions dels joves fàcia a l’escalfament climatic. En seguida, d’adolescents d’autres païses coma Belgica, Àustria, Alemanha o lo Reialme Unit comencèron d’o far tanben.
Ara, Thunberg a interromput sos estudis per prene un an sabatic. Après Nòva York, vesitarà Canadà, Mexic e Chile, ont en decembre participarà a una cima sus l’urgéncia climatica. A anonciat que percorreriá lo continent en autobús e tren.
Welcome to New York, @gretathunberg!
— António Guterres (@antonioguterres) August 28, 2019
The determination and perseverance shown during your journey should embolden all of us taking part in next month's #ClimateAction Summit.
We must deliver on the demands of people around the world and address the global climate crisis. pic.twitter.com/dGUZr9fFQM
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Be, noia, el que defenses es molt important, val a dir que ets dels úncs mediàtics que fan quelcom per salvar el Planeta. Amb el que ha passat als boscos del Mon, que ningú digui res o es faixi el despistat, es molt greu.
Es pot però falta el compromís de tothom, si ningú fa res , teniu la seguretat que tot això se'n va a la merda.
Visca la Terra...Lliure!
L'Ernest, "El Tàrrega".
#16#15 Manipulada, es d'a fons aquo. Un circ mediatic que d'aqui quauquas annadas om se demandarà encara cossi tantes son tombats dins lo panèl. E soi luonh d'èsser un climatoesceptic, mas caucionar aquel manipoli cinic e infantilizaire que dona bona consciença als menaires de la planèta, nani !
#13 Mercés amic Isopet de me desirar una bona fèsta de Sant Gèli
Vòli precisar tocant la Gretà Thunberg qu'escaisnomi ironicament Santa Gretà, que m'ataqui al fons de sas idèas e pas al seu fisic o a la sia malautia.
Aquesta dròlla es cap e tot manipulada per son monde (paire e maire) e pel sistèma mediatic que l'utilizan. Espèri que son monde meton de moneda de costat pel jorn quand lo citron Santa Gretà serà esquichat e estorrit e que serà escampat al borrièr.
Me far bombir quand vesi Jornalet qu'es un medià serios li far una publicitat descabestrada.
Cal arrestar de nos prendre per los colhons que sèm pas.
E ben! Mancam pas de climatoesceptics! O de fenhants que fan pas res e que critican los que se bolègan.
Cresi que i a pas incompatibilitat entre se batre per l'occitan e luchar per far cambiar lo modèl mondial. Se pòt pas èsser ecologista e pas comprene que la diversitat linguistica fa partida de la diversitat biologica. L'equilibre de la vida sus tèrra compren, e se farà pas sens, l'equilibre linguistic. La defensa de l'occitan es d'esperela ecologica. Deu anar amassa amb lo demai.
Los afogats del mercat cèrcan d'esbocinar la pensada ecologica per mièlhs la combatre. Exemple: l'encloscatge sus la veitura electrica en parlant pas que del CO2 quand aqueles daquòs presentan sus fòrça autres punts de problèmas ecologics tant o mai gròsses que los veïculs termics.
#13 Bon, per resumir la faula Greta Thunberg un sol mot sufis : mascarada.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari