Bandièra01 1180x150: País Invisible

Actualitats

crotz-tolosaCreated with Sketch.GasconhaBearnSeuvestre

Ortès: commemoraràn l’independéncia de Bearn

Lo 25 de setembre de 1347, Gaston Fèbus refusèt de participar a la Guèrra de Cent Ans e declarèt Bearn territòri nèutre. L’FPRO se vòl remembrar d’aquel eveniment escondut per l’istòria oficiala

Lo 25 de setembre, commemoraràn a Ortès lo jorn d’independéncia de Bearn, en remembre de la proclamacion que la faguèt Gaston Fèbus en aquela vila, lo 25 de setembre de 1347, en refusar d’ajudar lo rei de França dins sa guèrra contra l’armada d’Anglatèrra. D’efièch, a 18h30 a la Tor Moncada, lo Front Popular per la Republica Occitana (FPRO) farà un parladís sus aquel eveniment istoric e puèi se cantarà e se partejarà lo veire de l’amistat.
 
L’FPRO convida la populacion, tant de Bearn coma de tota Occitània, a aquela commemoracion de “l’istòria nosta” qu’es pas dins “l’istòria oficiau francesa ensenhada”.
 
“Uei enqüèra, la França que demanda a las nacions shens estat qu’invadó de seguir-la en las soas guèrras imperialistas mondializadas. Uei, los gascons n’avem pas mei un prince qui’ns poderé tirar d’aquera carrèra bòrnia capitalista impausada per l’estat francés e los sons partenaris deu G7”, çò ditz l’FPRO dins sa crida a participar a l’eveniment.
 
 
Declaracion d’independéncia
 
Lo 25 de setembre de 1347, a Ortés, lo comte Gaston III dich Fèbus recebiá un representant del senescal de Roergue, que li demandava d’anar luchar al costat del rei de França contra Anglatèrra. Per evitar lo conflicte, lo jove Gaston Fèbus d’alavetz balhèt una responsa per escrich ont declarava Bearn tèrra nèutra d’aquel conflicte en tot refusar de plegar lo genolh davant lo rei francés. Aquel fach es considerat coma una declaracion d’independéncia que desliurèt los bearneses per un temps de la Guèrra de Cent Ans.
 
L’FPRO cèrca de recuperar l’istòria del país non ensenhada e amagada, per tal que “la nacion occitana” se pòsca un jorn “prononciar per l’autodeterminacion deu noste pòble”.

 
 
 


 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Faguet molt ben de non voler anar amb lo rei de França e d'aprofitar per ser neutral e per tant luenh de las aspiracions imperialas francesas. Visca Gaston Fèbus !

  • 4
  • 2
Franc Bardòu
1.

L'independéncia de Bearn, non ! L'independéncia de Gaston de Foish e Bearn, si. Fèbus aguèsse pogut possedir totas las tèrras de sa lenga, son totas aquelas tèrras que serián estadas independentas.

  • 4
  • 2

Escriu un comentari sus aqueste article